Ramón Gil Sequeiros

Na Galipedia, a Wikipedia en galego.
Saltar ata a navegación Saltar á procura
Ramón Gil Sequeiros
Nacemento16 de agosto de 1897
 Vigo
Falecemento18 de xaneiro de 1965
 Vigo
NacionalidadeEspaña
Ocupaciónfutbolista
editar datos en Wikidata ]

Ramón Gil Sequeiros máis coñecido como Moncho, nado o 16 de agosto de 1897 en Vigo e finado o 18 de xaneiro de 1965 na mesma cidade, foi un futbolista galego que xogaba na demarcación de dianteiro. Foi medallista olímpico en 1920.

Traxectoria[editar | editar a fonte]

De familia con posibles, era fillo de Ramón Gil Vidal, cónsul en Haití e comerciante eminente da cidade de Vigo.

Comezou a xogar no Real Vigo Sporting Club pero comezou a despuntar facendo o servizo militar, cando se organizou o primeiro campionato militar de fútbol de España. Para ese torneo o "Regimiento de Infantería Murcia" destacado en Vigo fixo moi bo equipo ao contar con varios xogadores do Vigo Sporting Club e do Real Club Fortuna de Vigo. Tan ben o fixeron que chegaron á final, onde gañaron cun gran papel de Ramón, que marcou os dous goles da vitoria.

Segundo os datos da Real Federación Española de Fútbol, a vinculación de Ramón Gil co fútbol en activo seguiu ata 1927, chegando a militar no Celta de Vigo catro tempadas dende a súa fundación en 1923. Foi internacional coa Selección de fútbol de Galicia e varias ocasións, entre elas o primeiro encontro do combinado galego, disputado o 19 de novembro de 1922 ante a Selección de Castela.

Tamén disputou ca Selección de fútbol de España os Xogos Olímpicos de 1920 realizados en Antuerpen (Bélxica), onde o combinado español obtivo a medalla de prata, disputou dous encontros, ante Holanda e Italia. El e Luis Otero Sánchez son os primeiros galegos en ser medallistas olímpicos.

Véxase tamén[editar | editar a fonte]

Ligazóns externas[editar | editar a fonte]