Generoso Rico Rodríguez
Biografía | |
---|---|
Nacemento | Vilaoudriz, España |
Morte | xaneiro de 1940 |
Datos persoais | |
País de nacionalidade | España |
Actividade | |
Ocupación | membro da resistencia |
Generoso Rico Rodríguez, nado en Vilaoudriz (A Pontenova) e finado en xaneiro de 1940, foi un guerrilleiro antifranquista galego.
Traxectoria[editar | editar a fonte]
Veciño de Goios. Traballou como mineiro en Santa Cruz del Sil (Páramo del Sil). Co golpe de Estado do 18 de xullo de 1936 fuxiu ao monte e ocultouse nas fragas do Rego do Couso, entre Conforto e Labrada na Pontenova. Enlazou con outros fuxidos da zona como Justo Novo Verdes "Novo" e creou unha ampla rede de apoios e unha boa infraestrutura de refuxios. Asestaron varios golpes en San Paio e Saldoiriña e o 29 de setembro de 1939 asaltaron varios veciños que regresaban da feira da Garganta en Vilanova de Ozcos preto de Coto de Frades. Fóronlle atribuídas a execución do cura da Veiga de Logares o 12 de agosto de 1939 e a de Hermenegildo Bienvenido Alonso Sastre, o mestre de Sanxés, o 28 de decembro dese ano. Foi asasinado en xaneiro de 1940 polo seu enlace máis destacado Ramón Brañas Sancho "Xequi" por manter unha relación extramarital coa súa muller e inhumado ilegalmente. O seu cadáver foi achado pola Garda Civil en xuño pero non trasladoron os seus restos mortais.[1]