Vilamartín de Valdeorras

Vilamartín de Valdeorras
Localización
	42°24′56″N 7°03′33″O / 42.415555555556, -7.0591666666667
Estado	España
Comunidade autónoma	Galicia
Provincia	provincia de Ourense
Capital	Vilamartín
Contén a división administrativa	A Portela ; Arcos ; Arnado ; Cernego ; Correxais ; Córgomo ; O Mazo ; San Miguel do Outeiro ; San Vicente de Leira ; Valencia do Sil ; Vilamartín de Valdeorras
Poboación
Poboación	1.822 (2024) (20,64 hab./km²)
Xeografía
Superficie	88,26 km²
Altitude	321 m
Comparte fronteira con	Quiroga ; Petín ; O Barco de Valdeorras ; Oencia ; A Rúa
Organización política
• Alcalde	Enrique Álvarez Barreiro
	Eleccións municipais en Vilamartín de Valdeorras
Identificador descritivo
Código postal	32...
Fuso horario	UTC+01:00
Código INE	32088
Sitio web	vilamartindevaldeorras.es

Para outras páxinas con títulos homónimos véxase: Vilamartín de Valdeorras.

Vilamartín de Valdeorras é un concello da provincia de Ourense, pertencente á comarca de Valdeorras. Segundo o IGE no ano 2022 tiña 1.825 habitantes (2.477 en 2003). O seu xentilicio (véxase no Galizionario) é «vilamartinés» ou «valdeorrés».

Xeografía

O concello está situado ao nordeste da provincia de Ourense (a 106 km da capital ourensá) e ao norte da comarca de Valdeorras a 7 km do Barco de Valdeorras.

Está situado no val do río Sil, e conta cun relevo moi accidentado, con altitudes mínimas de 300 metros e cumios de 1.200 m (serra do Eixe, ao sur), 1.236 m (serra dos Cabalos, ao norte, 1.540 m (monte de Montouto) ou 1.600 m (Lastra).

A orografía está conformada por pedra calcaria, lousa e cuarzo. Estas formacións rochosas, así como o encoro de Santiago, inflúen na climatoloxía, favorecendo a formación de microclimas húmidos con trazos continentais e unha forte influencia mediterránea apreciable na temperatura, nas precipitacións totais e na cuberta vexetal que combina especies frondosas coma o castiñeiro, ou a sobreira con fragas repoboadas de piñeiro.

A abundancia de zonas húmidas favorece a migración de especies como o mergullón cristado, garzas, cegoñas ou galiñas de auga.

Poboación

Censo total (habitantes)	1.793 (2014)
Menores de 15 anos	104 (5.8 %)
Entre 15 e 64 anos	1.022 (57 %)
Maiores de 65 anos	667 (37.2 %)

Evolución da poboación de Vilamartín de Valdeorras Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023	2024
3.866	4.190	4.059	3.126	2.472	2.164	2.047	1.988	1.826	1.793	1798	1798	1771	1746	1790	1812	1837	1825	1851
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Historia

Coñecida simplemente como Vilamartín, coa reforma da nomenclatura municipal de España de 1916 pasou a chamarse Vilamartín de Valdeorras para distinguila doutros concellos de España. Entre eles están Villamartín (Cádiz), o antigo Villamartín de Villadiego (Burgos), Villamartín de Campos (Palencia) e Villamartín de Don Sancho (León).^[1]

Cultura

En 1914 o historiador e xurista Nicolás Tenorio Cerero publicou o libro La aldea gallega. Nel describe os costumes e tradicións do partido xudicial de Viana do Bolo a comezos do século XX.

Galería de imaxes

Artigo principal: Galería de imaxes de Vilamartín de Valdeorras.

Parroquias

Galicia \| Provincia de Ourense \| Parroquias de Vilamartín de Valdeorras
Arcos (San Lourenzo) \| Arnado (San Clemente) \| Cernego (San Víctor) \| Córgomo (Santa Comba) \| Correxais (San Pedro) \| O Mazo (Santo Antonio) \| A Portela (San Xulián) \| San Miguel do Outeiro (Santo Antonio) \| San Vicente de Leira (San Vicente) \| Valencia do Sil (San Bernabé) \| Vilamartín de Valdeorras (San Xurxo)

Lugares de Vilamartín de Valdeorras

Para unha lista completa de todos os lugares do concello de Vilamartín de Valdeorras vexa: Lugares de Vilamartín de Valdeorras.

Notas

↑ Méndez Fernández, Luz (2016). Real Academia Galega, ed. "Galicia no Decreto de 1916". Boletín da Real Academia Galega (377): 365–383. ISSN 1576-8767.

Véxase tamén

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Méndez Fernández, Luz (2016). Real Academia Galega, ed. "Galicia no Decreto de 1916". Boletín da Real Academia Galega (377): 365–383. ISSN 1576-8767.

[1]