Anxo González Guerra

Anxo González Guerra
Nacemento	28 de abril de 1955
	Trasar de Carballo
Nacionalidade	España
Alma máter	Universidade de Santiago de Compostela
Ocupación	escritor, catedrático e wikimedista
Cónxuxe	Vitoria Ogando Valcárcel
Fillos	Paulo González Ogando
Na rede
https://www.anxo.info/
[ editar datos en Wikidata ]

Anxo González Guerra, nado en Trasar de Carballo (Cartelos, Carballedo) o 28 de abril de 1955, é un profesor galego.

Traxectoria

Estudou no Seminario de Lugo e formou parte da primeira promoción de Filoloxía Galego-Portuguesa na Universidade de Santiago de Compostela. Desde 1980 deu clase no IES Sánchez Cantón de Pontevedra, converténdose en catedrático en 1992. Colaborou coa Universidade de Vigo como docente na preparación do profesorado no CAP e no Mestrado de Secundaria.

No 2004 gañou canda a Rosario Sánchez-Gabriel e Marián Costa o Premio á innovación educativa sobre os temas transversais da Xunta de Galicia. En 2013 gañou xunto a Esperanza Gesteira e mais Rosario Sánchez-Gabriel o Premio Nacional de Educación á utilización das tecnoloxías da información e a comunicación na docencia do Ministerio de Educación, Cultura e Deporte. Xubilouse da docencia en abril de 2015.

Anxo González Guerra con parte dos integrantes da 1ª promoción de Galego-Portugués da USC: Manuel Castelao, Luís Cambeiro Cives, Vitoria Ogando, Manuel Ferreiro Fernández, Tareixa Roca, María dos Anxos González Refoxo, Ramona Giráldez, María Xosé Queizán, María do Carme García Pereiro, Luís Gayoso Baqueiro, Carme Vázquez Castro, Manuel Figueiras Fernández, Francisco Salinas Portugal e César Morán.

Colaborou na redacción do Dicionario da Lingua Galega-Isaac Alonso Estravís (Ed. Alhena, 1986). Desde 2005 coordina canda a súa muller, Vitoria Ogando Valcárcel, a páxina web ogalego.eu. Dende 2015 colabora de forma activa na Galipedia.

En 2018 foi galardoado xunto con Vitoria co Premio Xoán Manuel Pintos do Concello de Pontevedra en 2022 tamén obtiveron o Premio Cidade de Pontevedra.

Forma parte da galería de personaxes ilustres de Carballedo.

Dende 2021 a 2023 colaborou co programa Luar da Televisión de Galicia facendo o papel de profesor de lingua galega.

Publicacións

• O idioma galego na poesía de Manuel Antonio. Edicións do Castro, 1981, Sada. ISBN 84-7492-076-0.
• Manuel Antonio. Nós, 1982, A Coruña (con Xosé Ramón Pena). ISBN 84-7540-004-3.
• Exercicios de lingua. Ed. Vía Láctea, 1987, A Coruña (con Vitoria Ogando Valcárcel). ISBN 84-86531-36-1.
• "Fraseoloxía e paremioloxía de Pilar Guerra (Trasar, Carballedo, Lugo)", en Cadernos de Fraseoloxía Galega 12-2010. ISSN 1698-7861.
• Contos do avó Anxo para o neto Aldán. Autoedición, 2016. ISBN 978-84-16121-51-9.

Galería de imaxes

En 2017, con Manuel Lourenzo González e Manuel Bragado no Ateneo de Pontevedra. En 2017, con Manuel Lourenzo González e Manuel Bragado no Ateneo de Pontevedra.  González Guerra, Vitoria Ogando, Chus Pato e Manuel Igrexas, en Santiago de Compostela en 2018. González Guerra, Vitoria Ogando, Chus Pato e Manuel Igrexas, en Santiago de Compostela en 2018.  En Pontevedra en 2019, con Modesto Hermida e Bieito Ledo. En Pontevedra en 2019, con Modesto Hermida e Bieito Ledo.  Con Teresa Cuíñas na Libraría Paz de Pontevedra en 2021. Con Teresa Cuíñas na Libraría Paz de Pontevedra en 2021.

Véxase tamén

Ligazóns externas

• www.ogalego.eu, páxina web dedicada á lingua galega.
• Ficha en Galegos.