Alberto Quiles

Na Galipedia, a Wikipedia en galego.
Saltar ata a navegación Saltar á procura
Quiles
Información persoal
Nome Alberto Quiles Piosa
Nacemento 27 de abril de 1995
Lugar de nacemento Huelva
Altura 1,88 m.
Posición Dianteiro
Información de club
Club actual Deportivo da Coruña
Número 9
Carreira xuvenil
Recreativo de Huelva
2013–2014 Celta de Vigo
Carreira sénior
Anos Equipos Aprs (Gls)
2014–2018 Córdoba B 94 (33)
2015Marbella (cedido) 11 (4)
2016–2019 Córdoba 3 (0)
2017–2018UCAM Murcia (cedido) 21 (5)
2018–2019Recreativo de Huelva (cedido) 32 (3)
2019–2021 Recreativo de Huelva 41 (20)
2021– Deportivo da Coruña 1 (0)
Partidos e goles só en liga doméstica.
Club: actualizado a 30 de agosto de 2021.
editar datos en Wikidata ]

Alberto Quiles Piosa, nado en Huelva o 27 de abril de 1995, é un futbolista español que xoga de dianteiro no Deportivo da Coruña.

Traxectoria[editar | editar a fonte]

Formouse nas canteiras do Recreativo de Huelva e Celta de Vigo. En xullo de 2014 chegou ao Córdoba CF, sendo asignado ao filial da Segunda División B.[1]

Debutou con este o 7 de setembro de 2014 nunha vitoria por 1-0 contra o Granada B. O 30 de xaneiro seguinte, foi cedido ao Marbella FC ata xuño.[2] Disputou 11 encontros e marcou catro goles.

Ao volver da cesión anotou 22 goles na campaña 2015-16, na que o seu equipo logrou regresar a Segunda B. Debutou co primeiro equipo do Córdoba o 20 de novembro de 2016, entrando como substituto de Alejandro Alfaro nun empate a un gol contra o Mirandés no campionato de Segunda División.[3]

En xullo de 2017 foi ascendido definitivamente ao cadro de xogadores do primeiro equipo para a tempada 2017/18.[4] Con todo, o 1 de agosto foi cedido ao UCAM Murcia CF por un ano.[5] Xogou 22 encontros co equipo murciano, marcando cinco goles.

Foi recuperado para o equipo cordobés en xaneiro de 2018,[6] pero durante o resto da tempada xogou principalmente co filial. En agosto foi cedido novamente, esta vez ao Recreativo de Huelva.[7] Co club decano acabou como campión do seu grupo pero sen conseguir ascender a Segunda ao perder na promoción contra o Mirandés.

En xullo de 2019 desvinculouse do Córdoba e asinou un contrato co Recreativo, no que militou ata 2021.[8] Nas súas tres tempadas no club disputou 89 partidos e marcou 23 goles.

O 12 de xuño de 2021 foi anunciado como novo xogador do Deportivo da Coruña, para disputar a nova Primeira División RFEF.[9] Debutou no primeiro partido da tempada, marcando o segundo dos cinco goles do equipo fronte ao Celta B en Riazor (5-0).[10]

Notas[editar | editar a fonte]

  1. "Alberto Quiles jugará en Segunda B con el filial del Córdoba" (en castelán). 24 de xullo de 2014. Consultado o 12 de xuño de 2021. 
  2. "Alberto Quiles, del Córdoba B, delantero sub 23 para el Marbella FC" (en castelán). 30 de xaneiro de 2015. Consultado o 12 de xuño de 2021. 
  3. "Mirandés y Córdoba firman un empate que no le sirve a ninguno". Marca (en castelán). 20 de novembro de 2016. Consultado o 12 de xuño de 2021. 
  4. "Novedades en la plantilla 17-18" (en castelán). 4 de xullo de 2017. Consultado o 12 de xuño de 2021. 
  5. "Cesión de Alberto Quiles" (en castelán). 1 de agosto de 2017. Consultado o 12 de xuño de 2021. 
  6. "Alberto Quiles regresa al Córdoba Club de Fútbol" (en castelán). 31 de xaneiro de 2018. Consultado o 12 de xuño de 2021. 
  7. "Comunicado oficial" (en castelán). 23 de agosto de 2018. Consultado o 12 de xuño de 2021. 
  8. "Quiles, nuevo jugador del Decano" (en castelán). 13 de xullo de 2019. Consultado o 12 de xuño de 2021. 
  9. "Quiles, novo xogador do Dépor 2021-2022". Deportivo da Coruña. 12 de xuño de 2021. Consultado o 12 de xuño de 2021. 
  10. "O Dépor arranca a liga en quinta (5-0)". Deportivo da Coruña. 29 de agosto de 2021. Consultado o 30 de agosto de 2021. 

Véxase tamén[editar | editar a fonte]

Ligazóns externas[editar | editar a fonte]