Nouakchott

Na Galipedia, a Wikipedia en galego.

Coordenadas: 18°6′N 15°57′W / 18.100°N 15.950°W / 18.100; -15.950

Nouakchott
نواكشوط‎ Nuwākshūṭ (en árabe)
Nkccenter.jpg
Centro da cidade
Situación xeográfica
Nouakchott en Mauritania
Nouakchott
Nouakchott
País Flag of Mauritania.svg Mauritania
Distrito capital Nouakchott
Xeografía
Altitude 7 msnm
Superficie 1.000 km²
Poboación
Poboación 894.403 hab. (2013)
Densidade 894 hab/km²
Información
Código postal
Alcalde Ahmed Hamza (2007-)
Páxina web

Nouakchott é a capital de Mauritania cunha poboación estimada en 2013 de 894.000 habitantes é, ademais, a principal cidade do país e, posibelmente, do Sahara.

Situación[editar | editar a fonte]

Está situada a 18º 6' N, e 15º 57' O, na costa occidental atlántica do deserto do Sahara e case no centro do litoral mauritano. O seu nome significa, en bérber, "lugar dos ventos".

Historia[editar | editar a fonte]

Como parte do vasto dominio colonial da África Occidental Francesa, Mauritania non dispuña, en si, dunha capital, pois tal posto estaba cuberto pola cidade de Saint-Louis, en Senegal. Porén, en 1957, Nouakchott, unha pequena localidade portuaria, foi escollida como capital do novo país. A escolla mudou de aspecto, pois mercé a seu novo papel, beneficiouse dun ambicioso programa de construcións, que daquela só ambicionba acrecentar a súa poboación en 15.000 novos habitantes. . No 1958 Mauritania emerxeu como unha república autónoma dentro da Comunidade Francesa, e para cando está organizazión se tornou inútil despois de 1962, Nouakchott tornouse capital dunha nación independente.


Descrición[editar | editar a fonte]

Nouakchott é a maior das cidades do Sahara, se excluímos as cidades sitas nas beiras do Mediterráneo como o Cairo. A gran seca de comezos dos anos 1970 contribuíu ao medramento explosivo da cidade, pois grandes masas de poboación se dirixiron cara a urbe en busca dunha vida mellor.

A dispoñibilidade de chan provocou que a cidade se expandise en superficie, sendo raros os edificios altos. Parte da poboación que se asentou nela eran nómades, o que aínda dificulta na actualidade o reconto dos seus residentes, pois esa porción aséntanse por un tempo e, cando os seus hábitos o requiren, levantan as tendas e marchan.

Panorama de Nouakchott

Nouakchott está construída en torno a un ancho vial arborado, a Avenue Abd an-Nasir, trazado en dirección norte-leste desde o aeroporto e atravesando o centro urbano. Outras rúas importantes están tamén (en francés) dedicadas a importantes figuras mauritanas ou a personalidades de fama internacional dos anos 1960: Avenue de Gaulle, Avenue Kennedy e Avenue Lumumba, por exempio.

Abastecemento de auga[editar | editar a fonte]

As capas freáticas por embaixo da cidade, coñecidas como o Lago Trarza, conteñen vastas reservas de auga doce, porén corren perigo de esgotamento debido ao rapidísimo crecemento da cidade: a poboación era de apenas 20.000 persoas en 1969 e de 150.000 no 1980, e está achegándose agora ao millón de habitantes.

Lugares de interese[editar | editar a fonte]

Mercado en Nouakchott

Entre os sitios dignos de visitarse en Nouakchott, debemos citar: o Museo Nouakchott; diversos mercados como o Mercado da Prata de Nouakchott, e as praias, unha das cales é utilizada como base de actividades pesqueiras.

Administración[editar | editar a fonte]

Desde 1986 a cidade subdividíuse en nove distritos:

  • Arafat
  • Dar Naim
  • El Mina
  • Ksar
  • Riad
  • Sebkha
  • Tevragh-Zeina
  • Teyarett
  • Toujounine

Irmandamentos[editar | editar a fonte]

Véxase tamén[editar | editar a fonte]

Commons
Commons ten máis contidos multimedia sobre: Nouakchott