Hugo Rama
| Hugo Rama | |||
|---|---|---|---|
| Información persoal | |||
| Nome | Hugo José Rama Calviño | ||
| Nacemento | 22 de novembro de 1996 | ||
| Lugar de nacemento | Sigüeiro | ||
| Altura | 1,77 m. | ||
| Posición | Centrocampista | ||
| Información de club | |||
| Club actual | Deportivo da Coruña | ||
| Número | 17 | ||
| Carreira xuvenil | |||
| –2013 | Celta de Vigo | ||
| 2013–2014 | Xuventude Oroso | ||
| 2014–2015 | Deportivo da Coruña | ||
| Carreira sénior | |||
| Anos | Equipos | Aprs | (Gls) |
| 2014 | Sigüeiro | 1 | (1) |
| 2015–2017 | Fabril | 46 | (4) |
| 2017–2018 | Cerceda | 36 | (0) |
| 2018–2022 | Lugo | 68 | (4) |
| 2018–2019 | → Mirandés | 39 | (7) |
| 2022–2023 | Oviedo | 45 | (1) |
| 2023– | Deportivo da Coruña | 29 | (2) |
|
Partidos e goles só en liga doméstica. Club: actualizado a 22 de xuño de 2024. [ editar datos en Wikidata ] | |||
Hugo José Rama Calviño, nado o 22 de novembro de 1996 en Sigüeiro, é un futbolista galego que xoga como centrocampista no Deportivo da Coruña, da Segunda División.
Traxectoria
[editar | editar a fonte]Nado en Sigüeiro, Oroso, a orixe arxentina de seu pai fixo que fose afeccionado de River Plate dende pequeno.[1][2] Comezou a súa formación como futbolista nas categorías inferiores do Celta de Vigo, onde destacou ata o segundo ano de xuvenil, cando decidiu abandonar o club por "saúde mental" e porque xa non gustaba da rutina que levaba.[3] [4]Xogou entón unha campaña no Xuventude Oroso, co que logrou o ascenso á Liga Nacional, e debutou na Primeira Galicia co Sigüeiro, compartindo equipo con Juanito.[4] Foi nun partido ante o Cordeiro, no que marcou o único gol do seu equipo, que perdeu 1-2.
Após esa temporada incorporouse ao Deportivo da Coruña como xuvenil de terceiro ano.[5] Do equipo xuvenil dirixido por José Ramón pasou ao Fabril na tempada 2015/16, onde se converteu nun dos xogadores fixos para o adestrador Manuel Mosquera. Con todo, a chegada de Cristóbal Parralo ao banco acabou provocando a saída de Rama do club por falta de minutos, despois de 49 partidos co filial.
En agosto de 2017 asinou co Cerceda de Tito Ramallo, aproveitando así a oportunidade de xogar na Segunda División B. Titular indiscutible no club cercedense, disputou un total de 44 partidos, 39 deles como titular, e marcou 9 goles.
O 25 de xaneiro de 2018 asinou un contrato co Lugo, da Segunda División, que se faría efectivo para a seguinte temporada. Porén, o club lucense cedeuno na súa primeira campaña ao Mirandés de Segunda B. En Miranda de Ebro foi titular indiscutíbel e unha das pezas chave do equipo adestrado por Borja Jiménez, que gañou a Copa Federación e logrou o ascenso a Segunda. Con todo, caeu lesionado nun encontro das eliminatorias de ascenso contra o Recreativo de Huelva, rompendo o ligamento cruzado anterior do xeonllo no mesmo momento que marcaba o único gol do partido.[6] A pesar da lesión, o 24 de xullo Rama prolongou o seu contrato co Lugo até 2022.
Reapareceu nos terreos de xogo en xaneiro de 2020,[7] debutando co Lugo en Segunda nun encontro ante o Rayo Vallecano no Estadio de Vallecas, entrando ao campo na segunda metade como substituto de Álex López. O 21 de outubro de 2020 marcou o seu primeiro gol na categoría de prata, na vitoria por 3-0 do seu equipo fronte ao Girona no Anxo Carro.[8] Durante esa tempada (2020/21) disputou 38 encontros, 30 deles como titular, e marcou 4 goles.
En xaneiro de 2022 acordou co club a rescisión do seu contrato e asinou polo Oviedo, da mesma categoría. Xogou 10 partidos no que restaba de tempada, ás ordes do Cuco Ziganda, pero non se fixo cun oco no once titular ata a campaña seguinte, especialmente trala chegada do adestrador Álvaro Cervera.[9] Iniciou a tempada 2023/24 como xogador do Oviedo, sendo titular na primeira xornada ante o Tenerife, pero no último día do mercado anunciouse a súa fichaxe polo Deportivo da Coruña, despois de chegar a un acordo co Oviedo para rescindir o seu contrato.[9] O seu balance no club asturiano foi de 48 partidos e 1 gol.
