Saltar ao contido

Héctor Hernández Ortega

Na Galipedia, a Wikipedia en galego.
Modelo:BiografíaHéctor Hernández Ortega
Biografía
Nacemento23 de maio de 1991 (33 anos)
Valladolid
País de nacionalidadeEspaña
Altura1,73 m.
Peso71 kg Editar o valor en Wikidata
Actividade
Ocupaciónfutbolista Editar o valor en Wikidata
Período de actividade2010 Editar o valor en Wikidata -
Deportefútbol Editar o valor en Wikidata
Posición de xogoLateral esquerdo
Traxectoria Editar o valor en Wikidata
  Equipo Número de partidos xogados Puntos/goles/tantos anotados
2013–2013   Real Zaragoza 1(0)
2013–2015   Real Sociedad B 42(2)
2015–   Real Sociedad
Twitter: litryhdez Editar o valor en Wikidata

Héctor Hernández Ortega, nado o 23 de maio de 1991 en Valladolid, é un futbolista español, que xoga de lateral esquerdo no Pontevedra, da Segunda División RFEF.

Traxectoria

[editar | editar a fonte]

Comezos

[editar | editar a fonte]

Nacido en Valladolid, formouse na canteira do CD Victoria CF e logo na do CD Betis CF, ambos de Valladolid.[1]

Real Zaragoza (2010-2013)

[editar | editar a fonte]

En 2009 ingresou no Real Zaragoza e xogou co seu filial, o Zaragoza B, entre as tempadas 2010/11 e 2012/13, as dúas últimas na Segunda División B.

O 23 de xaneiro de 2013 debutou co primeiro equipo zaragozano nos cuartos de final da Copa do Rei contra o Sevilla, saltando ao terreo do Sánchez Pizjuán no minuto 51 para substituír a Víctor Rodríguez. Menos de tres semanas despois debutou na Primeira División, entrando como titular no equipo de Manuel Jiménez fronte á Real Sociedad na Romareda. Con todo, foi expulsado aos 22 minutos, por dobre amarela tras dúas entradas sobre Carlos Vela, e o Zaragoza perdeu 1-2.[2]

Real Sociedad (2013-2018)

[editar | editar a fonte]

O 30 de xuño de 2013 finalizou o seu contrato co Zaragoza e asinou coa Real Sociedad ata o 30 de xuño de 2014 para poñerse ás ordes de Asier Santana no equipo filial, o Sanse. Apenas tivo protagonismo no seu primeiro ano en Donostia, pero a situación mudou no segundo, no que disputou 35 encontros, case todos como titular.

En maio de 2015 renovou o seu contrato ata 2017 e pasou a formar parte do primeiro equipo da Real Sociedad.[3]​ Debutou ante o FC Barcelona no Camp Nou, substituíndo nos minutos finais a Imanol Agirretxe.[4]

En xuño de 2016 ampliou o contrato que o vencellaba ó club txuri urdin ata 2019.[4] En xaneiro de 2017 saíu cedido ao Granada de Lucas Alcaraz en busca de minutos.[5] Xogou 13 partidos sen poder evitar o descenso do equipo á Segunda división.[6] Na seguinte campaña, 2017/18 foi cedido de novo, esta vez ao Deportivo Alavés.[7] Con todo, co equipo vitoriano só xogou 15 minutos na primeira xornada, por mor dunha lesión no xeonllo que o mantivo o resto da tempada afastado dos terreos de xogo.[8]

Tenerife e Numancia (2018-2020)

[editar | editar a fonte]

En agosto de 2018 desvinculouse da Real e fichou polo Tenerife, adestrado naquel entón por Joseba Etxeberria, e que militaba na Segunda división.​[9] Co club canario contabilizou 16 encontros, 15 deles como titular.

Na tempada 2019/20 fichou polo Numancia,​ de Segunda División, co que actuou en 31 partidos, e co que sufriu un novo descenso.[10]

Deportivo da Coruña (2020-2022)

[editar | editar a fonte]

O 12 de setembro de 2020, anunciouse a súa fichaxe por dúas tempadas polo Deportivo da Coruña da Segunda División B.[11] Debutou no estadio Reina Sofía fronte ao Unionistas de Salamanca, marcando o gol da vitoria (1-0) cando só transcorreran 50 segundos de partido.[12] Un mes despois marcou o seu primeiro gol na Copa do Rei, no partido da primeira rolda contra o El Ejido, no que o seu equipo venceu por 1-0.[13] Disputou un total de 14 encontros na tempada, na que o Deportivo se clasificou para a primeira edición da Primeira División RFEF.

