Golfo de Maine

Na Galipedia, a Wikipedia en galego.
Saltar ata a navegación Saltar á procura
Golfo de Maine
Gulf of Maine
Hampton Beach, New Hampshire 2004.jpg
Localización administrativa
EstadoFlag of Canada.svg Canadá
Estados Unidos de América Estados Unidos
DivisiónFlag of New Brunswick.svg Novo Brunswick (CAN)
Flag of Nova Scotia.svg Nova Escocia (CAN)
Maine Maine (USA)
Massachusetts Massachusetts (USA)
Nova Hampshire Nova Hampshire (USA)
SubdivisiónBaía de Fundy, baía de Massachusetts e baía de Penobscot
Localización xeográfica
Océano / MarOcéano Atlántico
ContinenteAmérica
Coordenadas43°N 68°O / 43, -68Coordenadas: 43°N 68°O / 43, -68
Xeografía
Illas interioresMount Desert Island, Illas Fox (North Haven e Vinalhaven), Isle au Haut, Grand Manan
AfluentesAnnapolis (120 km), Petitcodiac (129 km), St. John, Magaguadavic, St. Croix (102 km), Penobscot (563 km), Kennebec (240 km), Saco (216 km) e Merrimack (177 km)
Cidades ribeiregasBoston, Portsmouth, Portland, Saint John
Características
Superficie93.000 km²
Mapa
GulfofMaine.jpg

Mapa do golfo de Maine

O golfo de Maine (en inglés: Gulf of Maine, en francés: Golfe du Maine) é un gran golfo do Océano Atlántico na costa leste de América do norte. Está limitada por Cabo Cod na punta oriental de Massachusetts no suroeste e pola Illa Cabo Sable no extremo sur de Nova Escocia no nordés. O golfo inclúe a liña completa de costas dos estados dos Estados Unidos de New Hampshire e Maine, así como Massachusetts ao norte de Cabo Cod, e as costas sur e oueste das provincias canadenses, de Novo Brunswick e Nova Escocia, respectivamente.

O golfo foi nomeado pola Provincia colonial adxacente de Maine, que probablemente foi nomeada polos primeiros exploradores en recordo da provincia de Maine en Francia.[1] A baía de Massachusetts, a Baía de Penobscot, a Baía de Passamaquoddy e a Baía de Fundy están incluídos no sistema do Golfo de Maine; Como tal, o Golfo de Maine tamén alberga as variacións de marea máis altas do planeta (ver Baía de Fundy para obter máis información).

Xeografía e hidrografía[editar | editar a fonte]

O golfo de Maine é unha depresión aproximadamente rectangular cunha superficie de aproximadamente 93.000 km², pechado ao oeste e norte polo continente norteamericano e comunicándo co océano Atlántico ao sueste. A glaciación da rexión pola capa de xeo Laurentino arrastrou o chan sedimentario lonxe da costa,[2] deixando unha costa predominantemente rochosa e espectacular, que carece das praias de area que se atopan ao sur ao longo da costa leste dos Estados Unidos. Os únicos desenvolvementos costeiros significativos sitúanse nas áreas metropolitanas de Boston, Portsmouth, Portland e Saint John .

As características subacuáticas do fondo mariño esculpidas durante os niveis máis baixos da idade do xeo fan que o golfo sexa un mar semicerrado limitado ao sur e ao leste por bancos submarinos. O Banco Georges, en particular, no seu extremo sur, protexe o golfo da Corrente do Golfo. As augas do Golfo de Maine están máis influenciadas pola Corrente do Labrador, facendo que as augas do golfo sexan moito máis frías e máis ricas en nutrientes que as que se atopan ao sur. Os vales subterráneos na cunca central poden chegar a alcanzar profundidades de 500 m., mentres que as montañas submarinas suben a 266 m. do fondo do mar, case alcanzando a superficie nalgúns lugares ou mesmo superándoa creando illas.

Hai tres concas principais no Golfo de Maine: a Conca de Wilkinson ao oeste, a Conca do Jordan no nordés e a conca Georges no sur, que están illadas entre elas por debaixo dos 200 m. de batimetría.

Notas[editar | editar a fonte]

  1. "Journal of the Senate" (PDF). State of Maine, HP1629, item 1, 123rd Maine State Legislature. 6 de marzo de 2002. Consultado o 20 de setembro de 2007. WHEREAS, the State of Maine is named after the Province of Maine in France... 
  2. Manahan, Abigail. "A Geologic History of the Gulf of Maine". Gulf of Maine Area Census of Marine Life. Consultado o 23 de novembro de 2017. 

Véxase tamén[editar | editar a fonte]

Outros artigos[editar | editar a fonte]