Saltar ao contido

David Álvarez Rey

Na Galipedia, a Wikipedia en galego.
Modelo:BiografíaDavid Álvarez Rey

Editar o valor en Wikidata
Nome orixinalAntonio David Álvarez Rey
Biografía
Nacemento18 de decembro de 1994 Editar o valor en Wikidata (31 anos)
Vilariño, España Editar o valor en Wikidata
Altura1,78 m.
Actividade
Ocupaciónfutbolista Editar o valor en Wikidata
Deportefútbol Editar o valor en Wikidata
Posición de xogoExtremo dereito
Traxectoria Editar o valor en Wikidata
  Equipo Número de eventos xogados Puntos/goles/tantos anotados
2011–2012 Real Avilés B
2013–2013   Real Oviedo-Vetusta
2013–2014 Unión Popular de Langreo
2014–2015 Caudal Deportivo de Mieres
2015–2016   Zamora CF
2016–2017   Real Oviedo-Vetusta
2017–2018   Rápido de Bouzas
2017–2018   CCD Cerceda
2018–2019   Zamora CF
2019–2020 Unión Popular de Langreo
2020–2022 Societat Esportiva Eivissa-Ibiza
2023– KAS Eupen
2023–→ cesión:    Deportivo da Coruña

Antonio David Álvarez Rey, coñecido como Davo, nado en Vilariño (O Pereiro de Aguiar) o 18 de decembro de 1994, é un futbolista español que xoga como extremo dereito e dianteiro no Penafiel, da Segunda Liga de Portugal.

Traxectoria

[editar | editar a fonte]

Naceu na parroquia de Vilariño, no concello ourensán do Pereiro de Aguiar, e pouco despois trasladouse coa súa familia a Tenerife e logo a Luarca.[1] Criouse na vila asturiana e aos 7 anos comezou a xogar ao fútbol na canteira do Luarca CF, onde estivo ata rematar a súa etapa infantil, ingresando a continuación no equipo cadete do Real Avilés.[2] Na tempada 2011/12 os seus 23 goles co xuvenil do Avilés na Liga Nacional colocárono como o segundo máximo goleador do seu grupo, só por detrás de Carlos Castro,[3] e permitíronlle debutar co filial na Rexional Preferente, o 26 de febreiro de 2012, nun partido ante o Valdesoto.

No verán de 2012 fichou polo Real Oviedo para xogar co seu equipo xuvenil, no que militou unha campaña, chegando a debutar co Oviedo Vetusta na Tercera División. Comezou a campaña 2013/14 nas filas do filial oviedista, pero o 8 de outubro de 2013 saíu cedido ao Langreo, da mesma categoría.[4]

Co equipo dirixido polo veigués Pablo Lago, disputou un total de 24 partidos e marcou 5 goles, conseguindo o ascenso á Segunda B. Para a seguinte campaña seguiu a Lago ao Caudal, de Terceira, onde disputou un total de 38 partidos, anotando 9 goles.[5]

Na tempada 2015/16 fichou polo Zamora,[6] onde incrementou os seus rexistros ata os 13 goles nun total de 43 partidos, case todos como titular. O equipo adestrado por Balta Sánchez proclamouse campión do Grupo VIII da Terceira División, pero non conseguiu ascender ao caer eliminado na promoción.[2] En 2016 regresou ao Oviedo Vetusta,[7] co que marcou 16 goles nos 37 partidos que xogou durante a campaña.

Na 2017/18 fichou polo Rápido de Bouzas, co que debutou na Segunda División B.[8] Ás ordes de Borja Jiménez, contribuíu con 14 partidos e un gol á mellor tempada da historia do club, pero deixou o equipo no mercado invernal, pasando ás filas do Cerceda, da mesma categoría, co que acabou descendendo.[9]

No verán de 2018 volveu ao Zamora e alí conseguiu a mellor cifra goleadora da súa carreira, con 20 tantos en 36 encontros.[10][11] En xullo de 2019 regresou ao Langreo, desta vez na Segunda B, co que marcou 13 goles, sendo o cuarto máximo anotador do Grupo I, por detrás de Rufo, Gabarre e Joselu.[11]

