Unión Deportiva Las Palmas

Na Galipedia, a Wikipedia en galego.
Las Palmas
NomeUnión Deportiva Las Palmas, SAD
Alcume(s)Amarillos
Fundación22 de agosto de 1949 (74 anos)
EstadioGran Canaria,
As Palmas, España
Inauguración2003
Capacidade32.400
PresidenteEspaña Miguel Ángel Ramírez
AdestradorEspaña García Pimienta
LigaPrimeira División
2022–232.º
Na rede
http://www.udlaspalmas.es/
Facebook: udlaspalmasoficial Twitter: UDLP_Oficial Instagram: udlaspalmasoficial Youtube: UCVmpXogwdZ48VRUIR56fNgQ Editar o valor em Wikidata
Titular
Alternativo

A Unión Deportiva Las Palmas, SAD é un club de fútbol español da cidade das Palmas de Gran Canaria, na illa de Gran Canaria, que xoga actualmente na Primeira división española. Estivo 35 tempadas en Primeira División e ostenta a 19.ª posición na Clasificación histórica da Primeira División. O equipo foi subcampión na tempada 1968/69 e xogou a Copa da UEFA en tres ocasións.

O club conta con 11.364 socios[1] e ten 38 peñas oficiais.[2]

A Unión Deportiva Las Palmas fundouse o 22 de agosto de 1949 ó fusionarse 5 equipos locais: o Club Deportivo Gran Canaria, o Atlético Club, o Real Club Victoria, o Arenas Club e o Marino F.C.

Himno[editar | editar a fonte]

O club tivo dous himnos oficiais, sendo o segundo o que máis éxito popular obtivo. O primeiro foi composto por José Trunchado e levaba por título "Arriba de ellos". Gonzalo Monasterio (letra) e Peón Real (música) crearon o actual himno da Unión Deportiva Las Palmas, himno que desde un primeiro momento foi ben acollido pola afección amarela. Este himno gañou en Barcelona o terceiro posto no Festival da Canción Deportiva.[3]

Escudo[editar | editar a fonte]

O escudo ten como base un fondo de zafiro, no centro o escudo da cidade orlado cos escudos dos cinco equipos fundadores. Entre a coroa e o escudo da cidade unha cinta amarela que leva o nome da entidade, a cidade e o arquipélago ao que representa. Entre a orla dos escudos dos cinco clubs fundadores e o escudo da cidade atópase nunha cinta branca o lema "segura ten a palma".

A Unión Deportiva Las Palmas posúe no seu escudo unha coroa e con todo, non é "real", isto débese a que a coroa foi herdada do Real Club Victoria, club fundador.

Uniforme[editar | editar a fonte]

O uniforme da Unión Deportiva Las Palmas, quedou establecido desde o inicio da historia do club, coas cores representativas da illa de Gran Canaria, o amarelo e o azul, que fan alusión á "area loura das praias e ao azul ao océano Atlántico".

  • Uniforme titular: Camiseta amarela, pantalón azul, medias amarelas.
  • Uniforme alternativo: Camiseta vermella, pantalón branco e medias vermellas e negras, en homenaxe ao centenario do club fundador Arenas CF.
  • Terceiro uniforme: Camiseta cor azul con detalles amarelos, pantalón azul e medias azuis e amarelas.

Instalacións[editar | editar a fonte]

Estadio[editar | editar a fonte]

Artigo principal: Estadio de Gran Canaria.
España - Irlanda do Norte, Estadio de Gran Canaria, 21 de novembro de 2007.

As Palmas xoga todos os seus partidos oficiais no Estadio de Gran Canaria desde a tempada 2003/04. É o sucesor do Estadio Insular, onde xogou os seus partidos o equipo ata a tempada anterior.

