Luis Urquiri

Luis Urquiri
Información persoal
Nome	Luis Urquiri Urain
Nacemento	1 de setembro de 1906
Lugar de nacemento	Deba
Falecemento	1 de maio de 1979
Posición	Centrocampista
Carreira sénior
Anos	Equipos	Aprs	(Gls)
1930–1933	Alavés	50	(0)
1939–1941	Atlético Aviación	11	(0)
Adestrador
1942–1943	Hércules
1945–1947	Hércules
1947–1948	Deportivo da Coruña
1948–1949	Málaga
1950–1951	Zaragoza
1951–1954	Oviedo
1953	Celta de Vigo
1954–1955	Racing de Santander
1955–1956	Celta de Vigo
1956–1958	Alavés
1965–1966	Alavés
Partidos e goles só en liga doméstica. [ editar datos en Wikidata ]

Luis Urquiri Urain, nado en Deba (Guipúscoa) o 1 de setembro de 1906 e finado en 1979, foi un futbolista e adestrador de fútbol español. Xogaba de centrocampista.

Traxectoria

Como futbolista

Como xogador militou como centrocampista do Deportivo Alavés e no Atlético Aviación en Primeira División nos anos trinta e corenta. Co Atlético Aviación gañou dúas ligas e unha Copa Eva Duarte.

Como adestrador

Na súa traxectoria como técnico descubriuse como un experto en acadar ascensos, conseguíndoo con Deportivo da Coruña, Málaga CF, Real Zaragoza e Real Oviedo.

No ano 1953 fai un inciso na súa traxectoria co Real Oviedo para adestrar ao Celta de Vigo inmerso na liga de descenso a Segunda División na que finalmente descendería pero a renuncia do España Industrial a ascender fai que o Celta poida salvala categoría.

Dous anos despois, na tempada 1955-56, e tras que o adestrador éuscaro Antonio Barrio dera plantón ao Celta de Vigo, con quen xa tiña un acordo, polo Atlético de Madrid a directiva céltica volve a contratar a Urquiri. O técnico mantivo ao Celta na zona tranquila nunha boa tempada na que o dianteiro vigués Mauro case acada o Trofeo Pichichi quedando a só un gol de Alfredo Di Stéfano. Ao finalizar a tempada Urquiri deixa o equipo, sendo substituído por Alejandro Scopelli.