César Rodríguez Álvarez

Na Galipedia, a Wikipedia en galego.
Saltar ata a navegación Saltar á procura
César Rodríguez
Información persoal
Nome completo César Rodríguez Álvarez
Nacemento 29 de xuño de 1920
Lugar León, España
Falecemento 1 de marzo de 1995 (74 anos)
Lugar Barcelona, España
Posición Dianteiro
Carreira xuvenil
Frente de Juventudes de León
Carreira sénior
Anos Equipos Aprs (Gls)
1939–1940 Barcelona
1939–1940 Sabadell
1940–1942 Granada 24 (23)
1942–1955 Barcelona 351 (232)
1955–1956 Cultural Leonesa 15 (3)
1956–1957 Perpiñán 13 (4)
1957–1960 Elche 80 (42)
Selección nacional
1945–1962 España
Adestrador
1959–1960 Elche
1960–1963 Zaragoza
1963–1964 Barcelona
1965–1966 Mallorca
1966–1967 Celta de Vigo
1967 Betis
1968–1969 Zaragoza
1969–1971 Hércules
1975–1976 Sant Andreu
* Partidos e goles só en liga doméstica.
† Aparicións (Goles)

César Rodríguez Álvarez, nado en León o 29 de xuño de 1920 e finado en Barcelona o 1 de marzo de 1995, foi un futbolista e adestrador de fútbol español. Xogaba de dianteiro e foi internacional coa selección española. Irmán do tamén futbolista Ricardo Rodríguez Álvarez.

Traxectoria[editar | editar a fonte]

Como xogador[editar | editar a fonte]

Formouse no Frente de Juventudes de León e no ano 1939 fichou polo FC Barcelona pero este cederíao a mediados da primeira tempada ao CE Sabadell e os dous anos seguintes o Granada CF xa que tiña que cumprir o Servizo militar en dita cidade, con ese equipo chegou a proclamarse campión de Segunda División e a xogar en Primeira.

Unha vez de volta en Barcelona fíxose cun posto de titular, que mantería durante trece tempadas, nas que marcou 232 goles e gañou dez trofeos, entre Ligas, Copas do Xeneralísimo e Copas Latinas. Tamén se proclamou pichichi co club catalán na tempada 1948-49.

Deixou o Barcelona no ano 1955 e tras xogar no Cultural Leonesa e no Perpiñán retirouse xogando no Elche CF, sendo na última tempada xogador-adestrador, e subindo ao equipo dende a Terceira División a Primeira en so tres anos e proclamándose campión de Terceira e Segunda División.

Coa Selección de fútbol de España disputou un total de 13 encontros entre os anos 1945 e 1952, marcando seis goles e participando no Mundial de Fútbol Brasil 1950 e no Mundial de Fútbol Suíza 1954.

As súas cifras anotadoras levárono a ser o máximo goleador do FC Barcelona en encontros oficiais ata o 20 de marzo de 2012 cando o superou o arxentino Lionel Messi.

Como adestrador[editar | editar a fonte]

Tras o gran éxito colleitado co Elche CF a quen deixou en Primeira División fichou polo Real Zaragoza para aos tres anos dirixir ao FC Barcelona. De aí pasaría ao RCD Mallorca en 1965 con quen descendería a Segunda, polo que deixa o equipo para fichar polo Celta de Vigo. En Vigo supliría a Rafael Yunta que deixara o equipo a tempada anterior, pero non remataría a tempada sendo substituído por Pepe Villar.

En 1967 ficha polo Real Betis Balompié pero tampouco tería sorte e o equipo descendeu a finais da tempada. O seu último equipo en Primeira sería outra vez o Real Zaragoza a quen dirixiu un ano.

En Segunda División pasou por Mallorca e Hércules CF antes de retirarse no UE Sant Andreu.

Palmarés[editar | editar a fonte]

Como xogador[editar | editar a fonte]

Título Ano Equipo
Campión Segunda División 1940-41 Granada CF
Liga española de fútbol 1944-45 FC Barcelona
Copa Eva Duarte 1945 FC Barcelona
Liga española de fútbol 1947-48 FC Barcelona
Copa Eva Duarte 1948 FC Barcelona
Liga española de fútbol 1948-49 FC Barcelona
Máximo goleador Primeira División 1948-49 FC Barcelona
Copa Latina 1949 FC Barcelona
Copa do Xeneralísimo 1950-51 FC Barcelona
Liga española de fútbol 1951-52 FC Barcelona
Copa Eva Duarte 1952 FC Barcelona
Copa Latina 1952 FC Barcelona
Copa do Xeneralísimo 1951-52 FC Barcelona
Liga española de fútbol 1952-53 FC Barcelona
Copa Eva Duarte 1953 FC Barcelona
Campión Terceira División 1957-58 Elche CF
Campión Segunda División 1958-59 Elche CF

Como adestrador[editar | editar a fonte]

Título Ano Equipo
Campión Terceira División 1969-70 FC Barcelona

Véxase tamén[editar | editar a fonte]

Ligazóns externas[editar | editar a fonte]