Víctor Narro
| Víctor Narro | |||
|---|---|---|---|
| Información persoal | |||
| Nome | Víctor Narro Valero | ||
| Nacemento | 27 de maio de 1999 | ||
| Lugar de nacemento | Palma | ||
| Altura | 1,84 m. | ||
| Posición | Extremo dereito | ||
| Información de club | |||
| Club actual | Lugo | ||
| Número | 15 | ||
| Carreira xuvenil | |||
| –2017 | Mallorca | ||
| 2015–2016 | → La Salle | ||
| 2017–2018 | Villarreal | ||
| Carreira sénior | |||
| Anos | Equipos | Aprs | (Gls) |
| 2018–2019 | Roda | 35 | (3) |
| 2019–2020 | Villarreal C | 27 | (4) |
| 2020–2021 | Villarreal B | 21 | (0) |
| 2021–2022 | Valladolid B | 27 | (6) |
| 2021–2022 | Valladolid | 3 | (0) |
| 2022–2023 | Deportivo da Coruña | 14 | (0) |
| 2023 | → Atlético Baleares | 17 | (1) |
| 2023– | Lugo | 7 | (1) |
|
Partidos e goles só en liga doméstica. Club: actualizado a 25 de outubro de 2023. [ editar datos en Wikidata ] | |||
Víctor Narro Valero, nado en Palma o 27 de maio de 1999, é un futbolista español que xoga como extremo dereito no Lugo, da Primeira División RFEF, cedido polo Deportivo da Coruña.
Traxectoria[editar | editar a fonte]
Comezou a xogar ao fútbol nas categorías inferiores do Mallorca e máis tarde no La Salle,[1] antes de incorporarse á canteira do Villarreal CF en xaneiro de 2017.[2]
Na tempada 2018/19 militou na Terceira División nas filas do CD Roda, club co que o Villarreal mantén un convenio de colaboración.[3] Debutou nunha vitoria por 2-1 ante o Paterna CF e disputou un total de 35 partidos, marcando 3 goles.[4] A continuación regresou ao Villarreal para xogar no equipo C, tamén de Terceira División.[5] Na tempada 2020/21 xogou co Villarreal B na Segunda División B, disputando 21 partidos.
O 31 de xullo de 2021 deixou definitivamente o club e tres días despois o Real Valladolid Promesas, filial do Real Valladolid, oficializou a súa fichaxe para xogar na nova Primeira División RFEF.[6][7] Xogou 27 partidos co filial e o 13 de novembro de 2021 debutou co primeiro equipo na Segunda División, da man do adestrador Pacheta, nunha vitoria por 3-0 sobre o Fuenlabrada, entrando nos instantes finais como substituto de Álvaro Aguado.[8][9] Xogou catro partidos máis co primeiro conxunto valisoletano ata o final da tempada.
O 24 de xuño de 2022 foi anunciado como novo xogador do Deportivo da Coruña, tamén de Primeira RFEF, co que asinou un contrato por dúas tempadas.[10] Participou en todos os partidos mentres tivo como adestrador a Borja Jiménez, pero perdeu protagonismo trala chegada de Óscar Cano ao banco, polo que en xaneiro saíu cedido ao Atlético Baleares.[11] No equipo palmesano contou con máis tempo de xogo e contribuíu cun gol e cinco asistencias á salvación do equipo.[12]
Ao remate da tempada o seu contrato co Deportivo foi rescindido e uns días despois anunciouse a súa fichaxe polo Lugo, equipo que viña de descender á Primeira RFEF.[13]
Notas[editar | editar a fonte]
- ↑ Vallès, Jaume (3 de outubro de 2015). "El Mallorca cede al juvenil Víctor Narro al La Salle" (en castelán). Consultado o 25 de xuño de 2022.
- ↑ Roca Castelló, Juan F. (9 de xaneiro de 2017). "Víctor Narro se enrola en las filas del Roda procedente del Real Mallorca" (en castelán). Consultado o 25 de xuño de 2022.
- ↑ "Víctor Narro se suma al proyecto del Roda" (en castelán). 14 de xullo de 2018. Consultado o 25 de xuño de 2022.
- ↑ "Los tres puntos se quedaron en casa: Roda 2-1 Paterna" (en castelán). 4 de outubro de 2018. Consultado o 25 de xuño de 2022.
- ↑ Roca, Juan F. (11 de xuño de 2019). "El interior diestro Víctor Narro pasará del Roda al Villarreal C" (en castelán). Consultado o 25 de xuño de 2022.
- ↑ "Víctor Narro se despide del Villarreal CF y pone rumbo al Real Valladolid" (en castelán). 31 de xullo de 2021. Consultado o 25 de xuño de 2022.
- ↑ "Víctor Narro, octavo fichaje del Promesas" (en castelán). 3 de agosto de 2021. Consultado o 25 de xuño de 2022.
- ↑ Pérez Baraja, Jesús (13 de novembro de 2021). "El Valladolid golea al final y ya mira al ascenso directo". Marca (en castelán). Consultado o 25 de xuño de 2022.
- ↑ "Víctor Narro, el vigesimoctavo jugador utilizado por Pacheta". As (en castelán). 14 de novembro de 2021. Consultado o 25 de xuño de 2022.
- ↑ "Víctor Narro, novo xogador do Dépor 22-23". 24 de xuño de 2022. Consultado o 25 de xuño de 2022.
- ↑ "Víctor Narro se marcha cedido al Atlético Baleares" (en castelán). 31 de xaneiro de 2023. Consultado o 3 de febreiro de 2023.
- ↑ Mendoza, Santi (17 de abril de 2023). "Víctor Narro renace en el Atlético Baleares". DxT Campeón (en castelán). Consultado o 31 de maio de 2023.
- ↑ "Víctor Narro nuevo jugador del CD Lugo". La Voz de Galicia (en castelán). 14 de agosto de 2023. Consultado o 15 de agosto de 2023.
Véxase tamén[editar | editar a fonte]
Ligazóns externas[editar | editar a fonte]
- Datos do xogador no sitio web do Valladolid Promesas (en castelán).
| Control de autoridades |
|
|---|
