Saltar ao contido

Pablo Vázquez

Na Galipedia, a Wikipedia en galego.
Modelo:BiografíaPablo Vázquez

(2024) Editar o valor en Wikidata
Biografía
Nacemento(es) Pablo Vázquez Pérez Editar o valor en Wikidata
7 de outubro de 1994 Editar o valor en Wikidata (31 anos)
Gandia Editar o valor en Wikidata
Altura1,84 m.
Actividade
Ocupaciónfutbolista Editar o valor en Wikidata
Período de actividade2014 Editar o valor en Wikidata -
Nacionalidade deportivaEspaña Editar o valor en Wikidata
Deportefútbol Editar o valor en Wikidata
Posición de xogoDefensa central
Traxectoria Editar o valor en Wikidata
  Equipo Número de eventos xogados Puntos/goles/tantos anotados
– Ontinyent Club de Futbol

Pablo Vázquez Pérez, nado en Gandia o 7 de outubro de 1994, é un futbolista español, que xoga de defensa central no Sporting de Gijón, da Segunda División. Pode ocupar tamén a posición de centrocampista defensivo.

Traxectoria

[editar | editar a fonte]

Nado en Gandia, formouse como futbolista nas canteiras de tres clubs valencianos: Tavernes, Crack's e Huracán.[1] En 2013 debutou na Tercera División, nas filas do CD Llosa, e en xuño de 2014 fichou polo Ontinyent CF, da mesma categoría, onde se fixo inmediatamente coa titularidade.[2]

Na tempada 2015/16 xogou no San Fernando,[2] antes de fichar en 2016 polo Córdoba B.[3] Co filial verde xogou un total de 34 partidos na Segunda División B, marcando 4 goles. O 12 de outubro de 2016 debutou co primeiro equipo do Córdoba, nun partido da Copa do Rei ante o Cádiz que rematou con vitoria cordobesa por 2-1.[4]

En xullo do ano seguinte fichou por un novo filial: o Granada B.[5] Despois de seis meses no club e de disputar 20 partidos, todos completos, o seu bo rendemento valeulle ser cedido no mercado invernal a un equipo da Segunda División: o Alcorcón.[6] Debutou na categoría de prata na 23ª xornada, contra o Cádiz, substituíndo na segunda parte ao galego Jonathan Pereira.[7] Con todo, só disputou catro partidos máis co club de Alcorcón.

A continuación regresou a Andalucía, onde asinou un novo contrato, xa con ficha do primeiro equipo do Granada.[8] Con todo, non chegou a xogar ningún partido de liga co equipo nazarí, disputando só un partido de Copa do Rei ante o Elche no que marcou un gol. Ante a falta de minutos, para a segunda parte da tempada saíu cedido á Cultural Leonesa, de Segunda B, onde foi titular en todas as restantes xornadas.[9]

Trala fin da súa cesión rescindiu o seu contrato co Granada e fichou polo Badajoz.[10][11] Militou dúas campañas no equipo estremeño, xogando un total de 52 partidos, nos que marcou 8 goles, e disputou dúas veces a fase de ascenso a Segunda. En xuño de 2021 asinou como novo xogador do FC Cartagena, co que xogou durante dous anos na Segunda División, contabilizando un total de 57 partidos e 4 goles.[12]

No verán de 2023 fichou polo Deportivo da Coruña, da Primeira División RFEF.[1] Axiña se converteu no líder da defensa, formando parella de centrais habitualmente co francés Pablo Martinez, e contribuíu tamén ofensivamente, sumando cinco goles.[13] Disputou un total de 40 partidos, todos agás un de titular, sendo así un dos alicerces do equipo que se proclamou campión da categoría, ascendendo á Segunda División.[14]

No seu regreso a Segunda completou a mellor tempada da súa carreira deportiva, sendo titular indiscutible tanto para Imanol Idiakez como para o seu substituto no banco, Óscar Gilsanz.[15] Disputou completos os primeiros 41 partidos de liga, quedando fóra do once inicial só na derradeira xornada, debido a uns problemas musculares.[16] Con todo, foi o xogador de campo con máis minutos disputados de toda a categoría, con 3.705.[17]

A pesar dos seus números e de ser considerado o alicerce defensivo do equipo nos dous anos anteriores,[18] o director deportivo Fernando Soriano definiu a súa tempada como "discreta", e o club non lle ofreceu a renovación.[19][20] Finalmente foi traspasado en xullo de 2025 ao Sporting de Gijón, da mesma categoría.[21]

