Estación da Bandeira

Estación da Bandeira
Abades
Instancia de estación de ferrocarril  Epónimo A Bandeira
Implicados  Propietario/a Adif  Operador/a Renfe Operadora
Datas  Inauguración 8 de setembro de 1958
Transporte
Servizo de conexión Rexional, Renfe
Código de estación 31311
Estación adxacente estación de Silleda estación de Vedra - Ribadulla
Liñas ferroviarias Liña Zamora-A Coruña
Número de plataformas 2
Número de beiras 2
Localización  Situado en Abades, Silleda, provincia de Pontevedra, Galicia, España  Coordenadas 42°44′46″N 8°18′16″O
Wikidata C:Commons

A Bandeira é unha estación de tren de Adif, situada na parroquia de Abades, no concello de Silleda. Leva o nome do veciño núcleo urbano da Bandeira, na parroquia de Manduas. Ten servizos de media distancia operados por Renfe.

Situación ferroviaria

A estación atópase no punto quilométrico 342,762 da liña Zamora - A Coruña de ancho convencional, a 260 metros de altitude, entre as estacións da Ponte Taboada e Vedra-Ribadulla. O tramo é de vía única e está sen electrificar.

Historia

A estación inaugurouse o 8 de setembro de 1958 coa posta en marcha do tramo O Carballiño — Santiago de Compostela da liña férrea que tiña como obxectivo unir Zamora coa Coruña. A súa explotación inicial quedou a cargo de Renfe, que nacera en 1941.

Desde o 31 de decembro de 2004, Renfe Operadora explota a liña mentres que Adif é o titular das instalacións ferroviarias.

A estación

O edificio de viaxeiros, construído en pedra, está formado por un corpo central de dous pisos ao que se anexan dous bloques laterais dunha altura practicamente similar. Unha galería de tres arcos adorna o segundo piso da fachada principal. Ten dúas plataformas laterais aos que acceden dúas vías. Os cambios de plataforma realízanse a nivel.

Servizos ferroviarios

Media distancia

Actualizado a 20 de xuño de 2016.

Liñas	Trens	Orixe/Destino	<>	Destino/Orixe
2	MD	Santiago de Compostela	<>	Ourense-San Francisco

Véxase tamén

Ligazóns externas

• Información na web de Adif Arquivado 30 de xuño de 2016 en Wayback Machine.