Estación de Cornes
| Estación de Cornes | ||||
|---|---|---|---|---|
 | ||||
| Tipo | estación de ferrocarril  | |||
| Estado de uso | Sede de asociacións veciñais | |||
| Persoas e organizacións | ||||
| Propietario/a | Concello de Santiago de Compostela | |||
| Datas | ||||
| Fundación | 1873 (primeira estación) 1920 (segunda estación) | |||
| Localización | ||||
| ||||
| Estado | España | |||
| Comunidade autónoma | Galicia | |||
| Provincia | provincia da Coruña | |||
| Concello | Santiago de Compostela | |||
| Parroquia | Conxo | |||
| [ Wikidata ] | ||||
Cornes foi a terminal de viaxeiros de Santiago de Compostela até a inauguración da actual estación en 1943.
A primeira estación inaugurouse en setembro de 1873 coma unha das dúas cabeceiras da primeira liña de ferrocarril galega: Conxo-O Carril, e consistía nun pequeno edificio de madeira dunha soa planta que se esperaba que fose provisional.[1][2] Foi construída no desparecido termo municipal de Conxo, o que motivou que o consistorio santiagués perseguise a anexión deste territorio.[3]
Malia o seu carácter de estación provisional, a estación de madeira mantívose en pé durante case 50 anos, recibindo continuas críticas debido a falta de espazo e o seu afastamento do centro urbano da cidade. Non foi ata 1920 cando se levantou o edificio actual, de maior tamaño e realizado en cachotaría, ladrillo e formigón.[1]
Coa apertura do traxecto Santiago - A Coruña da liña Zamora - A Coruña en 1943, RENFE estrearía tamén unha nova estación pasante, onde confluiría a nova liña procedente de Ourense - Empalme coa Santiago - Redondela, ficando Cornes así relegada a terminal de mercadorías durante varias décadas até o seu progresivo abandono.[4]
En 2009, xa coa praia de vías levantada desde había anos e reurbanizada, o antigo predio principal da estación de Cornes reabría como Casa das Asociacións, acubillando actividades veciñais e dependencias municipais.[5]
Notas
[editar | editar a fonte]- ↑ 1,0 1,1 "Cornes, la estación de la que partió el primer ferrocarril de Galicia". El Español (en castelán). 2020-11-26. Consultado o 2025-05-29.
- ↑ El Correo Gallego (2018-02-02). "...Cuando 'El Compostelano' enlazaba Santiago con Carril desde la estación de tren de Cornes" (en castelán). Arquivado dende o orixinal o 08 de outubro de 2018. Consultado o 2018-10-08.
- ↑ Marga Mosteiro (2016-01-14). "«Santiago solo quería la estación de Cornes, pero tuvo que ser todo o nada»". La Voz de Galicia (en castelán). Consultado o 2018-10-08.
- ↑ El Correo Gallego (2018-03-06). "...Cuando la Casa das Asociacións era la antigua estación de mercancías de la capital gallega" (en castelán). Arquivado dende o orixinal o 09 de outubro de 2018. Consultado o 2018-10-08.
- ↑ El Correo Gallego (2009-04-19). "Cornes reabre para las asociaciones" (en castelán). Arquivado dende o orixinal o 09 de outubro de 2018. Consultado o 2018-10-08.