Na tempada 2020/21 púxose ás ordes de Juan Carlos Carcedo no Ibiza e con dez goles foi o máximo goleador do equipo, que conseguiu o primeiro ascenso á Segunda División da súa historia.[12] Na primeira xornada da tempada 2021/22 debutou na categoría de prata, nun empate sen goles ante o Zaragoza na Romareda, onde saltou ao campo na segunda parte como substituto de Ekain Zenitagoia.[13]

En xuño de 2022 deixou por primeira vez o fútbol español e puxo rumbo a Polonia, onde asinou un contrato de dous anos co Wisła Płock da Ekstraklasa.[14] Con todo, xogou só medio ano no club de Płock, pois en xaneiro, sendo naquel momento o máximo goleador da liga con 9 dianas, foi traspasado ao Eupen, da Primeira División de Bélxica.[15] No equipo valón apenas tivo protagonismo, participando só en sete partidos, saíndo en todos eles dende o banco de suplentes.

En xullo de 2023 anunciouse a súa cesión con opción de compra obrigatoria ao Deportivo da Coruña, o terceiro club galego da súa carreira.[16] Na primeira metade da tempada foi titular na maioría das aliñacións do adestrador Imanol Idiakez e a pesar das críticas recibidas tivo un papel importante en decembro cos seus goles ante o Barcelona Atlètic e o Arenteiro, que salvaron unha complicada situación na clasificación e unha posible destitución de Idiakez.[17] Perdeu protagonismo na segunda parte da campaña, que culminou co ascenso do Deportivo á Segunda División. Pechou a tempada cun total de 39 partidos e 8 goles. En xuño de 2024 o club exerceu a opción de compra obrigatoria que tiña sobre o xogador en caso de ascenso.[17]

Militou co club coruñés en Segunda durante a primeira metade da tempada 2024/25, pero apenas disputou 100 minutos en liga repartidos en nove encontros, polo que en xaneiro saíu cedido ao Real Murcia, de Primeira Federación. No club murciano contou con máis oportunidades, pero non conseguiu ver portería nos 16 partidos que disputou.[18] Ao remate da tempada anunciouse a súa saída do club galego e a súa fichaxe polo Penafiel portugués, club que viña de ser adquirido recentemente polo tamén propietario do Deportivo, Juan Carlos Escotet.[19][20]

Palmarés

[editar | editar a fonte]
Zamora
Ibiza
Deportivo da Coruña

Estatísticas

[editar | editar a fonte]
Club Tempada División Liga Copa Outros[a 1] Total
Partidos Goles Partidos Goles Partidos Goles Partidos Goles
Avilés B 2011/12 Preferente Asturias 3 1 - - - - 3 1
Oviedo B 2012/13 Terceira 1 0 - - - - 1 0
2013/14 Terceira 3 0 - - 1 2 4 2
Langreo 2013/14 Terceira 19 5 - - 6 0 25 5
Caudal 2014/15 Terceira 36 9 - - 8 1 44 10
Zamora 2015/16 Terceira 37 13 - - 4 0 41 13
Oviedo B 2016/17 Terceira 37 16 - - 4 1 38 17
Total club 41 16 0 0 5 3 46 19
Rápido de Bouzas 2017/18 Segunda B 13 1 1 0 - - 14 1
Cerceda 2017/18 Segunda B 15 0 0 0 - - 15 0
Zamora 2018/19 Terceira 33 18 0 0 - - 33 18
Total club 70 31 0 0 6 0 74 31
Langreo 2019/20 Segunda B 27 13 1 0 - - 28 13
Total club 46 18 1 0 5 0 52 18
Ibiza 2020/21 Segunda B 23 10 3 0 2 0 28 10
2021/22 Segunda 36 2 2 2 - - 38 4
Total club 59 12 5 2 2 0 66 14
Wisła Płock 2022/23 Ekstraklasa 18 9 2 0 - - 20 9
Eupen 2022/23 Jupiler Pro 7 0 0 0 - - 7 0
Deportivo da Coruña 2023/24 1ª Federación 35 7 2 0 2 1 39 8
2024/25 Segunda 9 0 1 0 - - 10 0
Total club 44 7 3 0 2 1 49 8
Murcia 2024/25 1ª Federación 15 0 0 0 1 0 16 0
Total carreira 367 104 12 2 28 5 407 111
  1. ↑ Inclúe partidos de promoción de ascenso a Segunda División B, final de campións de Primeira Federación e Copa Federación.

