Cervo

Para outras páxinas con títulos homónimos véxase: Cervo (homónimos).

Cervo
Encoro da antiga fábrica de Sargadelos.
Situación
Xentilicio	cervense
Xeografía
Provincia	Provincia de Lugo
Comarca	Comarca da Mariña Occidental
Poboación	4685 hab. (2009)
Área	78,3 km²
Densidade	59,83 hab./km²
Entidades de poboación	6 parroquias
Capital do concello
Política (2011)
Alcalde	Alfonso Villares Bermúdez (PPdeG)
Concelleiros	BNG: 1 PPdeG: 7 PSdeG-PSOE: 3 Outros: -
Eleccións municipais en Cervo
Uso do galego (2001)
Galegofalantes	89,83%
Páxina web oficial
www.concellodecervo.com

Cervo é un concello da provincia de Lugo, pertencente á comarca da Mariña Occidental. Segundo o IGE no 2010 tiña 4.595 habitantes (4.847 no 2006, 4.949 no 2005, 4.978 no 2004, 5.060 no 2003). O seu xentilicio (véxase no Galizionario) é «cervense».

Evolución da poboación de Cervo (desde 1900 ata 2012)
1900	1930	1950	1981	2004	2009	2011	2012
4.838	4.532	5.069	9.639	4.978	4.595	{{{7}}}	{{{8}}}
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo Total	4.595
Menores de 15 anos	424 (9,23%)
Entre 15 e 64 anos	3.253 (70,79%)
Maiores de 65 anos	918 (19,98%)

Xeografía

Cervo está situado ao norte da provincia de Lugo, a media distancia entre Viveiro e Ribadeo.

Historia

No Antigo Réxime os territorios do concello pertencían á xurisdición de San Cibrao e ao couto redondo de Burela, pertencentes á súa vez á provincia de Mondoñedo. Coa primeira división de Galiza en concellos, Cervo pertencía ao partido de Viveiro. Entre 1835 e 1840 estivo dividido en dous: San Cibrao (parroquias de Castelo, Cervo, Lieiro, Rúa, Sargadelos e Vilaestrofe) e San Xulián de Nois (parroquia de Santa María de Burela). Esta división mantívose até 2002, cando se independizou o concello de Burela.

Economía

Malia que boa parte da economía local depende do sector primario (agricultura, gandería e pesca), tamén existe sector industrial e turístico.

O valor industrial da zona naceu por mor da existencia de terreos arxilosos e de caolín na zona. Isto permitiu a creación de factorías de ladrillos, tellas e louza, destacando a cerámica de Sargadelos a finais do século XVIII. Na actualidade a principal industria é a empresa Alcoa Europe (entre os concellos de Cervo e Xove).

Festas

Amais das festas parroquiais, existen no concello varias festas gastronómicas, como a festa do ourizo (en marzo) e a festa do mexillón (abril) en San Cibrao. Esta aldea acolle tamén a festa da Maruxaina, celebrada o segundo sábado de agosto desde 1985, e declarada de interese turístico en 2002. Os veciños reúnense pola mañá vestidos de época (os homes de mariñeiros, con pantalón azul, camisa branca e boina, e as mulleres de loito, con saia longa, mandil, camisa e pano na cabeza). Percorren a aldea co son das gaitas e os cornos, hai xantar popular na praia e celebración de xogos populares. Coa chegada da noite, a Maruxaina chega en chalanas desde Os Farallóns, e é levada á praza onde ten lugar un xuízo para decidir se é queimada ou indultada. Tralo indulto, comézase unha gran queimada.

O sábado seguinte ao 16 de agosto ten lugar en Cervo a queimada popular, declarada en 2001 festa galega de interese turístico. Logo dunha representación teatral da loita entre o ben e o mal, faise o conxuro da queimada e repártese a augardente.

Galería de imaxes

Artigo principal: Galería de imaxes de Cervo.

• 

  Fábrica de aluminio dende o porto de San Cibrao.

• 

  Espolón do porto de San Cibrao.

• 

  Porto de San Cibrao.

• 

  Praia leste de San Cibrao.

• 

  Parte de Alcoa/S.Cibrao no concello de Cervo, dende o porto de Morás.

Lugares de Cervo

Para unha lista completa de todos os lugares do concello de Cervo vexa: Lugares de Cervo.

Véxase tamén

Concellos da Comarca da Mariña Occidental
Cervo	Ourol	O Vicedo	Viveiro	Xove