Víctor Fábregas
| Biografía | |
|---|---|
| Nacemento | 1971  (52/53 anos)Muros, España |
| Datos persoais | |
| País de nacionalidade | España |
| Actividade | |
| Ocupación | actor |
| Lingua | Lingua galega |
 | |
Víctor Fábregas Martínez, nado en Esteiro (Muros) en 1971, é un actor galego.
Traxectoria[editar | editar a fonte]
Empezou no teatro afeccionado na infancia, da man de Xosé Agrelo Hermo[1]. Na universidade realizou un posgrao de teatro e marchou a Alcalá de Henares a estudar teatro clásico. Dous anos despois volveu a Galiza e, logo de traballar nunha conserveira, comeza a rodar para a TVG no programa Con perdón[2], baseado en bromas feitas a cidadáns anónimos mediante unha cámara oculta, pero acadou fama polo seu papel nos Tonechos, un dúo cómico que mantiña co actor Roberto Vilar. Este dúo empezou actuando no Luar da TVG a comezos do século XXI e que despois se consolidou cun programa de seu, O show dos Tonechos. A comezos de xaneiro de 2009 anunciaron a separación dos Tonechos[3].
En 2009 Fábregas participou na serie de temática xornalística O Nordés (TVG) e tamén na película-documental Flores tristes, de Manolo Abad.
En 2011 participou en 18 Comidas, de Jorge Coira.
Dende 2011 da vida ao personaxe de Lino na serie Era visto! durante as once tempadas que se fixeron desta. Tamén formou parte de Pazo de familia (Tomaso) (TVG), durante oito tempadas.
En 2019 interpretou o tenente Poncela na serie Lobos&Cordeiros (TVG).
Ten colaborado en episodios de Pratos combinados, Rías Baixas, O país dos prodixios, Meus queridos veciños, Luci, Augasquentes...
Fixo dobraxe na curta Km 53 e a longametraxe A crise carnívora.
En 2020 protagonizou a serie cómica Do dereito e do revés (TVG) e copresentou con Ledicia Sola as dúas tempadas do programa de viaxes Vou que teño que ir (TVG).
Desde o 2021 participa habitualmente en Land Rober Tunai Show (TVG), Luar (TVG) e conduce a terceira tempada do programa de viaxes Sen Código Postal (TVG). Traballou en O corpo aberto (Ángeles Huerta, 2022) e O home e o can (Ángel de la Cruz. 2022).
Galardóns e nomeamentos[editar | editar a fonte]
Premios Mestre Mateo[editar | editar a fonte]
| Ano | Categoría | Título | Resultado |
|---|---|---|---|
| 2011 | Mellor actor secundario | Era visto! | Nomeado |
Notas[editar | editar a fonte]
- ↑ Gústame pasar por pailán, sinto mágoa pola xente que se cre superior Arquivado 14 de xuño de 2013 en Wayback Machine., Galiciae, 18/1/09
- ↑ Divorcio a la gallega, El País, 10/1/2009
- ↑ Os Tonechos sepáranse Arquivado 11 de decembro de 2014 en Wayback Machine., A Nosa Terra, 8/1/2009
