Pepe Murcia

Pepe Murcia

Biografía
Nacemento	3 de decembro de 1964 (60 anos) Córdoba, España
Actividade
Ocupación	futbolista, adestrador de fútbol
Deporte	fútbol
Posición de xogo	Dianteiro
Traxectoria   Equipo 1985–1986   Real Jaén 1986–1988   Córdoba CF 1989–1990   Córdoba CF 1990–1991 Unión Polideportiva Plasencia   Adestrador – Córdoba Club de Fútbol B

José Murcia González, máis coñecido como Pepe Murcia, nado en Córdoba o 3 de decembro de 1964, é un adestrador de fútbol español.

Traxectoria

Comezou adestrando equipos xuvenís de Andalucía coma o Alcázar, o Séneca ou o equipo xuvenil do Córdoba CF.

O seu primeiro equipo importante sería o FC Cartagena en Segunda División B na tempada 2002-03. Ao ano seguinte volvería a adestrar a un filial, neste caso o do Atlético de Madrid.

Na tempada 2005-06 tivo a súa grande oportunidade ao facerse cargo do primeiro equipo, xa que o adestrador inicial, o arxentino Carlos Bianchi, foi destituído mediada a tempada ao estar o equipo preto dos postos de descenso. Porén pese a un comezo moi prometedor que puxo ao equipo en posicións europeas rematou nunha discreta 10ª posición, polo que deixa o equipo.

A tempada seguinte fichou polo Xerez CD de Segund División cunha historia parecida ao do Atlético, quedando o equipo lonxe do ascenso. De Xerez pasou ao CD Castellón como revulsivo, misión que cumpriu ben.

O bo papel feito en Castelló valeulle para fichar polo Celta de Vigo en 2008 para o segundo intento de ascenso a Primeira División. Facendo unha campaña irregular que rematou case co descenso a Segunda División B e sendo substituído en marzo de 2009 por Eusebio Sacristán.

Na tempada 2009-10 dirixiu o Albacete Balompié pero foi destituído antes de Nadal polo malos resultados. Ese mesmo ano el mesmo e o ex-celtista Notario tomaron parte nuns vergonzosos actos que ocorreron cando o equipo manchego visitou Vigo, que rematou con insultos e agresións que lle supuxeron ao xogador do Celta David Catalá catro encontros de sanción pese a que non estaba presente.

O 15 de febreiro de 2011 foi fichado polo UD Salamanca para substituír a Óscar Cano Moreno, pero só estivo 8 encontros na dirección do equipo ao non lograr enderezar o rumbo do equipo.

Ese mesmo ano decide emigrar e fichar polo FC Brasov, da Primeira División Romanesa pero dimite ao cabo dun mes por diferenzas coa dirección do club e problemas persoais, so dirixiría ao equipo en tres encontros pese a ter firmado por dúas tempadas.

Véxase tamén

Ligazóns externas

• Datos do xogador en LevskiSofia.info (en inglés)