Palmarés

[editar | editar a fonte]
Deportivo da Coruña

Estatísticas

[editar | editar a fonte]
Club Tempada División Liga Copa Promoción Outros[N 1] Total
PartidosGolesPartidosGolesPartidosGoles Partidos GolesPartidosGoles
Llosa 2013/14 Terceira 17 1 - - - - - - 17 1
Ontinyent 2014/15 Terceira 371--2 0 - -391
San Fernando 2015/16 Terceira 374--6 0 - - 434
Córdoba B 2016/17 Segunda B 344--- - - - 344
Córdoba 2016/17 Segunda 0010- - - - 10
Granada B 2017/18 Segunda B 203---- - - 203
Alcorcón 2017/18 Segunda 5000-- - -50
Granada 2018/19 Segunda 0 0 1 1 - - - - 1 1
Cultural Leonesa 2018/19 Segunda B 17 2 0 0 - - - - 17 2
Badajoz 2019/20 Segunda B 20 2 4 2 2 1 - - 26 5
2020/21 Segunda B 23 3 1 0 2 0 - - 26 3
Total club 43 5 5 2 4 1 0 0 52 8
FC Cartagena 2021/22 Segunda 33 2 3 0 - - - - 36 2
2022/23 Segunda 18 1 3 1 - - - - 21 2
Total club 51 3 6 1 0 0 0 0 57 4
Deportivo da Coruña 2023/24 1ª Federación 36 4 2 1 - - 2 0 40 5
2024/25 Segunda 42 2 0 0 - - - - 42 2
Total club 7862100 2 0827
Total carreira 33929155121 2 036835
  1. ↑ Inclúe partidos da Final de Campións de Primeira Federación.

Notas

[editar | editar a fonte]
  1. 1 2 "Pablo Vázquez, novo xogador do Dépor 2023-24". 15 de xullo de 2023. Consultado o 4 de setembro de 2023.
  2. 1 2 "De rival, a parte del proyecto" (en castelán). 29 de xullo de 2015. Consultado o 3 de setembro de 2023.
  3. ↑ "La encrucijada de la defensa" (en castelán). 31 de outubro de 2016. Consultado o 3 de setembro de 2023.[Ligazón morta]
  4. ↑ "El Córdoba muestra mejores condiciones en el Carranza". Marca (en castelán). 12 de outubro de 2016. Consultado o 4 de setembro de 2023.
  5. ↑ "El Granada B incorpora 18 nuevos jugadores a su plantilla" (en castelán). 10 de xullo de 2017. Consultado o 4 de setembro de 2023.
  6. ↑ "Hongla, cedido al Barça B y a Pablo Vázquez al Alcorcón". As (en castelán). 16 de xaneiro de 2018. Consultado o 4 de setembro de 2023.
  7. ↑ Jiménez, Álex (21 de xaneiro de 2018). "Un acertado Alcorcón cierra el grifo a la racha del Cádiz". Marca (en castelán). Consultado o 4 de setembro de 2023.
  8. ↑ "El Granada CF renueva a Pablo Vázquez" (en castelán). 16 de agosto de 2018. Consultado o 4 de setembro de 2023.
  9. ↑ "Cesión de Pablo Vázquez" (en castelán). 23 de xaneiro de 2019. Consultado o 4 de setembro de 2023.
  10. ↑ "Pablo Vázquez se desvincula del Granada CF" (en castelán). 23 de xuño de 2019. Consultado o 4 de setembro de 2023.
  11. ↑ "Pablo Vázquez ficha por el Badajoz tras desvincularse del equipo" (en castelán). 23 de xullo de 2019. Consultado o 4 de setembro de 2023.
  12. ↑ "Pablo Vázquez, un central contundente y de garantías para la defensa del Efesé" (en castelán). 18 de xuño de 2021. Consultado o 4 de setembro de 2023.
  13. ↑ Zautúa, Israel (10 de xuño de 2024). "Las 29 operaciones de Soriano en el Deportivo, a examen". DxT Campeón (en castelán). Consultado o 19 de xuño de 2025.
  14. ↑ Pereira, Eder (22 de outubro de 2024). "Pablo Vázquez cumple 50 partidos en el Dépor: "Me siento valorado"". DxT Campeón (en castelán). Consultado o 19 de xuño de 2025.
  15. ↑ Gómez, Xurxo (2 de xuño de 2025). "El Uno x Uno del Deportivo en la temporada 2024-25". DxT Campeón (en castelán). Consultado o 19 de xuño de 2025.
  16. ↑ Gómez, Xurxo (2 de xuño de 2025). "Pablo Vázquez se queda a las puertas de su 'Iron Man'". DxT Campeón (en castelán). Consultado o 19 de xuño de 2025.
  17. ↑ "Los 3 datos que avalan el fichaje de Pablo Vázquez por el Sporting" (en castelán). 17 de xuño de 2025. Consultado o 19 de xuño de 2025.
  18. ↑ Pereira, Eder (11 de xullo de 2025). "La huella de Pablo Vázquez: "Ha sido protagonista y ha rendido a un nivel muy alto"". DxT Campeón (en castelán). Consultado o 12 de xullo de 2025.
  19. ↑ Gómez, Xurxo (11 de xuño de 2025). "La "discreta" temporada de Pablo Vázquez" (en castelán). Consultado o 12 de xullo de 2025.
  20. ↑ Miranda, Carlos (7 de xuño de 2025). "El Deportivo no renovará a Pablo Vázquez, que busca un equipo que apueste por él". La Opinión A Coruña (en castelán). Consultado o 12 de xullo de 2025.
  21. ↑ "El Sporting de Gijón confirma el fichaje de Pablo Vázquez". La Voz de Galicia (en castelán). 11 de xullo de 2025. Consultado o 12 de xullo de 2025.

Véxase tamén

[editar | editar a fonte]

Ligazóns externas

[editar | editar a fonte]
Obtido de «https://gl.wikipedia.org/w/index.php?title=Pablo_Vázquez&oldid=7491003»