Diego Aguirre Parra
| Aguirre | |||
|---|---|---|---|
| Información persoal | |||
| Nome | Diego Aguirre Parra | ||
| Nacemento | 17 de outubro de 1990 | ||
| Lugar de nacemento | Toledo | ||
| Altura | 1,70 m. | ||
| Posición | Centrocampista | ||
| Información de club | |||
| Club actual | Manchego | ||
| Número | 21 | ||
| Carreira xuvenil | |||
| Toledo | |||
| Carreira sénior | |||
| Anos | Equipos | Aprs | (Gls) |
| 2009–2011 | Toledo B | 41 | (9) |
| 2011–2014 | Toledo | 58 | (7) |
| 2014–2018 | Rayo Vallecano | 37 | (3) |
| 2014–2015 | → Leganés (cedido) | 36 | (2) |
| 2015–2016 | → Oviedo (cedido) | 24 | (0) |
| 2018–2019 | Zaragoza | 20 | (0) |
| 2019–2021 | Apollon Limassol | 25 | (1) |
| 2021 | Numancia | 12 | (0) |
| 2021–2022 | Deportivo da Coruña | 18 | (0) |
| 2022–2023 | Fuenlabrada | 35 | (0) |
| 2023– | Manchego | 8 | (0) |
|
Partidos e goles só en liga doméstica. Club: actualizado a 4 de novembro de 2023. [ editar datos en Wikidata ] | |||
Diego Aguirre Parra, nado en Toledo o 17 de outubro de 1990, é un futbolista español que xoga como lateral esquerdo e centrocampista no CD Manchego, da Segunda División RFEF.
Traxectoria[editar | editar a fonte]
Criouse na canteira do Toledo, e entre 2009 e 2011 xogou no seu filial, o Toledo B. En decembro de 2010 debutou co primeiro equipo na Terceira División, nun encontro fronte ao Manzanares, e na tempada seguinte subiu definitivamente ao primeiro equipo, no que militou ata 2014, vivindo dous ascensos a Segunda B e un descenso.
En xuño de 2014 anunciouse oficialmente a súa fichaxe polo Rayo Vallecano, da Primeira División, para a tempada seguinte e dúas máis, e foi presentado publicamente o día 15, xunto a Derek Boateng.[1] Con todo, un mes despois foi cedido ao Leganés, da Segunda División, categoría na que debutou na segunda xornada fronte ao Llagostera.[2] Marcou o seu primeiro gol na xornada 8 contra o Sporting de Gijón no Molinón e disputou case todos os encontros da tempada, 24 deles como titular. Na seguinte campaña xogou cedido no Real Oviedo, onde só puido disputar 10 encontros como titular.[3] Na tempada 2016/17 regresou de Oviedo para xogar cun descendido Rayo. Vestiu a camiseta do club madrileño dúas campañas, xogando 39 partidos e marcando cinco goles, e proclamándose na segunda delas campión de Segunda, con Míchel no banco.
En 2018 deixou o equipo madrileño para fichar polo Real Zaragoza, onde disputou 22 encontros, 7 deles como titular. Despois dunha tempada no club aragonés, en xuño de 2019 marchou a Chipre, ingresando no Apollon Limassol, da Primeira división chipriota.[4] En xaneiro de 2021 regresou a España e fichou polo Numancia, de Segunda B, sendo titular en case todos os restantes encontros da tempada.[5]
Ao remate desta foi anunciado como novo xogador do Deportivo da Coruña para a nova Primeira División RFEF.[6] No club galego tivo que competir polo posto de lateral esquerdo con Héctor Hernández e xogou tamén algún partido como lateral dereito e como extremo.[7] Completou a campaña cun total de 20 encontros, 11 deles como titular. Ao remate da competición o club comunicoulle que non renovaría o seu contrato.[7]
A continuación fichou polo Fuenlabrada, da mesma categoría,[8] co que disputou 36 partidos, 17 deles como titular. Para a tempada 2023/24 baixou unha categoría para xogar co CD Manchego na Segunda División RFEF.[9]
Notas[editar | editar a fonte]
- ↑ "El club ata a Álex Moreno y presenta a Boateng y Aguirre". As (en castelán). 15 de xullo de 2014. Consultado o 8 de xuño de 2021.
- ↑ "Diego Aguirre jugará en el Leganés cedido por el Rayo" (en castelán). 29 de agosto de 2014. Consultado o 8 de xuño de 2021.
- ↑ "Diego Aguirre será cedido al Oviedo tras la firma de Rat con el Rayo". Marca (en castelán). 20 de agosto de 2015. Consultado o 8 de xuño de 2021.
- ↑ "Diego Aguirre se va traspasado al Apollon chipriota". Marca (en castelán). 7 de xuño de 2019. Consultado o 8 de xuño de 2021.
- ↑ "Aguirre completa la plantilla del Numancia 20-21". Numancia (en castelán). 12 de febreiro de 2021. Consultado o 8 de xuño de 2021.
- ↑ "Diego Aguirre, novo xogador do Dépor 2021-2022". Deportivo da Coruña. 8 de xuño de 2021. Consultado o 8 de xuño de 2021.
- ↑ 7,0 7,1 Antelo, Iván (29 de xuño de 2022). "El Deportivo le comunica a Diego Aguirre que no renovará su contrato". La Voz de Galicia (en castelán). Consultado o 29 de xuño de 2022.
- ↑ "Diego Aguirre ficha por el Fuenlabrada y se enfrentará al Deportivo" (en castelán). 14 de agosto de 2022. Consultado o 14 de agosto de 2022.
- ↑ "El toledano Diego Aguirre, nuevo fichaje del Manchego" (en castelán). 14 de agosto de 2023. Consultado o 4 de novembro de 2023.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en BDFutbol (en castelán).
- Datos do xogador en Transfermarkt (en castelán).
