Mar Branco

Na Galipedia, a Wikipedia en galego.
Mar Branco
Solpor no mar Branco.

Solpor no mar Branco.
Localización administrativa
País Rusia Rusia
División Flag of Russia.svg Óblast de Arkhanguelsk
Flag of Russia.svgÓblast de Múrmansk
Flag of Russia.svg República de Carelia
Localización xeográfica
Mar (océano) Océano Ártico
Continente Europa
Xeografia
Subdivisións Baía de Menzen
Baía de Dvina
Golfo de Onega
Golfo de Kandalakcha
Illas interiores Illa Morzhóvets e as illas Solovetsky
Afluentes Dvina Setentrional (748 km), Onega (416 km) e Mezén (966 km)
Cidades ribeireñas Arkhanguelsk e Belomorsk
Accidentes
 • Penínsulas Península de Kola
Península de Kanín
Superficie 95.000 km²
Outros datos
Áreas protexidas Illas Solovetsky (UNESCO)
Mapa
Red pog.svg
Mapa do mar Branco.

Mapa do mar Branco.

O mar Branco (en ruso, Бе́лое мо́ре [Viéloye more]); en finés, Vienanmeri) é un extenso golfo do mar de Barents (no océano Glacial Ártico), localizado na costa noroeste de Rusia. Atópase limitado pola península de Kanín ao nordeste, por Karelia ao oeste e pola península de Kola ao norte. Ten unha superficie aproximada duns 95.000 km2. A maioría do ano atópase xeado.

O mar Branco ten catro grandes golfos ou baías no seu interior: na parte máis exterior, a baía de Menzen ao leste; no tramo interior as outras tres, a baía de Dvina ao sueste, o golfo de Onega ao sur e o golfo de Kandalakcha ao noroeste. No seu interior hai moitas illas, sendo as maiores e máis importantes a illa Morzhóvets e as illas Solovetsky, cun conxunto que foi declarado patrimonio da Unesco.

O porto de Arjángelsk, no fondo da baía de Dvina, é o porto máis importante do mar Branco e ademais, durante gran parte da historia de Rusia, foi o seu principal centro de comercio marítimo internacional. Na actualidade é unha base naval e de submarinos.

A canle Mar Branco-Báltico conecta o mar Branco co mar Báltico.

Todo o mar Branco son augas territoriais baixo soberanía rusa, bañan as súas augas a República de Carelia, a Óblast de Arkhangelsk e a Oblast de Múrmansk.

Clima[editar | editar a fonte]

Dúas fotografías satélite do mar Branco.

O verán dura desde principios de xuño a finais de agosto, aínda que na parte máis ao norte apenas dura un mes e medio.

A temperatura do mar varía de 0,5 °C a -2 °C en inverno e 12 °C a 15 °C no verán. O xeo aparece en outubro e forma carambos a partir de mediados de novembro. Algúns animais das rexións polares chegan aquí buscando refuxio: focas de Groenlandia, cans de mar e focas comúns.

A fusión do xeo comeza en abril e desaparece en maio. Non obstante, a causa dos ventos do norte, pódense encontrar carambos flotando até finais de xuño. Na primavera, baixo a acción do vento e as correntes cara ao sur, algúns animais son arrastrados nos carambelos de xeo cara ao océano, sendo así cazados polos habitantes das costas.

Véxase tamén[editar | editar a fonte]

Flag-map of Russia.svg
A Galipedia ten un portal sobre:
Commons
Wikimedia Commons ten máis contidos multimedia na categoría: Mar Branco