Luis Otero Sánchez

Na Galipedia, a Wikipedia en galego.
Luis Otero
Monumentoluisotero.JPG
Escultura na Coruña
Información persoal
Nome completo Luis Otero Sánchez-Encinas
Nacemento 22 de outubro de 1893
Lugar Pontevedra, Galicia
Falecemento 20 de xaneiro de 1955 (61 anos)
Lugar A Coruña, Galicia
Posición Defensa
Carreira sénior
Anos Equipos Aprs (Gls)
1909–1911 Pontevedra Sporting Club
1911–1923 Vigo Sporting
1923–1924 Celta de Vigo
1924–1930 Deportivo da Coruña
Selección nacional
1920–1924 España
* Partidos e goles só en liga doméstica.
† Aparicións (Goles)

Luis Otero Sánchez-Encinas, nado en Pontevedra o 22 de outubro de 1893 e finado na Coruña o 20 de xaneiro de 1955, foi un futbolista galego. Xogaba de defensa e foi internacional coa selección española, participando nos Xogos Olímpicos de 1920.

Na súa memoria, desde 1959 dispútase en Pontevedra o Trofeo Luis Otero.

Traxectoria[editar | editar a fonte]

Otero comezou a xogar con 16 anos no Pontevedra Sporting Club en 1909 e dous anos máis tarde pasa ao Vigo Sporting. Sendo xogador deste club é convocado para xogar coa Selección española, debutando nos Xogos Olímpicos de 1920, celebrados en Antuerpen.

A súa traxectoria no Vigo Sporting prolóngase até a fusión do club co Fortuna de Vigo, dando lugar ao nacemento do RC Celta. Tras un intento de fichaxe por parte do Deportivo da Coruña antes de iniciar a súa andaina polo Campionato de Galicia, a Federación fallou a favor do Celta impedíndolle xogar na Coruña até a tempada 1923-24, cando foi contratado polo Deportivo até 1930, ano do seu retiro profesional.

Selección nacional[editar | editar a fonte]

Otero debutou coa Selección española o 28 de agosto de 1920 no partido Dinamarca-España (0-1), disputado no Estadio La Butte de Bruxelas. Ese mesmo ano, nos Xogos Olímpicos de Antuerpen, participaría na vitoria española sobre Italia (0-2) e obtería a medalla de prata.

A maiores xogou dous partidos máis co combinado español, sendo o último o 21 de decembro de 1924 no Estadio de Les Corts en Barcelona, nun partido España-Austria (2-1).

Véxase tamén[editar | editar a fonte]

Ligazóns externas[editar | editar a fonte]