Golfo de Tailandia

Golfo de Tailandia ou de Siam
Localización administrativa
Estado	Malaisia Tailandia Camboxa Vietnam
Localización xeográfica
Océano / Mar	Océano Pacífico
Continente	Asia
Xeografía
Mares contiguos	Mar da China Meridional
Illas interiores	Koh Samui, Koh Phangan, Koh Chang, Koh Kut, Kot Kong (THA) Dao Phu Quoc (VIE)
Afluentes	Río Chao Phraya
Cidades ribeiregas	Songkhla, Surat Thani, Hua Hin, Bangkok, Rayong e Trat (THA) Hat Lek e Krong Koh Kong (CAM) Ha Tien e Rach Gia (VIE)
Accidentes
Golfos e baías	Baía de Bangkok e baía de Bandon
Características
Superficie	320.000 km²
Profundiade máxima	80 m
Profundidade media	45 m
Mapa
Vista de satélite do golfo de Tailandia
Mapa da rexión do golfo de Tailandia

O Golfo de Tailandia (en tailandés: อ่าวไทย, Ao Thai) ou Golfo de Siam está localizado no mar da China Meridional (Océano Pacífico) e está rodeado por Malaisia, Tailandia, Camboxa e Vietnam. No extremo norte do golfo atópase a desembocadura do río Chao Phraya, no porto de Banqueocoque. O golfo ten unha superficie de 320.000 km².

Características

Localización do golfo.

É relativamente pouco profundo, con medias de 45 a 80 metros de profundidade. Iso fai que a circulación da auga sexa lenta e que os ríos Chao Phraya e Mekong exerzan unha forte influencia sobre o mesmo como unha baixa salinidade e unha gran riqueza en sedimentos. Durante as épocas máis frías da era glacial, o golfo de Tailandia non existía debido á súa pouca profundidade e era tan só unha prolongación do val do río Chao Phraya.

Debido ás calores tropicais, as augas do golfo albergan unha boa cantidade de arrecifes de coral e por tanto existen moitos proxectos de explotación dos mesmos. O lugar máis popular para o turismo é a illa de Ko Samui na provincia de Surat Thani. O golfo é posuidor de riquezas petrolíferas e de gas e é un medio de intercambio turístico e comercial entre os países que teñen costa nel.

Delimitación da IHO

A máxima autoridade internacional en materia de delimitación de mares, a Organización Hidrográfica Internacional (en inglés: International Hydrographic Organization, IHO), considera o golfo de Tailandia como un mar. Na súa publicación de referencia mundial, "Limits of oceans and seas" (do inglés: Límites de océanos e mares, 3ª edición de 1953), asígnalle o número de identificación 47 e defíneo do seguinte xeito:

No Sur.
Unha liña que vai dende o extremo occidental de Cambia ou Punta Camau (8°36'N) até o extremo norte da punta ao lado leste do estuario do río Kelantan (6°14'N, 102°15'S).