Xamena

Na Galipedia, a Wikipedia en galego.

Coordenadas: 12°6′47″N 15°2′57″E / 12.11306°N 15.04917°E / 12.11306; 15.04917

Xamena
Ndjamena (en francés)
نجامينا‎ Nijāmīnā (en árabe)
N'Djamena coa.svg
Chad,N'djamena2.JPG
Vista da cidade
Situación xeográfica
Xamena en Chad
Xamena
Xamena
País Flag of Chad.svg Chad
Rexión Xamena
Xeografía
Altitude 298 msnm
Poboación
Poboación 1.092.066 hab. (2012)
Densidade 11.000 hab/km²
Información
Código postal
Alcalde
Páxina web

Xamena (en árabe: Niǧāmīnā نجامينا), denominada antes de 1973 Fort-Lamy, é a capital e a cidade maior da república do Chad, cuns 993.442 habitantes en 2009 (a súa área metropolitana calcúlase que alcanza algo máis de 1.500.000 habitantes. Xamena é tamén unha rexion rexida por un estatuto particular (decreto n° 419/PR/MAT/02), que está dividida en 10 distritos municipais. Con todo, a capital económica do país é Moundou.

Historia[editar | editar a fonte]

Xamena foi fundada por Émile Gentil, o 29 de maio de 1900, sobre o asentamento dunha pequena aldea kotoko, co nome de Fort-Lamy, en lembranza do comandante François Joseph Amédée Lamy, morto na batalla de Kousseri algúns días antes. No 6 de novembro de 1973, o presidente chadiano, François Tombalbaye, rebautizouna a Xamena, tomando o nome dunha pequena aldea árabe veciña (Am Djamena, significa "lugar de descanso").

A cidade padeceu graves destrucións en 1979 e, sobre todo en 1980, con ocasión da guerra civil. Unha boa parte da poboación de orixe meridional abandonou daquela Xamena.

Xamena repobouse fortemente con posterioridade, sen que se realizasen grandes obras de acondicionamento e nin sequera de reparación. As infrastruturas existentes non son suficientes para faceren fronte ás necesidades dos seus habitantes (rede viaria, subministración de auga, cloacas, recollida de lixo, electricidade, etc).

Xeografía[editar | editar a fonte]

A cidade de Xamena está situada na confluencia do río Chari co seu tributario Logone, e en fronte da cidade camerunensa de Kousseri, á cal está unida por unha ponte.

Climodiagrama de Xamena.

Clima[editar | editar a fonte]

Ndjamena está situada na zona do sahel africano coñecida como o sahel dos sedentarios que recibe precipitacións dabondo para permitir o cultivo das terras. Porén, as precipitacións son nulas durante 5 meses por ano, desde novembre a marzo, en tanto que os meses de xullo e agosto son moi chuviosos, contándose 144 mm e 175 mm respectivamente.

Demografía[editar | editar a fonte]

Evolución :

Educación[editar | editar a fonte]

Xamena acolle diversos establecementos escolares e universitarios. Entre estes están: a Universidade de Xamena, de carácter público, creada en 1970 e a Universidade "Roi Fayçal"[1], privada, e de ideoloxía islámica.

Conta ademais, ao estilo francés, con varias escolas superiores:

  • ISSED - Instituto Superior de Ciencias da Educación
  • ENAM - Escola Nacional da Administración e da Maxistratura
  • EIE - Escola Superior de Electrónica e de Informática
  • ENASS - Escole Nacional de Ciencias da Enfermería e Sociais
  • INJS - Instituto Superior da Xuventude e dos Deportes
  • ENS - Escola Normal Superior
  • ENTP - Escola Nacional de Obras Públicas
  • ISTAP - Instituto Superior de Técnicas Aplicadas

Galería fotográfica[editar | editar a fonte]

As seguintes fotos carecen de data, pero deben ser da década de 1960.

Comunicacións[editar | editar a fonte]

Xamena carece de comunicacións ferroviarias, máis é un importante cruce das grandes estradas africanas. A cidade é punto terminal da Estrada Transaheliana, que a une con Dakar, e, ao tempo, é o punto de partida da Estrada Xamena-Xibuti. A máis longa vía africana, a Estrada Trípoli-Cidade do Cabo, pasa tamén pola capital chadiana.

Posúe Xamena aínda o Aeroporto Internacional Hassan Djamous.

Notas[editar | editar a fonte]

Véxase tamén[editar | editar a fonte]

Commons
Commons ten máis contidos multimedia sobre: Xamena

Bibliografía[editar | editar a fonte]

  • Alain Vivien, Xamena (naguère Fort-Lamy). Histoire d'une capitales africaine, Sépia, París, 2006, ISBN 2842801083