Na súa segunda campaña no club galego foi titular durante a maior parte dos encontros, disputando un total de 33 partidos, 31 deles saíndo de inicio. Foi titular nos dous partidos da promoción de ascenso, na que o Deportivo acabou caendo na prórroga da final contra o Albacete en Riazor.[14] Ao remate da tempada o club rescindiu o seu contrato, polo que pechou o seu paso pola Coruña cun total de 47 partidos e 2 goles.[15]

Rayo Majadahonda (2023)

[editar | editar a fonte]

Trala súa saída do Deportivo estivo medio ano sen equipo, ata que no último día do mercado invernal da tempada 2022/23 anunciouse a súa fichaxe polo Rayo Majadahonda, de Primeira RFEF.[16] Disptuou 11 partidos co conxunto madrileño, 8 deles como titular.

Pontevedra (2024-)

[editar | editar a fonte]

Despois dun ano sen equipo, en xuño de 2024 converteuse na primeira fichaxe do Pontevedra para a tempada 2024/25, na Segunda División RFEF.[17]

Notas

[editar | editar a fonte]
  1. ↑ "El Betis CF presume de cantera" (en castelán). 21 de febreiro de 2013. Consultado o 9 de xuño de 2021. 
  2. ↑ "Héctor no tuvo su debut soñado". Marca (en castelán). 11 de febreiro de 2013. Consultado o 9 de xuño de 2021. 
  3. ↑ "Elustondo, la cara de la cantera". Marca (en castelán). 30 de setembro de 2015. Consultado o 9 de xuño de 2021. 
  4. ↑ 4,0 4,1 "Héctor Hernández renueva hasta 2019". Cadena SER (en castelán). 17 de xuño de 2016. Consultado o 9 de xuño de 2021. 
  5. ↑ "Héctor Hernández: «En Granada voy a poder demostrar el jugador que soy»" (en castelán). 1 de febreiro de 2017. Consultado o 9 de xuño de 2021. 
  6. ↑ "Héctor abandona Granada bajo sospecha". Mundo Deportivo (en castelán). 26 de maio de 2017. Consultado o 9 de xuño de 2021. 
  7. ↑ "Héctor Hernández jugará cedido en el Alavés" (en castelán). 11 de xuño de 2017. Consultado o 9 de xuño de 2021. 
  8. ↑ "Héctor Hernández: "Lo que he pasado no se lo recomiendo ni a mi peor enemigo"". Sport (en castelán). 21 de marzo de 2018. Consultado o 9 de xuño de 2021. 
  9. ↑ "La Real se desvincula de Héctor Hernández, que ficha por el Tenerife". Mundo Deportivo (en castelán). 30 de agosto de 2018. Consultado o 9 de xuño de 2021. 
  10. ↑ "El CD Numancia ficha al lateral Héctor Hernández" (en castelán). 15 de xullo de 2019. Consultado o 9 de xuño de 2021. 
  11. ↑ "Héctor Hernández, novo xogador do Dépor 20·21". rcdeportivo.es/gal. 12 de setembro de 2020. Consultado o 12 de setembro de 2020. 
  12. ↑ "Victoria express del Deportivo". As (en castelán). 1 de novembro de 2020. Consultado o 8 de novembro de 2020. 
  13. ↑ Barreiros, Pedro (17 de decembro de 2020). "Un Dépor gris avanza en la Copa". La Voz de Galicia (en castelán). Consultado o 9 de xuño de 2021. 
  14. ↑ Barreiros, Pedro (2 de setembro de 2022). "1-2 A prórroga noquea ao Deportivo". La Voz de Galicia. Consultado o 11 de xuño de 2022. 
  15. ↑ "Héctor Hernández non continuará no RC Deportivo". 1 de setembro de 2022. Consultado o 2 de setembro de 2022. 
  16. ↑ "Héctor Hernández ficha por el Rayo Majadahonda" (en castelán). 31 de xaneiro de 2023. Consultado o 4 de febreiro de 2023. 
  17. ↑ "O Pontevedra ficha o lateral Héctor Hernández". Diario de Pontevedra. 27 de xuño de 2024. Consultado o 28 de xuño de 2024. 

Véxase tamén

[editar | editar a fonte]
Traído desde «https://gl.wikipedia.org/w/index.php?title=Héctor_Hernández_Ortega&oldid=6896932»