Joaquín Cárdenes

Na Galipedia, a Wikipedia en galego.

Joaquín Cárdenes Dumpierrez, nado en 1902 en Santa Cruz de Tenerife, foi un futbolista e adestrador que xogaba na demarcación de centrocampista.

Traxectoria[editar | editar a fonte]

Formou parte dunha das primeiras grandes alineacións do CD Tenerife entre os anos 1922 e 1926 xunto a xogadores como Baudet ou Arocha, sendo recoñecido como o mellor centrocampista que dera o fútbol canario ata o momento. Nos contados encontros nos que os equipos canarios se enfrontaban a equipos peninsulares o Tenerife conseguiu varios triunfos memorabeis como a vitoria ante o Campión galego, o Real Vigo Sporting Club en 1923, ou ao Sevilla FC en 1925.

En novembro de 1926 Jaquín Cárdenes ficha polo Celta de Vigo, sendo o primeiro tinerfeño en xogar nun club peninsular. Militou no Celta tres tempadas.

A comezos de 1928 o Celta enfrontouse en Vigo á Real Sociedad, estando o seleccionador español, José Antonio Berraondo, na bancada. Nese encontro Cárdenes fixo moi bo partido o que lle valeu unha convocatoria ca Selección de fútbol de España ante Italia, aínda que non chegou a debutar convertiuse no primeiro canario en ser convocado pola selección de España.

Co Celta proclamose Campión galego na tempada 1929-30 e disputou a primeira liga oficial esa mesma tempada, en Segunda División sendo o xogador que máis partidos disputou e anotando dous goles.

Regresou ao CD Tenerife en 1931, na que volveu a rendir a moi bo nivel, protagonizando entre outros logos unha xira pola península no que o equipo logrou vencer ao Atlético de Madrid e ao FC Barcelona.

Tras retirarse do fútbol en activo Cárdenes convertiuse en adestrador, comezou por clubs históricos de Santa Cruz como o Price ou o Hespérides, de onde pasou a adestar ao CD Tenerife durante varias tempadas. Na tempada 1940-41 ficha polo Celta, xa en Primeira División para sustituir a Ricardo Comesaña, o adestrador que conseguira o ascenso.

En Vigo dirixiu a un Celta recordado polos xogadores canarios do seu plantel: Roig, Mundo, Del Pino, Fuentes ou Victoriero. Ao final da tempada o equipo mantivo a categoría, rematando en 10º lugar pero Cárdenes decidiu deixar o Celta, e foi substituido por Baltasar Albéniz.

Véxase tamén[editar | editar a fonte]

Ligazóns externas[editar | editar a fonte]