Togo

République Togolaise 'República Togolesa'

Bandeira Escudo

Lema: Travail, Liberté, Patrie (francés: «Traballo, Liberdade, Patria») Himno nacional: Salut à toi, pays de nos aïeux     Capital  • Poboación Lomé 676.400 (2003 est.) Cidade máis poboada Lomé Linguas Francés Forma de goberno República presidencialista Presidente Primeiro Ministro Faure Gnassingbé Gilbert Houngbo Independencia  • Data De Francia 27 de abril de 1960 Superficie  • Total  • % auga Fronteiras Costas Posto 122º 56.785 km² 4,2 1.647 km 56 km Poboación  • Total  • Densidade Posto 108º 5.399.991 (2005 est.) 95 hab./km² PIB (nominal)  • Total  • PIB per cápita n/d n/d PIB (PPA)  • Total (2005)  • PIB per cápita Posto 140º US$ 8.945 mill. US$ 1.600 (161º) IDH n/d Moeda Franco CFA (XOF) Xentilicio Togolés, togolesa Fuso horario GMT Dominio de Internet .tg Prefixo telefónico +228 Prefixo radiofónico 5VA-5VZ Código ISO 768 / TGO / TG Membro de: UA, ONU Tódolos países do mundo

O Togo é un país africano, limitado ao norte polo Burkina Faso, ao leste polo Benín, ao sur polo Golfo de Guinea e ao oeste por Gana. No Sur ten unha pequena costa no golfo de Guinea, onde se localiza a súa capital, Lomé.

Historia

Artigo principal: Historia do Togo.

Togo foi unha colonia alemá ata 1918. Pasou a mans de Francia ata o 27 de abril de 1960, data na que acadou a independencia. Dende entón o país está dominado polos militares de forma ininterrompida dende o golpe de estado levado a cabo o 13 de xaneiro de 1967. O primeiro presidente foi Sylvanus Olympio (1901-1963) que foi deposto en 1963 por un golpe militar que impuxo a Nicolas Grunitzky (1913-1969) como presidente, pero catro años despois sufriu un novo golpe de estado. Un dos dirixentes do golpe de estado de 1963, Gnassingbe Eyadema (1937-2005) foi o presidente dende 1967 ata 2005. Eyadema foi reelixido en 2003 e, antes de morrer, modificou a constitución para facilita-la súa sucesión ó seu fillo. Aínda así, a presión internacional obrigou a que se realizaran eleccións, nas que oficialmente gañou de todas formas o seu fillo Faure Eyadéma.

Política

Artigo principal: Política do Togo.

O 3 de maio de 2006 Faure Gnassingbé asumiu a presidencia de Togo, despois de ser elixido co 60% dos votos, conforme informacións oficiais. A pesar diso, continuou o descontento da oposición, que denunciou que as eleccións non foron libres, pois algunhas urnas foran roubadas por militares nalgunhas zonas, mentres noutras houbo bloqueo das telecomunicacións. A Unión Europea suspendeu a axuda a Togo en apoio ás reclamacións da oposición, mentres a Unión Africana - UA - e os Estados Unidos declaraban as eleccións "razoablemente xustas" e aceptaban o resultado. O presidente da Nixeria e xefe da UA, Olusẹgun Ọbasanjọ, tentou establecer negociacións entre o goberno e a oposición, pero rexeitou o envío de Kenneth Kaunda, ex-presidente de Zambia, como enviado especial da UA ao Togo. En xuño, Gnassingbé aceptou o líder da oposición Edem Kodjo como primeiro ministro.

En outubro de 2007 houbo novas eleccións, que foron declaradas limpas pola Unión Europea e tiveron a vitoria do partido do goberno. Komlan Mally, líder do partido do goberno, foi nomeado primeiro ministro en decembro de 2007, pero renunciou o 5 de setembro de 2008, sendo substituído por Gilbert Houngbo, actual primeiro ministro.

Subdivisións

Mapa político de Togo

Togo está dividido en cinco rexións administrativas e a comuna de Lomé. Estas rexións son as seguintes:

• Sabana
• Kara
• Central
• Altiplano
• Marítima

Xeografía

Artigo principal: Xeografía do Togo.

Togo ten unha superficie de 56.785 km². Sitúase na África Occidental, sendo unha pequena nación subsahariana. O país posúe 1.700 km de fronteiras con Burkina Faso, Ghana e Benín. O punto máis alto do país é o Monte Agou cunha altura de 984 metros.

A sabana ocupa o norte do país, en contraste co centro do mesmo que se caracteriza por estar formado por outeiros. No sur de Togo atopamos unha meseta ata chegar a un val costeiro con extensas lagoas e pantanos.

Economía

Artigo principal: Economía do Togo.

A Economía do Togo baséase nun réxime de subsistencia no que a agricultura é a actividade principal. O 65% da poboación depende deste sector que representa o 41% do PIB. Os principais cultivos son o café, o cacao e o algodón, este último orientado á exportación.

O comercio concéntrase en Lomé que, a través do seu porto, canaliza a maioría das exportacións e importacións a Malí, Níxer e Burkina Faso. Togo arrastra unha débeda importante polo proceso de industrialización que emprendeu nos anos 70 do século XX.

Demografía

Artigo principal: Demografia do Togo.

Mapa de Togo

No ano 2006, Togo tiña unha poboación de 5.548.702 habitantes. O 99% é de raza negra e o restante 1% é de raza branca (europeos ou descendentes). O idioma oficial é o francés. A esperanza de vida está datada nos 57 anos, sendo a media de fillos por muller de 4,96. A alfabetización alcanza ao 60,9% da poboación, e calcúlase que o 4,1% da mesma está infectada co virus do SIDA.

Cultura

Artigo principal: Cultura do Togo.

A cultura do Togo ten a influencia dos 37 pobos que viven no país. Os principais son os Ewe, os Mina e os Kabre. O francés é a lingua oficial do país. Diversas linguas Gbe son faladas no país.

A pesar da grande influencia do islamismo e do cristianismo, a metade da poboación do Togo practica relixións animistas.

Feriados

Data	Nome en galego	Nome local	Observacións

Véxase tamén

• África
• Lista de países