Mar de Chukchi

Mar de Chukchi
Чукотское море
Localización administrativa
Estado	Estados Unidos Rusia
División	Alasca (EUA) Chukotka (RUS)
Localización xeográfica
Océano / Mar	Océano Ártico
Continente	América do Norte - Asia
Xeografía
Mares contiguos	Siberia Oriental, Bering e Beaufort
Subdivisións	Kotzebue Sound (EUA)
Illas interiores	Illa de Wrangel e illas Diómedes
Afluentes	Kobuk (451 km), Kukpowruk (257 km), Noatak (675 km), Utukok (290 km) e Wulik (128 km) (EUA) Amguyema (498 km) e Chantalveergyn (RUS)
Cidades ribeiregas	Kotzebue, Kivalina, Point Hope, Wainwright e Barrow (EUA) Uelen (RUS)
Accidentes
Golfos e baías	Baía Peard (EUA) Baía de Koljucin (RUS
Cabos	Punta Barrow e punta Hope (EUA)
Penínsulas	Penínsulas de Seward (na península de Alasca) e a península de Chukchi (na península de Kamchatka)
Características
Superficie	595 000 km²
Profundiade máxima	1256 m
Outros datos
Áreas protexidas	Bering land Bridge national Preserve Cape Krusenstem National Mon.
Mapa
Localización do mar de Chukchi
Vista satélite

Mapa do mar de Chukchi

O mar de Chukchi (en ruso Чуко́тское мо́ре Txukótskoie more, en inglés Chukchi Sea) é a parte do océano Ártico situada entre Chukotka (no extremo oriental de Asia) e Alasca (no extremo occidental de América). O estreito de Bering, no sur, conéctao co mar de Bering e co océano Pacífico. Ao oeste, limita co mar de Siberia Oriental e a illa de Wrangel, e ao leste confúndese co mar de Beaufort.

Ten unha superficie aproximada de 595.000 km² e só é navegable uns catro meses ao ano. Máis da metade do mar de Chukchi (un 56%) ten unha profundidade inferior aos 50 m.

Este mar chámase así polos chukchis, que viven nas súas costas. A rexión do extremo oriental de Siberia de onde é orixinario este pobo chámase Chukotka.

O porto principal é Uelen, no estreito de Bering.