Carme Hermida

Carme Hermida
Carme Hermida en 2016.
Nacemento	13 de novembro de 1961
	A Portela de Lamas
Nacionalidade	España
Alma máter	Universidade de Santiago de Compostela
Ocupación	filóloga, tradutora e escritora
Cónxuxe	Francisco Fernández Rei
[ editar datos en Wikidata ]

María do Carme Hermida Gulías, nada na Portela de Lamas (Pardesoa, Forcarei) o 13 de novembro de 1961, é unha filóloga, escritora e política galega.

Traxectoria

Aos nove anos marchou coa familia a Euskadi. Volveu para estudar Filoloxía Galega na Universidade de Santiago de Compostela, onde doutorou coa tese O rexurdir da conciencia idiomática en Galicia (1840-1891) (1991). Dende 1995 é profesora titular de Lingua Galega na USC. Foi bolseira do Instituto da Lingua Galega (1983), onde colaborou no Atlas Lingüístico Galego, Glosario de voces galegas de hoxe e no Diccionario de verbos galegos conxugados. Participación na elaboración de libros de texto para o ensino e o coñecemento da lingua galega, colaborou no Diccionario normativo galego-castelán (1988), no Diccionario castelán-galego de frases, usos e sinónimos (1990), no Gran diccionario Xerais da lingua (2000) e no Diccionario Xerais da lingua (2002). Tamén colaborou no espazo Faíscas da lingua (1986) da TVG, coordinou a sección "Mellore o seu galego" de O Correo Galego e dirixiu a colección de literatura infantil e xuvenil de Sotelo Blanco. É membro da Fundación Premios da Crítica Galicia, da Fundación Sotelo Blanco e foi membro fundadora do colectivo cultural Redes Escarlata, do que foi presidenta, tamén fundou e coordina a asociación de Mulleres Galegas na Comunicación (Mugacom). Foi concelleira de cultura en Teo.

Obras

Gramática práctica (morfosintaxe). 2004.

• Os precursores da normalización. Defensa e reivindicación da lingua galega no Rexurdimento (1840-1891), Xerais, Vigo, 1992.
• A reivindicación da lingua galega no Rexurdimento (1840-1891) Escolma de textos, Consello da Cultura Galega, Santiago de Compostela, 1992.
• Rosalía de Castro na prensa barcelonesa (1863-1899), Edicións do Patronato, 1993.
• Ortografía práctica, Sotelo Blanco Edicións, Santiago de Compostela, 2001.
• Polo mar abaixo vai: cantigas populares sobre o mar, Edicións Positivas, Santiago de Compostela, 2003.
• Gramática práctica (Morfosintaxe), Sotelo Blanco Edicións, Santiago de Compostela, 2004.

Como editora

• A nosa fala: bloques e áreas lingüísticas do galego, con Francisco Fernández Rei, Consello da Cultura Galega, Arquivo Sonoro de Galicia, Santiago de Compostela, 1996, (2ª ed. 2003).
• A gaita gallega, de Xoán Manuel Pintos, Xerais, Vigo, 2003.
• O Diccionario del dialecto gallego de Luís Aguirre del Río, CSIC de Madrid xunto co IEGPS, 2007, ISBN 978-84-00-08609-1.

Traducións

• A vida das mulleres na Galicia medieval (1100-1500), de María del Carmen Pallares Méndez, Servizo de Publicacións e Intercambio Científico, Universidade de Santiago de Compostela, Biblioteca de Divulgación, Serie Galicia, N.° 12, 1993.
• A cláusula de conciencia e o segredo profesional dos xornalistas, de Marc Carrillo, 1994
• Querouak, de Ricardo Alcántara, 1988.
• Os narices do rei, de Jaume Cela, 1988.

Obras colectivas

• Gran dicionario Xerais da Lingua, 2009, Xerais.

Véxase tamén

Bibliografía

• "Hermida Gulías, María do Carme". Dicionario biográfico de Galicia 2. Ir Indo Edicións. 2010-2011. p. 192. 
• "Hermida Gulías, María do Carme". Gran Enciclopedia Galega (DVD). El Progreso. 2005. ISBN 84-87804-88-8. 
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 615. ISBN 84-7492-465-0. 

Ligazóns externas

• Pequena biografíaen CulturaGalega.org, arquivada do orixinal o 31 de maio de 2011.