Estación de León

Estación de León
León
Instancia de estación de ferrocarril
Estado de uso en funcionamento
Instalacións aparcadoiro baño público
Persoas e organizacións
Operador/a Renfe Operadora
Propietario/a Adif
Datas  Fundación / creación 18 de marzo de 2011
Transporte
Servizo de conexión Alvia Arco, Renfe Intercity
Código de estación 15100
Liñas ferroviarias liña Palencia - A Coruña Venta de Baños-Gijón railway line (en) León-Gijón railway line (en)
Localización  Situado en León, provincia de León, Castela e León, España Mapa  42°36′N 5°36′O
Wikidata C:Commons

A estación de León é unha estación de tren de Adif situada na cidade de León. É de carácter terminal e provisional. Substitúe desde o 18 de marzo do 2011 á histórica Estación do Norte, clausurada ao tráfico con motivo das obras que supoñerán o soterramento das vías férreas coincidiento coa chegada da alta velocidade á cidade leonesa.

A estación está situada xunto á prolongación da avenida Ordoño II e a escasos metros da antiga estación. Ten servizos de alta velocidade, longa e media distancia operados por Renfe.

Situación ferroviaria

Atópase situada a 825 metros de altitude. Nela acaba a Liña de alta velocidade Valladolid-Palencia-León de ancho internacional (punto quilométrico 345,45). Ademais nela conflúen dous trazados de ancho ibérico: a liña de Venta de Baños e Xixón, liña 130 da rede ferroviaria española, e polo outro a liña entre León e A Coruña, liña 800 da rede. Historicamente a estación de León estivo relacionada coa liña Palencia-A Coruña da cal partía un ramal en dirección a Asturias.

A estación

Plataformas da estación

Trenhotel Vigo-Barcelona xunto a un AVE estacionado en León

O complexo é moderno e funcional, abarca un total de 1273,6 metros cadrados de superficie. A súa configuración como estación terminal fai que teña unha plataforma cabeceira e tres plataformas máis, dúas laterais e unha central que nacen dela. As tres teñen lonxitudes diferentes: 190 metros a situada máis ao oeste, 485 metros a central e 236 metros para a última. Ás devanditas plataformas acceden catro vías e existen outras catro vías máis de manobras. O modelo de estación terminal provocou unha sensible complicación do funcionamento ferroviario da estación respecto da antiga estación pasante, obrigando a manobras de retroceso nos trens pasantes e limitando o espazo de estacionamento de composicións de trens con inicio ou fin en León. Esta complicación vese agravada polo servizo da LAV Valladolid-León, en ancho internacional, que obriga a reservar vías para ambos os anchos, limitando a súa funcionalidade.

O edificio de viaxeiros da estación conta cun amplo vestíbulo, despachos de billetes, zona de embarque, cafetería, aseos, unha pequena zona comercial e diversas dependencias administrativas e de servizo. Deseñada por URBAQ Arquitectos S.l. (Fernando Liébana Díez e Esther Llorente López). No exterior existe un aparcadoiro de pago e paradas de autobuses urbanos.

Servizos ferroviarios

Longa distancia

Actualizado a 22 de xuño de 2016.

Media distancia

Actualizado a 22 de xuño de 2016.

Liñas	Trens	Orixe/Destino	<>	Destino/Orixe
	Intercity	León		Madrid-Chamartin
	Intercity	Vigo-Guixar		Madrid-Chamartin
	Intercity	León		Alcázar de San Juan
17	MD Rexional Exprés	León Ponferrada		Valladolid Medina del Campo
23	Rexional Exprés	León		Ponferrada
24	Rexional	Valladolid-Campo Grande		Xixón

Véxase tamén

Ligazóns externas

• Información na web de Adif Arquivado 05 de agosto de 2016 en Wayback Machine. (en castelán)