Pol

Na Galipedia, a Wikipedia en galego.

Coordenadas: 43°21′49″N 7°28′30″W / 43.36361°N 7.47500°W / 43.36361; -7.47500

Pol
Escudo de Pol
P1130828 Casa concello Pol.JPG

Casa do concello.
Situacion Pol.PNG
Situación
Xentilicio[1] Polense
Xeografía
Provincia Provincia de Lugo
Comarca Comarca de Meira
Poboación 1.794 hab. (2012)
Área 125,9 km²
Densidade 14,25 hab./km²
Entidades de poboación 111
Capital do concello Mosteiro
Política (2011)
Alcalde Lino Rodríguez Ónega
Concelleiros BNG: 1
PPdeG: 2
PSdeG-PSOE: 6
Outros: -
Eleccións municipais en Pol
Uso do galego[2] (2011)
Galegofalantes 83,83%
Na rede
http://www.concellodepol.es

Pol é un concello da provincia de Lugo, pertencente á comarca de Meira. Segundo o IGE en 2012 tiña 1.794 habitantes (En 2009 tiña 1.865, 1.913 en 2007).

Xeografía[editar | editar a fonte]

O concello esténdese no pedemonte das estribacións da Serra de Meira polo nordeste e da Serra do Mirador polo sueste. Mosteiro, con 205 habitantes, é a capital desde 1970. A estrada LU-640 (de Lugo á Veiga) pasa polo norte.

As maiores altitudes están no leste (Pena Grande, 935m, Montes da Ferradura, 809 m e Penedo do Pao, 827 m). Nos límites con Castro de Rei a altitude apenas supera os 400 m e os outeiros intermedios non superan os 650 m Deles parten numerosos regatos e ríos.

Os principais cursos fluviais son, na bacía do río Miño, o río Azumara e o seu afluente o río Pol polo centro e o río Lea polo suroeste e, cara a vertente cantábrica, o río Lúa, que é afluente do Eo.

Abundan os bosques grandes, como os de Milleirós, con moitos carballos

O clima é oceánico continental, con precipitacións en volta dos 1.000 mm anuais e temperaturas medias anuais baixas. A media no inverno non supera os 6,7 ºC; no verán a temperatura é suave (16 ºC); 136 días ao ano hai xeada.

Poboación[editar | editar a fonte]

A distribución por tramos de idade da poboación de Pol queda do seguinte xeito:

Censo Total (Habitantes) 1.794
Menores de 15 anos 132 (7,36 %)
Entre 15 e 64 anos 1.020 (56,85 %)
Maiores de 65 anos 642 (35,78 %)

Historia[editar | editar a fonte]

A poboación pre-histórica debeu de ser importante, en razón da abundancia de mámoas e castros. Por Pol pasou unha vía romana que procedía de Astúrica Augusta e se bifurcaba en Valonga cara Ribadeo e Viveiro. No Museo Provincial de Lugo consérvase unha ara votiva dedicada aos deuses viais. Outros restos romanos son o mosaico da Vila romana de Doncide, en Silva, e a tessera dos zoelas, inscrición na que se recolle un pacto de amizade entre os triadivos e os desoncos, realizado en presenza no maxistrado Abieno, no ano 27 a.C..

Da Idade Media fican sepulturas antropomórficas en Lúa e sartegos en Ermude. Sábese da existencia de mosteiros en Arcos, Mosteiro e Silva (este último estaba baixo a protección do papa Hadrián IV en 1156). Cando o Císter se instalou en Meira, estes mosteiros desapareceron.

O documento máis antigo que se conserva referido a este concello é de 1222, o testamento dun soldado chamado Froila García, que deixa as súas terras de Pol ao bispado de Lugo. No mesmo século XIII o rei Afonso X o Sabio concedeu unha carta póboa aos habitantes de Luaces, que se asentaron en Valonga. As terras de Luaces, que pertenceran á casa de Lemos, pasaron en 1514 aos Altamira, ao compralas Álvaro Osorio de Moscoso para o seu sobriño, o IV Conde de Altamira.

No século XVIII os Losada eran señores en Pol, que se dividía daquela nas xurisdicións de Luaces, Meira e Lea. Coa creación dos primeiros concellos créanse dous, Luaces e Lea, pero en 1835 créase o actual de Pol, co mesmo territorio a excepción de Lúa.

Galería de imaxes[editar | editar a fonte]

Artigo principal: Galería de imaxes de Pol.

Lugares de Pol[editar | editar a fonte]

Para unha lista completa de todos os lugares do concello de Pol vexa: Lugares de Pol.

Parroquias[editar | editar a fonte]

Galicia | Provincia de Lugo | Parroquias de Pol

Arcos de Frades (Santiago) | Caraño (San Martiño) | Carazo (San Pedro) | Cirio (Santa María) | Ferreiros (Santo André) | Fraialde (Santa María) | Gondel (San Cosme) | Hermunde (San Pedro) | Lea (San Bartolomeu) | Luaces (Santa María) | Milleirós (Santiago) | Mosteiro (San Salvador) | Pol (Santo Estevo) | San Martín de Lúa (San Martín) | San Martiño de Ferreiros (San Martiño) | Silva (Santiago) | Suegos (Santa Eulalia) | Torneiros (San Lourenzo) | Valonga (Santa María)

Notas[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: Pol


Concellos da Comarca de Meira Comarca de Meira
Meira
Meira
Pol
Pol
Ribeira de Piquín
Ribeira de Piquín
Riotorto
Riotorto