Hugo Rama

Hugo Rama
Hugo Rama
Información persoal
Nome	Hugo José Rama Calviño
Nacemento	22 de novembro de 1996 (26 anos)
Lugar de nacemento	Sigüeiro, Galiza
Altura	1,77 m
Posición	Mediocampista
Información de club
Club actual	CD Lugo
Número	21
Carreira xuvenil
	Celta
2013–2014	Xuventude Oroso
2014–2015	Deportivo
Carreira sénior
	Partidos e goles só en liga doméstica.; Club: actualizado a 19 de xullo de 2020; [ editar datos en Wikidata ]
	v; c; e;

Hugo José Rama Calviño, nado o 22 de novembro de 1996 en Sigüeiro, é un futbolista profesional galego que actualmente xoga como mediocampista no Club Deportivo Lugo da Segunda División.

Traxectoria[editar | editar a fonte]

Nado en Sigüeiro, Oroso, Rama comezou a súa carreira nas categorías inferiores do Celta de Vigo e no Xuventude Oroso. No Celta destacou nas categorías inferiores, mais deixou o club ao chegar ao segundo ano de xuvenís xa non gustaba da rutina que levaba.^[1] Ao ano seguinte asinou co Sigüeiro, debutando co primeiro equipo o 7 de setembro de 2014. Comezou o seu primeiro xogo como titular e anotou un gol na derrota do seu equipo por 1−2 ante o Cordeiro da Primera Galiza. Após esa temporada, Rama asina co Deportivo da Coruña, sendo asignado ao Deportivo Fabril da Terceira División. Alí converteuse nun dos xogadores fixos para filial coruñés. Con todo, unha mudanza de adestrador no Deportivo acabou provocando a saída de Rama do club por falta de minutos.

En agosto de 2017 asina co CCD Cerceda, conseguindo así a oportunidade de xogar na Segunda División B. O 25 de xaneiro asinou contrato co Club Deportivo Lugo da Segunda División, o cal se faría efectivo para a seguinte temporada. Porén, o 7 de agosto foi cedido ao CD Mirandés de Segunda B. No Mirandés Rama foi titular indiscutíbel e unha das pezas chave do ascenso do club a segunda. Con todo, caeu lesionado nun encontro das eliminatorias de ascenso, rompendo o ligamento cruzado anterior do xeonllo.^[2] A pesar da lesión, o 24 de xullo Rama prolongou o seu contrato co Lugo até 2022. A fin do período de recuperación da lesión de Rama chegaría en xaneiro de 2020.^[3] O seu debut chega o 15 de xaneiro após entrar como substituto de Álex López na segunda metade da derrota do Lugo ante o Rayo Vallecano no Estadio de Vallecas.

O 21 de outubro de 2020 marcou o seu primeiro gol como profesional, na vitoria por 3-0 do seu equipo fronte ao Girona no Anxo Carro.^[4]

Clubs[editar | editar a fonte]

Ano	Club	División	Partidos	Goles
2015–2016	Deportivo Fabril	Terceira	29	2
2016–2017	Deportivo Fabril	Terceira	15	2
2017–2018	CCD Cerceda	Segunda B	36	0
2018–2019	CD Mirandés	Segunda B	36	6
2019–2020	CD Lugo	Segunda	12	0

Notas[editar | editar a fonte]

↑ Antelo, I. (29 de maio de 2016). "Hugo Rama, unha ave fénix branquiazul". La Voz de Galicia.
↑ "El Lugo confirma la rotura del cruzado de Hugo Rama" [O Lugo confirmaa rotura do cruzado de Hugo Rama] (en castelán). Diario AS. 17 de xuño de 20199.
↑ Meitón Buján, I. (14 de xaneiro 2020). "Hugo Rama e 17 máis para asaltar Vallecas por primeira vez". La Voz de Galicia.
↑ "Hugo Rama lémbrase de Juanfran tras marcar o seu primeiro gol como profesional". CRTVG. 22 de outubro de 2020. Consultado o 22 de outubro de 2020.

Véxase tamén[editar | editar a fonte]

Ligazóns externas[editar | editar a fonte]

Datos do xogador en soccerway.com
Datos do xogador en LaLiga (en inglés)
Datos do xogador en bdfutbol.com (en inglés)
Datos do xogador en Transfermarkt (en inglés)

[1] Antelo, I. (29 de maio de 2016). "Hugo Rama, unha ave fénix branquiazul". La Voz de Galicia.

[2] "El Lugo confirma la rotura del cruzado de Hugo Rama" [O Lugo confirmaa rotura do cruzado de Hugo Rama] (en castelán). Diario AS. 17 de xuño de 20199.

[3] Meitón Buján, I. (14 de xaneiro 2020). "Hugo Rama e 17 máis para asaltar Vallecas por primeira vez". La Voz de Galicia.

[4] "Hugo Rama lémbrase de Juanfran tras marcar o seu primeiro gol como profesional". CRTVG. 22 de outubro de 2020. Consultado o 22 de outubro de 2020.

[1]

[2]

[3]

[4]