Germán Parreño
| Biografía | |||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 16 de febreiro de 1993  (32 anos)Elx, España | ||||||||||||||||||||||||||||||||||||||||||||||
| Altura | 189 cm | ||||||||||||||||||||||||||||||||||||||||||||||
| Peso | 78 kg | ||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||
| Período de actividade | 2011 - | ||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||
| Posición de xogo | Gardameta | ||||||||||||||||||||||||||||||||||||||||||||||
| |||||||||||||||||||||||||||||||||||||||||||||||
Germán Parreño Boix, coñecido simplemente como Germán, nado en Elx o 16 de febreiro de 1993, é un futbolista español que xoga como porteiro no Deportivo da Coruña, da Segunda División.
Traxectoria
[editar | editar a fonte]Formouse nas canteiras do Elche e do Espanyol e na tempada 2012/13 debutou co Espanyol B na Segunda División B. Foi o gardameta titular na maioría de partidos da campaña e ao remate da competición foi subido ao primeiro equipo.[1] O 8 de decembro de 2013 debutou co primeiro equipo nos oitavos de final da Copa do Rei diante do Real Jaén.[2]
O 6 de abril de 2014 disputou o seu único partido na Primeira División, substituíndo ao sancionado Kiko Casilla nunha derrota por 4-1 ante o Sevilla.[3] En xaneiro do ano seguinte foi cedido ao Racing de Santander ata xuño.[4] Para a tempada 2015/16 foi cedido ao Girona, tamén de Segunda, onde foi suplente de Isaac Becerra, chegando a xogar só un partido de Copa do Rei.
No verán de 2016 desvencellouse do Espanyol e regresou ao seu primeiro club, o Elche, co que só disputou catro partidos, sendo Juan Carlos o gardameta titular.[5] Na seguinte campaña baixou unha categoría para xogar co UCAM Murcia na Segunda División B.[6] Alí recuperou a titularidade ata que en decembro sufriu unha lesión de menisco que o afastou dos terreos de xogo durante meses. Na tempada 2018/19 foi o gardameta máis utilizado polo técnico Pedro Munitis, e pechou o seu paso por Murcia cun total de 49 encontros oficiais.
En 2019 fichou polo Ibiza, da mesma categoría, no que xogou durante os seguintes catro anos, logrando no segundo deles o ascenso á Segunda División, o primeiro da historia do club.[7] Na campaña de debut do Ibiza na categoría de prata, Germán foi o gardameta titular máis habitual, pero a chegada do brasileiro Daniel Fuzato na seguinte, relegouno ao banco de suplentes.
En xullo de 2023 foi anunciado como novo porteiro do Deportivo da Coruña na Primeira Federación.[8] Aínda que xerou algunhas dúbidas no inicio da tempada, acabou gañando seguridade e converteuse nun titular indiscutible para o adestrador Imanol Idiakez.[9] As súas boas actuacións contribuíron ao éxito global do equipo, que se proclamou campión absoluto da categoría e ascendeu á Segunda División.[9] Na tempada 2024/25 a chegada de Helton Leite complicou a súa situación, e aínda que xogou nas dúas primeiras xornadas, o brasileiro fíxose coa titularidade a partir da terceira e ata que o equipo conseguiu o obxectivo da permanencia, momento no que Parreño volveu ter minutos de xogo.[10]
