Saltar ao contido

Luis Chacón

Na Galipedia, a Wikipedia en galego.
Modelo:BiografíaLuis Chacón

Luis Chacón coa selección galega en 2024 Editar o valor en Wikidata
Biografía
Nacemento30 de maio de 2000 Editar o valor en Wikidata (25 anos)
Pontedeume, España Editar o valor en Wikidata
Actividade
Ocupaciónfutbolista Editar o valor en Wikidata
Deportefútbol Editar o valor en Wikidata
Posición de xogoDianteiro Editar o valor en Wikidata
Traxectoria Editar o valor en Wikidata
  Equipo Número de eventos xogados Puntos/goles/tantos anotados
2016–2023   Racing de Ferrol (dianteiro)60(6)
2019, 2021–→ cesión:    UD Somozas 58(10)
2023–2024   Club Deportivo Arenteiro 36(10)
2024–   Deportivo da Coruña 0(0)
  Selección nacional Número de eventos xogados Puntos/goles/tantos anotados
2024–   Galicia 1(0)

Luis Rodríguez Chacón, coñecido como Luis Chacón, nado en Pontedeume o 30 de maio de 2000, é un futbolista galego que xoga como dianteiro e extremo esquerdo na Cultural Leonesa, da Primeira Federación, cedido polo Deportivo da Coruña.

Traxectoria

[editar | editar a fonte]

Formado como futbolista na canteira do Racing de Ferrol, debutou co primeiro equipo con só 16 anos, nun encontro da Segunda División B ante o Somozas. Despois de dous anos e medio máis no xuvenil, nas tempadas 2019/20 e 2020/21 foi cedido ao propio equipo das Somozas, que para entón xogaba xa na Terceira División.[1] Disputou un total de 58 partidos co club, co que marcou 10 goles e disputou unha promoción de ascenso.

Na tempada 2021/22 incorporouse ao primeiro equipo do Racing de Ferrol, na nova Primeira División RFEF.[2] Xogou no primeiro equipo ferrolán dúas campañas, sendo un xogador importante sobre todo na segunda delas, na que o club conseguiu regresar á Segunda División despois de 15 anos de ausencia, tras proclamarse campión do Grupo I de Primeira RFEF. Chacón contribuíu con 29 partidos de liga e 5 goles.[3]

En agosto de 2023 fichou polo Arenteiro, que viña de ascender á Primeira Federación.[4] Titular indiscutible na súa única tempada no Carballiño, marcou 10 goles, sendo o máximo goleador e un dos xogadores máis destacados do equipo, que acadou unha sorprendente oitava praza na liga.[5]

En xullo de 2024 asinou un contrato por catro anos co Deportivo da Coruña, converténdose na primeira fichaxe do club no seu regreso á Segunda División despois de catro tempadas na terceira categoría.[5] Con todo, despois de realizar a pretempada co equipo, saíu cedido en agosto á Cultural Leonesa, da Primeira Federación.[6] No club leonés coincidiu con outros seis futbolistas galegos (Quique Fornos, Pibe, Kevin Presa, Bicho, Antón Escobar e Manu Justo) e completou unha brillante tempada que culminou cun histórico ascenso á Segunda División como campión do Grupo I.[7] Foi o xogador máis destacado do equipo, contribuíndo ao ascenso con 13 tantos e cinco asistencias, e foi o autor do único gol do seu equipo na última xornada de liga contra o Andorra no Reino de León, converténdose así no "heroe do ascenso".[7][8] A súa gran tempada valeulle o premio da AFE ao mellor xogador da Primeira Federación.[9]

Selección galega

[editar | editar a fonte]

Foi convocado pola selección galega para o partido contra Panamá disputado no Estadio de Balaídos o 31 de maio de 2024, que finalizou con derrota (0–2).[10]

Estatísticas

[editar | editar a fonte]
Club Tempada División Liga Copa do Rei Outros[a 1] Total
Partidos Goles Partidos Goles Partidos Goles Partidos Goles
Racing de Ferrol 2016/17 Segunda B 1 0 - - - - 1 0
2018/19 Terceira 4 1 - - 0 0 4 1
Somozas 2019/20 Terceira 27 6 - - - - 27 6
2020/21 Terceira 28 4 - - 3 0 31 4
Total club 55 10 0 0 3 0 58 10
Racing de Ferrol 2021/22 1ª RFEF 24 0 1 0 1 0 26 0
2022/23 1ª RFEF 29 5 1 0 1 0 31 5
Total club 58 6 2 0 2 0 62 6
Arenteiro 2023/24 1ª RFEF 36 10 2 0 - - 38 10
Deportivo da Coruña 2024/25 Segunda 1 0 - - - - 1 0
Cultural Leonesa 2024/25 1ª RFEF 35 12 0 0 2 1 37 13
Total carreira 185 38 4 0 7 1 196 39
  1. ↑ Inclúe partidos de promoción de ascenso a Segunda División e a Segunda División B e final de campións de Primeira Federación.

Palmarés

[editar | editar a fonte]
Racing de Ferrol
Cultural Leonesa

Notas

[editar | editar a fonte]
  1. ↑ "Luis Chacón tendrá ficha con el Racing de Ferrol" (en castelán). 24 de agosto de 2021. Consultado o 8 de maio de 2024. 
  2. ↑ "De Luisiño a Luis Chacón: visión y paciencia avalan la metamorfosis del jugador del Racing de Ferrol". La Voz de Galicia (en castelán). 19 de marzo de 2023. Consultado o 8 de maio de 2024. 
  3. ↑ De la Barrera, Elba (22 de junio de 2022). "Luis Chacón, la incógnita a despejar en el Racing: «Busco profesionalizarme; todo para seguir aquí»". La Voz de Galicia (en castelán). Consultado o 8 de maio de 2024. 
  4. ↑ "Luis Chacón se suma al proyecto del Arenteiro". La Región (en castelán). 24 de agosto de 2023. Consultado o 8 de maio de 2024. 
  5. ↑ 5,0 5,1 "El mediapunta Luis Chacón firma por el Deportivo hasta 2028". DxT Campeón (en castelán). 12 de xullo de 2024. Consultado o 14 de xullo de 2024. 
  6. ↑ "Luis Chacón, cedido á Cultural Leonesa". 30 de agosto de 2024. Consultado o 2 de setembro de 2024. 
  7. ↑ 7,0 7,1 García Rubio, Silvia (28 de maio de 2025). "El éxito del 'clan gallego' de la Cultural" (en castelán). Consultado o 30 de maio de 2025. 
  8. ↑ López Bonome, Antón (5 de xuño de 2025). "El «baile inolvidable» de Chacón en la Cultu: así fue la temporada del cedido por el Dépor en Primera Federación" (en castelán). Consultado o 18 de xuño de 2025. 
  9. ↑ Pereira, Eder (6 de novembro de 2025). "Yeremay, elegido en los premios AFE como mejor jugador de Segunda en la 2024-25". DxT Campeón (en castelán). Consultado o 16 de novembro de 2025. 
  10. ↑ "CRÓNICA. A selección galega non pode cunha dura Panamá". Nós Diario. 31 de maio de 2024. Consultado o 1 de xuño de 2024. 

Véxase tamén

[editar | editar a fonte]

Ligazóns externas

[editar | editar a fonte]
Obtido de «https://gl.wikipedia.org/w/index.php?title=Luis_Chacón&oldid=7240385»