Saltar ao contido

Yeremay Hernández

Na Galipedia, a Wikipedia en galego.
Modelo:BiografíaYeremay Hernández

Editar o valor en Wikidata
Biografía
Nacemento10 de decembro de 2002 Editar o valor en Wikidata (23 anos)
As Palmas de Gran Canaria Editar o valor en Wikidata
Altura170 cm Editar o valor en Wikidata
Actividade
Ocupaciónfutbolista Editar o valor en Wikidata
Nacionalidade deportivaEspaña Editar o valor en Wikidata
Deportefútbol Editar o valor en Wikidata
Traxectoria Editar o valor en Wikidata
  Deporte base
– UD Almenara
–2015 UD Las Palmas
2015–2017 Real Madrid CF
2017–2021 Deportivo da Coruña
  Equipo Número de eventos xogados Puntos/goles/tantos anotados
2020–2022   Deportivo Fabril 36(8)
2021–   Deportivo da Coruña 67(11)
  Selección nacional Número de eventos xogados Puntos/goles/tantos anotados
2024–   España sub-21 1(0)

Yeremay Hernández Cubas, tamén coñecido como Peke, nado nas Palmas de Gran Canaria o 10 de decembro de 2002, é un futbolista español que xoga de extremo esquerdo no Deportivo da Coruña, da Primeira División. É internacional coa selección española sub-21.

Traxectoria

[editar | editar a fonte]

Comezos

[editar | editar a fonte]

Nacido no barrio do Polvorín das Palmas de Gran Canaria, foi o terceiro de seis irmáns.[1] Súa nai Vanessa pretendía apuntalo a natación, pero acabou no fútbol grazas aos esforzos da súa avoa Angelita e a súa tía avoa Teresa, pioneiras do fútbol feminino canario.[1][2] Comezou a xogar na canteira da UD Almenara, un modesto club que tiña a sede preto da súa casa.[3]

Cando tiña oito anos disputou un torneo amigable en Vecindario, onde as súas actuacións chamaron a atención de Borja Pérez, adestrador da canteira da UD Las Palmas, que o incorporou para o equipo benxamín.[1] Xogou no club amarelo entre 2011 e 2015, momento no que recibiu a chamada do Real Madrid. Pasou dous anos na canteira do club madrileño, pero decidiu deixalo en 2017, ao ver que se apostaba máis por outro tipo de xogadores máis físicos.[1][4]

Así, con 14 anos incorporouse ás categorías inferiores do Deportivo da Coruña.[5][1] Completou na Coruña a súa etapa de cadete, pasando logo ao equipo xuvenil, co que se proclamou campión da División de Honra e da Copa de Campións na tempada 2020/21. Esa mesma tempada debutou co Fabril de Juan Carlos Valerón na Terceira División, xogando 17 partidos e marcando tres goles.

Deportivo da Coruña

[editar | editar a fonte]

Continuou como xogador do Fabril na seguinte tempada, xa con Óscar Gilsanz como adestrador, e comezou a ser convocado por Borja Jiménez para o primeiro equipo. O 1 de decembro de 2021 debutou co Deportivo da Coruña en partido oficial, na primeira rolda da Copa do Rei 2021/22 contra o UCAM Murcia na Condomina. Entrou na segunda parte como substituto de Menudo, e realizou unha destacada actuación, marcando na prórroga o terceiro gol do seu equipo, e dándolle unha asistencia a Quiles, para que este fixera o cuarto (3-4).[6] Tres días despois debutou na Primeira División RFEF contra o Racing de Ferrol na Malata, substituíndo na segunda parte a Villares. Pechou a tempada con 19 encontros co filial e 9 co primeiro equipo.