Este campo de xogo, situado no barrio de Siete Palmas, ten unha capacidade de 32.665 espectadores, conta con pistas de atletismo e foi inaugurado o 8 de maio de 2003 cun partido que enfrontou á Unión Deportiva Las Palmas co RSC Anderlecht de Bélxica. O encontro terminou co resultado de 2-1 favorable aos amarelos, con goles de Rubén Castro e Alain Nkong.

Outras instalacións[editar | editar a fonte]

As instalacións de Barranco Seco son o lugar habitual de adestramento do primeiro persoal. É un complexo provisto con dous terreos de xogo, un de céspede natural e outro de terra.

Datos do club[editar | editar a fonte]

  • Tempadas en : 35 (Incluída a 2023/24)
  • Tempadas en : 33
  • Tempadas en 2ªB: 6
  • Tempadas en : 1
  • Posto na Clasificación histórica de primeira División: 19º
  • Mellor posto en : 2º (tempada 1968-69)
  • Peor posto en : 20º (tempada 1987-88)
  • Mellor posto en : 1º (tempadas 1953-54, 1963-64, 1984-85 e 1999-00)
  • Peor posto en : 20º (tempada 2003-04)
  • Partidos en  : 1020.
  • Puntos en  : 937.
  • Vitorias en  : 345.
  • Empates en  : 225.
  • Derrotas en  : 450.
  • Maiores goleadas conseguidas:
  • Maior goleada encaixada: Atlético de Madrid 9-0 UD As Palmas (20-10-1957)
  • Máximo goleador: Germán Dévora (119 goles)
  • Participación internacional: 3 veces na Copa da UEFA: (1968/69 na Copa de Feiras, 1972/1973 e 1977/1978)
  • Trofeo Pichichi: 2003-2004, Rubén Castro (Segunda División). 2006-2007, Marcos Márquez (Segunda División).
  • Trofeo Zamora: 1998-1999, Zeljko Cicovic (Segunda División)
  • Trofeo Zarra: 2006-2007, Marcos Márquez (Segunda División).

Xogadores[editar | editar a fonte]

Categoría principal: Xogadores do UD Las Palmas.

Cadro actual[editar | editar a fonte]

Posto País Xogador
1 POR Mariano Barbosa
3 DEF Timothée Atouba
4 MED España Vicente Gómez
5 DEF España David García Capitán
6 DEF España Ángel López
7 MED España Nauzet Alemán
8 DIA España Tato
9 DIA Nixeria Macauley Chrisantus
11 MED España Momo
12 DEF España Aythami
13 POR España Raúl Lizoain
14 MED España Hernán
Posto País Xogador
15 DEF España Deivid
17 DIA España Máyor
18 MED España Javi Castellano
20 DEF España Xabi Castillo
21 MED España Juan Carlos Valerón
22 DIA Bulgaria Spas Delev
23 MED España Dani Castellano
26 DEF España Carlos Gutiérrez
30 POR España Alex Martín
MED España Sergio Suárez
MED España Francis Suárez

Palmarés[editar | editar a fonte]

Torneos nacionais[editar | editar a fonte]

Torneos amigábeis[editar | editar a fonte]

Filiais[editar | editar a fonte]

Las Palmas Atlético[editar | editar a fonte]

Artigo principal: UD Las Palmas Atlético.

Fundado en 1977. Tras o logro conseguido na tempada 2007-08 ascendendo á Segunda B, na temporada 2008-09 descendeu a Terceira División, onde xoga actualmente.

Ata 2010 existiu tamén un segundo filial, o Las Palmas C.

Notas[editar | editar a fonte]

  1. A campaña de abonados cérrase con 11.364 abonados Arquivado 12 de decembro de 2009 en Wayback Machine. en UDLP.es
  2. Peñas Arquivado 08 de xaneiro de 2010 en Wayback Machine. en UDLP.es
  3. Himno Arquivado 12 de decembro de 2009 en Wayback Machine. en UDLP.es

Véxase tamén[editar | editar a fonte]

Ligazóns externas[editar | editar a fonte]