Golfo de México

Na Galipedia, a Wikipedia en galego.
Golfo de México
Clearwater sunset.JPG
Localización administrativa
País Flag of Mexico.svg México
Estados Unidos de América Estados Unidos
Flag of Cuba.svg Cuba
División Baía de Apalache
Baía de Apalachicola
Baía de Campeche
Baía de Tampa
Golfo de Guanahacabibes
Laguna de Términos
Localización xeográfica
Mar (océano) Océano Atlántico
Continente América do Norte
Illa(s) Cuba
Xeografia
Mares contiguos Caribe e océano Atlántico
Illas interiores Illa Pérez (arrecife Los Alacranes), caios da Florida
Accidentes
 • Golfos e baías Golfo de Campeche e baía Apalachee
 • Penínsulas Penínsulas de Iucatán da Florida
 • Estreitos Canal de Iucatán (co Caribe) e estreito de Florida (co Atlántico)
Superficie 1 550 000 km²
Profundidade màxima 4384 m (Fosa de Sigsbee)
Outros datos
Primeira exploración Américo Vespucio (1497)
Número da IHO 26[1]
Mapa
Modelización en 3D do golfo

Modelización en 3D do golfo
Vista satélite
Vista satélite
Cantarell

O golfo do México é o maior golfo do mundo, estando cercando por terras da América do Norte e da América Central. Ten unha superficie de aproximadamente 1 550 000 km2.

A costa sur do golfo baña o México (especificamente, os estados de Tamaulipas, Veracruz, Tabasco, Campeche, Iucatán, e Quintana Roo); as costas oriental, norte e noroeste bañan os Estados Unidos da América (especificamente, os estados da Florida, Alabama, Mississippi, Luisiana e Texas); e a costa sueste baña Cuba. O Golfo do México conecta co Océano Atlántico a través do Estreito da Florida, localizado entre os EUA e Cuba, e ao Mar do Caribe a través do Canal de Yucatán, localizado entre o México e Cuba.

Da área do Golfo do México, o terzo máis ao sur localízase na zona tropical. Do golfo orixínase a Corrente do Golfo, unha corrente de augas quentes que atravesa o Océano Atlántico, sendo unha das máis fortes correntes oceánicas coñecidas. O golfo tamén foi moitas veces visitado por poderosos furacáns, algúns dos cales responsábeis dun gran número de mortes e destrución.

A Baía de Campeche (México) é maior baía do golfo. Alén dela a costa do golfo posúe innúmeras baías e foces. Un gran número de ríos desaugan no golfo, de entre os cales o máis notábel é Río Mississippi. A terra que forma a costa do golfo, inclusive moitas illas de sedimentación, é case uniformemente baixa e caracterizada por pantanos e terras bastante húmidas ben como extensións areosas.

A plataforma continental é bastante larga en case todos os puntos da costa. Contén petróleo nalgúns puntos (principalmente a oeste), que é extraído a través de plataformas marítimas. Outra actividade comercial importante é a pesca, de peixes e crustáceos. Ao longo da costa dáse tamén a produción de navíos, industrias petroquímicas e de almacenamento de petróleo e derivados, fábricas de papel e forte actividade turística.

Entre as cidades costeiras inclúense: Tampa, Pensacola, Nova Orleáns, Houston (nos EUA) , Veracruz, Mérida (no México), e Habana (en Cuba).

A área costeira do golfo foi primeiro colonizada por grupos indíxenas norteamericanos, incluíndo as culturas avanzadas do México. Durante a colonización europea, a rexión tornouse palco dunha contenda entre a España, Francia e Inglaterra. Hoxe en día, a cultura da rexión é predominantemente hispano-americana e anglo-americana.

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Golfo de México Modificar a ligazón no Wikidata
  1. «Limits of oceans and seas» (Límites de océanos e mares) (3ª edición de 1953). Sitio oficial da «International Hydrographic Organization»