Notas

[editar | editar a fonte]
  1. ↑ Barreiros, Pedro (6 de abril de 2024). "Davo: «Cuando fui a ver mi primer partido en la grada de Riazor yo me enamoré»". La Voz de Galicia (en castelán). Consultado o 6 de abril de 2024. 
  2. ↑ 2,0 2,1 "David Álvarez el Gol en Segunda b tiene acento Luarqués" (en castelán). 31 de xaneiro de 2021. Consultado o 2 de setembro de 2023. 
  3. ↑ "Máximos Goleadores". lapreferente.com (en castelán). Consultado o 2 de setembro de 2023. 
  4. ↑ "El Langreo ficha al delantero David Álvarez" (en castelán). 8 de outubro de 2013. Consultado o 2 de setembro de 2023. 
  5. ↑ "David Álvarez deja el Langreo y se va al Caudal" (en castelán). 5 de xullo de 2014. Consultado o 2 de setembro de 2023. 
  6. ↑ "David Álvarez deja el Caudal por el Zamora" (en castelán). 27 de xuño de 2015. Consultado o 2 de setembro de 2023. 
  7. ↑ "El Vetusta se pone en marcha" (en castelán). 13 de xullo de 2016. Consultado o 2 de setembro de 2023. 
  8. ↑ "El Rápido echa a correr con lo puesto" (en castelán). 18 de xullo de 2017. Consultado o 2 de setembro de 2023. 
  9. ↑ "Así son las nuevas caras del Cerceda". La Voz de Galicia (en castelán). 7 de febreiro de 2018. Consultado o 2 de setembro de 2023. 
  10. ↑ "El delantero David Álvarez ficha por el Zamora CF" (en castelán). 7 de xullo de 2018. Consultado o 2 de setembro de 2023. 
  11. ↑ 11,0 11,1 Zapico, Borja (3 de xullo de 2019). "El gijonés David Álvarez regresa al Langreo" (en castelán). Consultado o 2 de setembro de 2023. 
  12. ↑ "Davo, primer fichaje de la UD Ibiza para la próxima temporada" (en castelán). 13 de xullo de 2020. Consultado o 2 de setembro de 2023. 
  13. ↑ Christian, Ortiz (14 de agosto de 2021). "El Zaragoza decepciona y empata ante un valiente Ibiza". Marca (en castelán). Consultado o 2 de setembro de 2023. 
  14. ↑ "Ofensywnie usposobiony Antonio David Álvarez Rey, znany również jako Davo, to kolejny zawodnik, który zasili szeregi Wisły Płock przed inauguracją rozgrywek 2022/2023 w PKO Bank Polski Ekstraklasie." (en polaco). Consultado o 2 de setembro de 2023. 
  15. ↑ "KAS Eupen signs Spanish forward Davo" (en inglés). 1 de febreiro de 2023. Consultado o 2 de setembro de 2023. 
  16. ↑ "Antonio David Álvarez 'Davo', novo xogador do Dépor 2023-24". 18 de xullo de 2023. Consultado o 2 de setembro de 2023. 
  17. ↑ 17,0 17,1 "El Deportivo anuncia la ejecución de la compra de Davo" (en castelán). 19 de xuño de 2024. Consultado o 24 de xuño de 2024. 
  18. ↑ Regueiro, Zeltia (22 de abril de 2025). "Préstamos a bajo interés". DxT Campeón (en castelán). Consultado o 20 de xuño de 2025. 
  19. ↑ "Davo se despide del Dépor tras dos temporadas de luces y sombras". DxT Campeón (en castelán). 2 de agosto de 2025. Consultado o 2 de agosto de 2025. 
  20. ↑ "Davo refuerza al Penafiel" (en castelán). 6 de agosto de 2025. Consultado o 11 de agosto de 2025. 

Véxase tamén

[editar | editar a fonte]

Ligazóns externas

[editar | editar a fonte]
Obtido de «https://gl.wikipedia.org/w/index.php?title=David_Álvarez_Rey&oldid=7177479»