Para a tempada 2022/23 o Deportivo inscribiuno xa como xogador do primeiro equipo a tódolos efectos.[7] Con todo, apenas contou con minutos mentres o banco do equipo foi ocupado por Borja Jiménez e polo seu sucesor Óscar Cano, que o usaron só como revulsivo.[3] Rubén de la Barrera converteuse no adestrador do Deportivo antes da penúltima xornada de liga e deulle a titularidade de xeito inmediato a Yeremay, que respondeu cun espectacular gol no primeiro partido de liga no que saía dende o once inicial.[8] Disputou tamén como titular a promoción de ascenso a Segunda, e aínda que o xogador conseguiu outro gol, o Deportivo caeu eliminado na semifinais contra o Castellón.[9]

A súa situación mudou drasticamente na tempada 2023/24, coa chegada de Imanol Idiakez ao banco coruñés. O adestrador vasco confiou nel dende o primeiro momento, e aínda que no inicio da campaña pasou dous meses de baixa por mor dunha dura entrada de Sabit Abdulai, centrocampista do Lugo, trala súa recuperación foi unha peza fundamental da boa marcha do equipo. Convertido nunha das dúas grandes promesas da canteira do club xunto ao seu amigo David Mella, foi titular indiscutible ata o final da tempada, contribuíndo con catro goles, catro asistencias e numerosas mostras de calidade, ao ascenso do Deportivo á Segunda División como campión absoluto da Primeira Federación.[3] O 18 de abril de 2024 renovou co Deportivo até o 30 de xuño de 2030.[10]

Na tempada 2024/25 debutou na categoría de prata, na primeira xornada ante o Oviedo en Riazor, e dúas semanas despois anotou o seu primeiro gol en Segunda, nun derbi contra o Racing de Ferrol, no que fixo o único tanto do encontro. Ao longo da tempada consolidouse como a grande estrela do equipo coruñés e como un dos mellores xogadores da categoría, destacando especialmente polos seus caneos aos rivais.[11][12] Foi ademais o cuarto máximo goleador da liga con 15 dianas, só por detrás de Luis Suárez, Panichelli e Andrés Martín, e sumou cinco asistencias;[13] e un dos seus goles contra o Albacete foi elixido pola liga como o mellor gol da competición.[14] A súa gran tempada, que lle valeu o premio da AFE como o mellor xogador de Segunda,[15] chamou a atención de numerosos clubs europeos, pero o xogador rexeitou as ofertas millonarias que recibiu e en xuño de 2025 anunciouse a súa renovación ata 2030, con opción a tres tempadas máis.[16][17]

Foi titular nas primeiras 27 xornadas da tempada 2025/26, nas que apenas foi substituído polo adestrador Antonio Hidalgo, ata que tivo que parar durante un mes para evitar que fosen a máis os seus problemas na pube.[18] Aínda que atravesou algúns altibaixos ao longo da tempada, acabouna como o xogador do equipo con máis contribucións de gol, ao marcar 11 goles e repartir 10 asistencias, e foi un xogador diferencial para que o equipo lograse o ascenso á Primeira División.[19]

Selección española

[editar | editar a fonte]

O 10 de outubro de 2024 debutou coa selección española sub-21, ante Casaquistán, nun partido de clasificación para a Eurocopa sub-21. O seleccionador Santi Denia deulle entrada na segunda parte como substituto de Diego López, nun encontro no que España venceu por 4-3.[20] Foi convocado para a fase final do Europeo en Eslovaquia, pero durante a concentración previa na Cidade do Fútbol de Las Rozas sufriu unha lesión nun xeonllo que lle fixo perder o torneo.[21]

Palmarés

[editar | editar a fonte]
Deportivo da Coruña

Estatísticas

[editar | editar a fonte]
Club Tempada División Liga Copa do Rei Outros[N 1] Total
PartidosGolesPartidosGoles Partidos GolesPartidosGoles
Fabril 2020/21 Terceira 17 3 - - - - 17 3
2021/22 3º RFEF 18 5 - - 1 0 19 5
Total club 35 8 0 0 1 0 36 8
Deportivo da Coruña 2021/22 1ª RFEF 8011 - - 91
2022/23 1ª RFEF 21210 2 1243
2023/24 1ª RFEF 25 4 1 0 - - 26 4
2024/25 Segunda 39 15 0 0 - - 39 15
2025/26 Segunda 38 11 1 0 - - 39 11
Total club 131 32 4 1 2 1 137 34
Total carreira 1664041 3 117342
  1. ↑ Inclúe partidos de promoción de ascenso a Segunda División e a Primeira Federación.

