Toni Cuervo

Na Galipedia, a Wikipedia en galego.

Antonio Cuervo Fernández nado en Pumarín (Oviedo) o 10 de maio de 1932, foi un futbolista e adestrador de fútbol asturiano, máis coñecido como Toni Cuervo. Xogaba na demarcación de defensa.

Traxectoria[editar | editar a fonte]

A Guerra Civil Española fixo que tivese que a súa familia escapase a Francia e voltando máis tarde a casa da familia coa súa avoa, xa que o pai estaba na cárcere. Cando este saíu da cárcere púxose a traballar con el de mecánico. Aos 15 anos fichou pola Unión Deportiva Ovetense e aos 17 polo Vetusta e finalmente polo Real Oviedo en 1950. Foi titular na defensa do club ovetense durante dezasete anos.

Sempre estivo vinculado ao fútbol asturiano, primeiro como xogador e despois como adestrador nos anos sesenta e setenta, salvo breves experiencias dirixindo equipos, como o Celta de Vigo, polo que fichou en 1977 co obxectivo de ascender a Primeira División. Porén, non acabou a tempada, xa que deixou o club na décima xornada por problemas co vestiario. Nun primeiro momento foi substitu´´ido polo segundo adestrador, Pepe Villar, para que finalmente se fixese cargo do equipo José María Maguregui.

Véxase tamén[editar | editar a fonte]

Ligazóns externas[editar | editar a fonte]