Beltane

Series de
Mitoloxía celta
Politeísmo Deidades
Mitoloxía gaélica
Irlandesa Escocesa Hébridas Tuatha Dé Danann Ciclo mitolóxico Ciclo do Ulster Ciclo feniano
Mitoloxía britónica
Britana Galesa Bretoa Relixión da Idade de Ferro británica Llyfr Du Caerfyrddin Libro Vermello de Hergest Mabinogion Libro Branco de Rhydderch Libro de Taliesin Dafydd ap Gwilym Tríades da Illa de Bretaña
Relixión
Druídas Bardos Vates
Festivais
Samaín Calan Gaeaf Imbolc Gŵyl Fair Beltane Calan Mai Lughnasadh Calan Awst
Categoría

Beltane^{[Cómpre referencia]}.

Beltane ou Bealtaine (en irlandés bo lume) é un antigo día festivo irlandés celebrado o 1 de maio. Historicamente esta festividade celebrábase en Irlanda, Escocia e na Illa de Man. Nos outros países celtas coma Gales, Galicia, a Bretaña e Cornualla había festividades parecidas o mesmo día. A festividade sobrevive con prácticas folclóricas nas nacións celtas e a diáspora e experimenta un grao de renacemento nas décadas recentes.

Historia

Para os celtas, Beltane marcaba o comezo da tempada de verán pastoral cando as mandas de gando levábanse deica os pastos de verán e ás terras de pasto das montañas. En irlandés moderno Mi na Bealtaine (Mes de Bealtaine) é o nome do mes de maio. Decote abréviase o nome do mes como Bealtaine, coñecendo ó día festivo como Lá Bealtaine.

Unha das principais actividades da festividade consistía en prender fogueiras nas montañas e ladeiras con ritual e significado político en Oidhche Bhealtaine (a véspera de Bealtaine). En gaélico escocés moderno, utilízase só Lá Buidhe Bealtaine (O día amarelo de Bealltain) para describir o primeiro día de maio.

Na antiga Irlanda a fogueira de Bealtaine principal prendíase na ladeira central de Uisneach, ‘O embigo de Irlanda’, o centro dos rituais do país, o cal encóntrase agora situado no que é Westmeath. En Irlanda o prendemento de fogueiras en Oidhche Bhealtaine semella ter sobrevivido unicamente até o presente día no Condado de Limerick, especial e mesmamente en Limerick coa súa noite de fogueira anual, aínda que algúns grupos culturais expresaron interese en revivir o hábito en Uisneach e quizais no Outeiro de Tara. En tempos modernos tamén se pode observar a iluminación de lumes comunitarios de Beltane que se acenden individualmente en fogares nalgunhas partes da diáspora celta e por algúns grupos neopaganos.