Estación de Guillarei

Estación de Guillarei
Tipo	estación de ferrocarril
Epónimo	Guillarei
Uso(s)	en funcionamento
Instalacións	aparcadoiro e baño público
Localización
	42°04′N 8°37′O / 42.07, -8.62
Estado	España
Comunidade autónoma	Galicia
Provincia	provincia de Pontevedra
Cidade fronteiriza	Tui
Parroquia	Guillarei
Transporte
Código de estación ferroviaria	22200
Liña de tren	Liña Monforte de Lemos - Vigo
Servizo de conexión	Alvia, Arco, Renfe e Intercity
Persoas e organizacións
Propietario/a	Adif
Operador/a	Renfe Operadora
	[ Wikidata ]

A estación de Guillarei é unha estación de tren de Adif situada na parroquia de Guillarei, no concello de Tui, provincia de Pontevedra. Conta con amplos servizos de longa e media distancia. Ademais ten unha función loxística.^[1]

Situación ferroviaria

A estación de Guillarei está situada no punto quilométrico 140,5 da liña férrea de ancho convencional que une Monforte de Lemos con Redondela.^[2] Trátase dun tramo de vía única electrificada.

Ademais, é o quilómetro cero da liña férrea de ancho convencional que une Guillarei coa localidade portuguesa de Valença do Minho, que é de vía única sen electrificar.^[3]

Historia

A estación foi inaugurada o 17 de marzo de 1878 coa apertura do tramo Guillarei-Vigo da liña que pretendía unir Vigo con Monforte de Lemos.^[3] A compañía encargada das obras foi MZOV. O ramal á fronteira portuguesa, pola súa banda, quedou aberto ao tráfico o 1 de xaneiro de 1884. En 1928, os graves problemas económicos que sufrían as empresas que xestionaban as liñas férreas do oeste español levaron ao estado á nacionalización das mesmas e á súa agrupación na Compañía Nacional dos Ferrocarrís do Oeste.^[3] En 1941, Oeste integraríase como o resto de compañías ferroviarias españolas en Renfe.

Desde o 31 de decembro de 2004 Renfe Operadora explota a liña mentres que Adif é a titular das instalacións ferroviarias.

Servizos ferroviarios

Longa Distancia

Actualizados a 10 de xuño de 2016.

Tren	Orixe	Paradas intermedias	Destino	Observacións
Alvia	Madrid-Chamartín	Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Guillarei · Redondela · Vigo-Guixar	Pontevedra	1 tren diario por sentido
Alvia	Alacant-Terminal	Villena AV · Albacete-Los Llanos · Cuenca-Fernando Zóbel · Madrid-Puerta de Atocha · Madrid-Chamartín · Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Guillarei · Redondela · Vigo-Guixar	Pontevedra	1 tren semanal por sentido
Intercity	Bilbao-Abando	Laudio · Miranda de Ebro · Briviesca · Burgos-Rosa de Lima · Palencia · Sahagún · León · Astorga · Bembibre · Ponferrada · O Barco de Valdeorras · A Rúa-Petín · Monforte de Lemos · Ourense-Empalme · Guillarei · Redondela	Vigo-Guixar	1 tren diario por sentido
Trenhotel Rías Galegas	Madrid-Chamartín	Ávila · Medina del Campo · Zamora · Pobra de Seabra · A Gudiña · Ourense-Empalme · Ribadavia · Guillarei · O Porriño · Redondela · Vigo-Guixar	Pontevedra	1 tren diario por sentido
Trenhotel Galicia	Barcelona-Sants	Camp de Tarragona · Lleida-Pirineus · Zaragoza-Delicias · Tudela de Navarra · Castejón de Ebro · Logroño · Miranda de Ebro · Burgos-Rosa de Lima · Palencia · León · Astorga · Ponferrada · O Barco de Valdeorras · A Rúa-Petín · San Clodio-Quiroga · Monforte de Lemos · Ourense-Empalme · Guillarei · O Porriño · Redondela	Vigo-Guixar	1 tren diario por sentido

Media distancia

Actualizados a 10 de xuño de 2016.


Liña	Trens	Orixe/Destino	<>	Destino/Orixe
	Intercity	Madrid-Chamartín	<>	Vigo-Guixar
6	Rexional Exprés	León Ponferrada Ourense-Empalme	<>	Vigo-Guixar

Galería de imaxes

Un Trenhotel de RENFE procedente de Barcelona con destino Vigo facendo unha parada comercial na estación de Guillarei.
Un tren de Media Distancia da RENFE entrando na estación de Guillarei procedente de Vigo, onde remata o seu percorrido para voltar logo a Vigo.
Un Trenhotel de RENFE procedente de Barcelona con destino Vigo facendo unha parada comercial na estación de Guillarei.