José María Peña Salegui

Na Galipedia, a Wikipedia en galego.

Anacleto José María Peña Salegui, nado en Getxo (Biscaia) o 19 de abril de 1895 e finado en 1988, foi un atleta, xogador e adestrador de fútbol vasco.

Traxectoria[editar | editar a fonte]

Compaxinaba o fútbol co atletismo, no que foi campión de España na disciplina de Relevos no ano 1923 e tres veces campión nos 100 metros valas, nos anos 1923, 1925 e 1926.

Como xogador de fútbol gañou a Copa de España ao derrotar ao FC Barcelona militando no Arenas de Getxo. No ano 1926 fíchao como defensa o Real Madrid. Nesta época foi internacional con España en 21 ocasións.

No ano 1932 Peña deixa o Real Madrid, á idade de 37 anos. Nese momento o Celta de Vigo faille unha xenerosa oferta para ser xogador-adestrador. Adestrou en Vigo tres tempadas, actuando tamén como xogador só na primeira, na que xogaría cinco encontros, e rematando sexto nunha Liga, Segunda División, de dez equipos.

Nas seguintes tempadas soamente actuaría de adestrador, rematando cuarto en 1934 e Campión en 1935 o que lle daría dereito a disputar a fase de ascenso a Primeira División na que non consegue o obxectivo marcado.

Véxase tamén[editar | editar a fonte]

Ligazóns externas[editar | editar a fonte]