Notas

[editar | editar a fonte]
  1. 1 2 3 4 5 Fernández, Xurxo (3 de decembro de 2021). "Yeremay, el orgullo de Teresa y Angelita". La Voz de Galicia (en castelán). Consultado o 10 de xaneiro de 2026.
  2. ↑ Fernández, Xurxo (10 de xaneiro de 2024). "Yeremay, la excepción del gen familiar". La Voz de Galicia (en castelán). Consultado o 10 de xaneiro de 2026.
  3. 1 2 3 "De Peke a Yeremay". DxT Campeón (en castelán). 3 de setembro de 2024. Consultado o 22 de setembro de 2024.
  4. ↑ Cobas, Eugenio (3 de decembro de 2021). "Yeremay, una explosión a fuego lento". La Opinión A Coruña (en castelán). Consultado o 10 de xaneiro de 2026.
  5. ↑ "Yeremay Hernández liga su futuro al Deportivo" (en castelán). 11 de decembro de 2018. Consultado o 2 de decembro de 2021.
  6. ↑ Lema, Jorge (1 de decembro de 2021). "Yeremay invita a otra ronda" (en castelán). Consultado o 2 de decembro de 2021.
  7. ↑ "El Deportivo inscribe a Yeremay con ficha del primer equipo" (en castelán). 1 de setembro de 2022. Consultado o 2 de setembro de 2022.
  8. ↑ De la Cruz, Luis (21 de maio de 2023). "Yeremay, 535 días esperando para ser titular con el Depor en liga". As (en castelán). Consultado o 11 de outubro de 2024.
  9. ↑ "Debacle del Deportivo: jugará por cuarta temporada fuera del fútbol profesional" (en castelán). 12 de xuño de 2023. Consultado o 11 de outubro de 2024.
  10. ↑ "Yeremay únese ao Dépor do futuro e renova até 2030". 18 de abril de 2024. Consultado o 18 de abril de 2024.
  11. ↑ "Yeremay Hernández, el mejor regateador de toda Europa". Marca (en castelán). 2 de outubro de 2024. Consultado o 18 de xuño de 2025.
  12. ↑ Gómez, Xurxo (2 de xuño de 2025). "El Uno x Uno del Deportivo en la temporada 2024-25". DxT Campeón (en castelán). Consultado o 18 de xuño de 2025.
  13. ↑ "Yeremay será el jugador mejor pagado de Segunda División". DxT Campeón (en castelán). 16 de xuño de 2025. Consultado o 18 de xuño de 2025.
  14. ↑ López Bonome, Antón (29 de xuño de 2025). "El ‘premio’ al mejor gol de la temporada en Segunda División tiene dueño: Yeremay Hernández". Riazor.org (en castelán). Consultado o 1 de xullo de 2025.
  15. ↑ Pereira, Eder (6 de novembro de 2025). "Yeremay, elegido en los premios AFE como mejor jugador de Segunda en la 2024-25". DxT Campeón (en castelán). Consultado o 16 de novembro de 2025.
  16. ↑ "Yeremay rechaza tres ofertas millonarias... pero llegarán más". Marca (en castelán). 12 de xuño de 2025. Consultado o 18 de xuño de 2025.
  17. ↑ "Yeremay renueva con el Deportivo hasta el 2030 con opción a tres temporadas más". La Voz de Galicia (en castelán). 17 de xuño de 2025. Consultado o 18 de xuño de 2025.
  18. ↑ Gómez, Xurxo (29 de maio de 2026). "El 'club de los 3.000' se cotiza en el Deportivo". DxT Campeón (en castelán). Consultado o 16 de xuño de 2026.
  19. ↑ Silveira, Xane (5 de xuño de 2026). "Las notas individuales de la temporada del Deportivo: Mario Soriano, MVP blanquiazul". La Opinión A Coruña (en castelán). Consultado o 16 de xuño de 2026.
  20. ↑ "Media hora para Yeremay en su debut con la sub 21". La Opinión A Coruña (en castelán). 11 de outubro de 2024. Consultado o 11 de outubro de 2024.
  21. ↑ "Yeremay se lesiona en la rodilla y es baja para el Europeo Sub 21". La Opinión A Coruña (en castelán). 8 de xuño de 2025. Consultado o 18 de xuño de 2025.

Véxase tamén

[editar | editar a fonte]

Ligazóns externas

[editar | editar a fonte]
Obtido de «https://gl.wikipedia.org/w/index.php?title=Yeremay_Hernández&oldid=7423666»