Yeremay Hernández
Biografía | |
---|---|
Nacemento | 10 de decembro de 2002 (21 anos) As Palmas de Gran Canaria, España |
Datos persoais | |
País de nacionalidade | España |
Actividade | |
Ocupación | futbolista |
Deporte | fútbol |
Yeremay Hernández Cubas, tamén coñecido como Peke, nado nas Palmas de Gran Canaria o 10 de decembro de 2002, é un futbolista español que xoga de mediapunta no Deportivo da Coruña, da Segunda División.
Traxectoria[editar | editar a fonte]
Formouse nas canteiras da UD Las Palmas e do Real Madrid, e aos 15 anos incorporouse ás categorías inferiores do Deportivo da Coruña.[1] Completou na Coruña a súa etapa de cadete, pasando logo ao equipo xuvenil, co que se proclamou campión da División de Honra e da Copa de Campións na tempada 2020/21. Esa mesma tempada debutou co Fabril de Juan Carlos Valerón na Terceira División, xogando 17 partidos e marcando tres goles.
Continuou como xogador do Fabril na seguinte tempada, xa con Óscar Gilsanz como adestrador, e comezou a ser convocado por Borja Jiménez para o primeiro equipo. O 1 de decembro de 2021 debutou co Deportivo da Coruña en partido oficial, na primeira rolda da Copa do Rei 2021/22 contra o UCAM Murcia na Condomina. Entrou na segunda parte como substituto de Menudo, e realizou unha destacada actuación, marcando na prórroga o terceiro gol do seu equipo, e dándolle unha asistencia a Quiles, para que este fixera o cuarto (3-4).[2] Tres días despois debutou na Primeira División RFEF contra o Racing de Ferrol na Malata, substituíndo na segunda parte a Villares. Pechou a tempada con 19 encontros co filial e 9 co primeiro equipo.
Para a tempada 2022/23 o Deportivo inscribiuno xa como xogador do primeiro equipo a tódolos efectos.[3] O 18 de abril de 2024 renovou co Deportivo até o 30 de xuño de 2030.[4]
Palmarés[editar | editar a fonte]
- Deportivo da Coruña
Notas[editar | editar a fonte]
- ↑ "Yeremay Hernández liga su futuro al Deportivo" (en castelán). 11 de decembro de 2018. Consultado o 2 de decembro de 2021.
- ↑ Lema, Jorge (1 de decembro de 2021). "Yeremay invita a otra ronda" (en castelán). Consultado o 2 de decembro de 2021.
- ↑ "El Deportivo inscribe a Yeremay con ficha del primer equipo" (en castelán). 1 de setembro de 2022. Consultado o 2 de setembro de 2022.
- ↑ "Yeremay únese ao Dépor do futuro e renova até 2030". 18 de abril de 2024. Consultado o 18 de abril de 2024.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en BDFutbol (en castelán).
- Datos do xogador en lapreferente.com (en castelán).