Estatísticas
[editar | editar a fonte]| Club | Tempada | División | Liga | Copa | Outros[N 1] | Total | ||||
|---|---|---|---|---|---|---|---|---|---|---|
| Partidos | Goles | Partidos | Goles | Partidos | Goles | Partidos | Goles | |||
| Espanyol B | 2012/13 | Segunda B | 24 | 0 | - | - | - | - | 24 | 0 |
| Espanyol | 2013/14 | Primeira | 1 | 0 | 2 | 0 | - | - | 3 | 0 |
| 2014/15 | Primeira | 0 | 0 | 0 | 0 | - | - | 0 | 0 | |
| Total club | 1 | 0 | 2 | 0 | 0 | 0 | 3 | 0 | ||
| Racing de Santander | 2014/15 | Segunda | 7 | 0 | 0 | 0 | - | - | 7 | 0 |
| Girona | 2015/16 | Segunda | 0 | 0 | 1 | 0 | - | - | 1 | 0 |
| Elche | 2016/17 | Segunda | 2 | 0 | 2 | 0 | - | - | 4 | 0 |
| UCAM Murcia | 2017/18 | Segunda B | 19 | 0 | 0 | 0 | - | - | 19 | 0 |
| 2018/19 | Segunda B | 28 | 0 | 2 | 0 | - | - | 30 | 0 | |
| Total club | 47 | 0 | 2 | 0 | 0 | 0 | 49 | 0 | ||
| Ibiza | 2019/20 | Segunda B | 15 | 0 | 3 | 0 | 1 | 0 | 19 | 0 |
| 2020/21 | Segunda B | 22 | 0 | 3 | 0 | 2 | 0 | 27 | 0 | |
| 2021/22 | Segunda | 32 | 0 | 0 | 0 | - | - | 32 | 0 | |
| 2022/23 | Segunda | 5 | 0 | 2 | 0 | - | - | 7 | 0 | |
| Total club | 74 | 0 | 8 | 0 | 3 | 0 | 85 | 0 | ||
| Deportivo da Coruña | 2023/24 | Primeira RFEF | 31 | 0 | 1 | 0 | - | - | 32 | 0 |
| 2024/25 | Segunda | 5 | 0 | 1 | 0 | - | - | 6 | 0 | |
| Total club | 36 | 0 | 2 | 0 | 0 | 0 | 38 | 0 | ||
| Total carreira | 191 | 0 | 17 | 0 | 3 | 0 | 211 | 0 | ||
- ↑ Inclúe partidos de promoción de ascenso a Segunda División.
Palmarés
[editar | editar a fonte]- Deportivo da Coruña
- Primeira Federación (1): 2023/24.
Notas
[editar | editar a fonte]- ↑ "Germán Parreño renueva por el Espanyol hasta 2017". As (en castelán). 26 de agosto de 2013. Consultado o 20 de agosto de 2023.
- ↑ "Stuani sofoca el incendio". Marca (en castelán). 6 de decembro de 2013. Consultado o 20 de agosto de 2023.
- ↑ "Conjura de Champions". Marca (en castelán). 5 de abril de 2014. Consultado o 20 de agosto de 2023.
- ↑ "Germán, cedido al Racing de Santander" (en castelán). 22 de xaneiro de 2015. Consultado o 20 de agosto de 2023.
- ↑ "Germán, refuerzo para la portería franjiverde" (en castelán). 6 de agosto de 2016. Consultado o 20 de agosto de 2023.
- ↑ "El UCAM Murcia ficha a Germán Parreño para apuntalar la portería". Marca (en castelán). 3 de xullo de 2017. Consultado o 20 de agosto de 2023.
- ↑ "Parreño, nuevo portero del Ibiza" (en castelán). 26 de xuño de 2019. Consultado o 20 de agosto de 2023.
- ↑ "Germán, novo xogador do Dépor 2023-24". 1 de xullo de 2023. Consultado o 20 de agosto de 2023.
- ↑ 9,0 9,1 "Germán Parreño, el guardián de un Deportivo que acumula récords" (en castelán). 6 de xuño de 2024. Consultado o 22 de agosto de 2024.
- ↑ Gómez, Xurxo (2 de xuño de 2025). "El Uno x Uno del Deportivo en la temporada 2024-25". DxT Campeón (en castelán). Consultado o 20 de xuño de 2025.
Véxase tamén
[editar | editar a fonte]Ligazóns externas
[editar | editar a fonte]- Germán Parreño en BDFutbol (en castelán)
