Cuqui Bienzobas

Na Galipedia, a Wikipedia en galego.
Cuqui Bienzobas
Información persoal
Nome completo Anastasio Bienzobas Ocáriz
Nacemento 2 de maio de 1913
Lugar Donostia, España
Falecemento Outubro de 1982 (69 anos)
Posición Centrocampista
Carreira sénior
Anos Equipos Aprs (Gls)
−1931 Real Sociedad 1 (0)
1932–1941 Osasuna 21 (0)
1941–1949 Deportivo da Coruña 112 (2)
Adestrador
1948–1949 Deportivo da Coruña
1949–1950 Orensana
1950–1952 Osasuna
1955–1958 Ourense
1960–1962 Pontevedra
* Partidos e goles só en liga doméstica.
† Aparicións (Goles)

Anastasio Bienzobas Ocáriz, máis coñecido como Cuqui Bienzobas, nado en Donostia o 2 de maio de 1913 e finado en outubro de 1982, foi un futbolista e adestrador de fútbol español. Xogaba de centrocampista.

Traxectoria[editar | editar a fonte]

Na tempada 1931–32 debutou coa Real Sociedad en Primeira División, xogando un único partido esa campaña, na xornada 16, nunha derrota a domicilio fronte ao Racing de Santander (2–1).

Posteriormente fichou polo Osasuna, en Segunda División. Na tempada 1935–36 retornou a Primeira División, no debut do club rojillo na máxima categoría, descendendo ao remate da campaña.

Na tempada 1941–42 formou parte do plantel do Deportivo da Coruña que debutou na máxima categoría. Esa campaña foi un habitual do mediocampo coruñés, adestrado por Celso Mariño inicialmente e logo por Chacho. Nesa tempada participou en 15 encontros. Na tempada 1944–45 descendeu a Segunda División, volvendo a Primeira ao ano seguinte, para novamente descender na campaña 1947–48. Durante a súa estadía no Deportivo logrou o seu primeiro gol na máxima categoría, na tempada 1942–43, na xornada 4, nun empate contra o Valencia no vello campo de Riazor (2–2).

Selección nacional[editar | editar a fonte]

En 1936 foi convocado para un amigable coa selección española, sen chegar a debutar.

Adestrador[editar | editar a fonte]

Na tempada 1948–49 adestrou o Deportivo da Coruña en Primeira División desde a xornada 14, logo da destitución de Gabriel Andonegui, e logrando a salvación. Na seguinte campaña o adestrador do conxunto branquiazul foi o arxentino Alejandro Scopelli.

Persoal[editar | editar a fonte]

É irmán dos tamén futbolistas Custodio e Francisco Bienzobas.

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre deporte é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.