A súa contratación polo Deportivo supuxo o seu regreso ao club coruñés seis anos despois da súa marcha do filial. Debutou co primeiro equipo branquiazul na segunda xornada da Primeira División RFEF, nunha vitoria por 0-3 diante do Lugo, o seu exequipo, no Anxo Carro.
Estatísticas
[editar | editar a fonte]| Club | Tempada | Categoría | Liga | Copa do Rei | Outros[N 1] | Total | ||||
|---|---|---|---|---|---|---|---|---|---|---|
| Partidos | Goles | Partidos | Goles | Partidos | Goles | Partidos | Goles | |||
| Sigüeiro | 2014/15 | Primeira Galicia | 1 | 1 | - | - | - | - | 1 | 1 |
| Fabril | 2015/16 | Terceira | 27 | 1 | - | - | 4 | 1 | 31 | 2 |
| 2016/17 | Terceira | 15 | 2 | - | - | - | - | 15 | 2 | |
| Total club | 42 | 3 | 0 | 0 | 4 | 1 | 46 | 4 | ||
| Cerceda | 2017/18 | Segunda B | 36 | 0 | - | - | - | - | 36 | 0 |
| Mirandés | 2018/19 | Segunda B | 36 | 6 | 1 | 0 | 7 | 3 | 44 | 9 |
| Lugo | 2019/20 | Segunda | 13 | 0 | 0 | 0 | - | - | 13 | 0 |
| 2020/21 | Segunda | 36 | 4 | 2 | 0 | - | - | 38 | 4 | |
| 2021/22 | Segunda | 19 | 0 | 2 | 0 | - | - | 21 | 0 | |
| Total club | 68 | 4 | 4 | 0 | 0 | 0 | 72 | 4 | ||
| Oviedo | 2021/22 | Segunda | 10 | 1 | 0 | 0 | - | - | 10 | 1 |
| 2022/23 | Segunda | 34 | 0 | 3 | 0 | - | - | 37 | 0 | |
| 2023/24 | Segunda | 1 | 0 | 0 | 0 | - | - | 1 | 0 | |
| Total club | 45 | 1 | 3 | 0 | 0 | 0 | 48 | 1 | ||
| Deportivo | 2023/24 | Primeira RFEF | 29 | 2 | 1 | 0 | - | - | 29 | 2 |
| Total carreira | 247 | 17 | 9 | 0 | 11 | 4 | 277 | 21 | ||
- ↑ Inclúe partidos de promocións de ascenso e Copa Federación.
Palmarés
[editar | editar a fonte]- Mirandés
- Copa Federación (1): 2019.
- Deportivo da Coruña
Notas
[editar | editar a fonte]- ↑ Durán, Pablo (22 de outubro de 2019). "La Libertadores se juega en el Ángel Carro". El Progreso (en castelán). Consultado o 27 de outubro de 2023.
- ↑ "El perfil de Hugo Rama, el hincha de River que dejó el Celta por el equipo de su pueblo" (en castelán). 4 de febreiro de 2022. Consultado o 27 de outubro de 2023.
- ↑ De la Cruz, Luis (14 de setembro de 2023). "Hugo Rama: “No disfrutaba y parar me dio la vida, era joven y no sabía si iba a ser futbolista o camionero”". As (en castelán). Consultado o 27 de outubro de 2023.
- ↑ 4,0 4,1 Antelo, Iván (29 de maio de 2016). "Hugo Rama, un ave fénix blanquiazul". La Voz de Galicia (en castelán). Consultado o 27 de outubro de 2023.
- ↑ "El Deportivo llega a un acuerdo con Hugo Rama para su regreso" (en castelán). 31 de agosto de 2023. Consultado o 27 de outubro de 2023.
- ↑ "El Lugo confirma la rotura del cruzado de Hugo Rama". As (en castelán). 17 de xuño de 2019. Consultado o 27 de outubro de 2023.
- ↑ Meitín Buján, I. (14 de xaneiro de 2020). "Hugo Rama e 17 máis para asaltar Vallecas por primeira vez". La Voz de Galicia (en castelán). Consultado o 27 de outubro de 2023.
- ↑ "Hugo Rama lémbrase de Juanfran tras marcar o seu primeiro gol como profesional". CRTVG. 22 de outubro de 2020. Consultado o 22 de outubro de 2020.
- ↑ 9,0 9,1 Fernández, Pablo (31 de agosto de 2023). "Oficial: Hugo Rama rescinde con el Oviedo y se va al Deportivo" (en castelán). Consultado o 27 de outubro de 2023.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en LaPreferente.com (en castelán).
