Libreville
| Libreville | |
|---|---|
| [[Ficheiro:|120px]] | [[Ficheiro:|140px|]] |
| Situación xeográfica | |
 |
|
| Estado: |  Gabón |
| Rexión: | |
| Provincia: | Estuaire |
| Distrito: | |
| Xeografía | |
| Altitude: | 0 msnm |
| Poboación | |
| Poboación total: | 578.156 hab. (2005) |
| Información | |
| Código postal: | |
| Alcalde: | Jean-François Ntoutoume Emane |
| Sitio na web: | Páxina oficial |
Libreville é a capital do Gabón e o principal centro urbano do país. A súa poboación calculábase nuns 578.156 habitantes (2005). E tamén a capital do distrito do Estuaire.
A cidade é un porto á beira do río Gabón, na súa desembocadura no Golfo de Guinea.
Índice |
Clima [editar]
O clima de Libreville é de tipo ecuatorial. A temperatura media anual é de 26º C (a oscilación das maiores está entre 26 e 30º C, mentres as máis baixas móvense entre os 22 e os 24 °C), e as precipitación alcanzan os 2.509,5 mm como media. A temporada seca comeza en maio e finda en setembro. O mes máis chuvioso é novembro con 373,4 mm, e o máis seco xullo cun 2,5 mm, como media.
Historia [editar]
Foi fundada no ano 1843 como posto avanzado comercial nunha zona área naquela altura próxima dos Mpongwè. Os escravos liberados eran enviados á nacente cidade, polo que en 1848 a foi nomeada Libreville (en francés cidade libre).
Entre 1934 e 1946 foi o porto principal da África Ecuatorial Francesa.
Economía [editar]
Libreville é un dos máis importantes centros do comercio de madeira (okumé especialmente) da África central. A zona industrial e portuaria atópase na periferia sur da cidade, no concello de Owendo. Acolle infraestruturas para minerais, portuarias e industriais. O porto de minerais exporta a produción de manganeso do Alto-Ogooué (Haut-Ogooué), que chegan a través do ferrocarril do Transgabonais. Para alén dos servicios centrais do Estado, a capital gabonesa agrupa numerosas actividades terciarias. En Mont-Bouët áchase o maior mercado do país con centenares de tendas de venda ao detall. Hai aínda dous grandes hipermercados, un denominado Mbolo ("bo día" nalgunhas linguas indíxenas) e o xigante Ceca.
Institucións educativas [editar]
A Universidade Omar Bongo é o centro educativo superior máis importante do país. Libreville é tamén a sede da Escola de Administración e da Escola de Leis do Gabón.
Comunicacións [editar]
Nas súas proximidades sitúase o Aeroporto internacional de Libreville, que acolle a sede da compañía aérea do país: Air Gabon.
