Estación de Lugo-Mercadorías
Coordenadas: 43°02′59.5″N 7°33′20.7″O / 43.049861, -7.555750
| Lugo-Mercadorías | |
|---|---|
| Situación | Rúa dos Carros s/n 27003 Lugo |
Lugo-Mercadorías é unha estación de tren de Adif para tráfico de mercadorías, situada no concello de Lugo, na liña León - A Coruña. Foi posta en servizo no ano 2008[1], cun investimento superior aos 13 millóns de euros.[2]
Ocupa unha superificie de 100.000 metros cadrados que foron cedidos polo Concello. Polas súas características é posíbel atender até cen trens por semana. Dispón de vías de recepción, expedición e tratamento de trens, tanto de transporte intermodal como de carga directa de mercadorías sobre vagón. Unha das vías permite a entrada de composicións de até 750 metros de lonxitude. A lousa de carga e descarga ten capacidade para almacenar até 360 contedores.
Esta estación supuxo un incremento en 4,7 veces máis a superficie existente daquela, na propia estación de viaxeiros de Lugo; a lonxitude das vías de carga e descarga pasou de 230 a 1.335 m; as de estacionamento, de 1.620 a 2.069 m.[3]
Lugo-Mercadorías é canda Vigo-Guixar e Taboadela unha das tres estacións desde onde se despachan os trens cargados de lixo cara a planta de SOGAMA.[4]
Notas[editar | editar a fonte]
- ↑ Uz, Carmen. "La terminal ferroviaria de mercancías de Lugo languidece a los tres años de su apertura". El Progreso de Lugo (en castelán). Consultado o 2018-10-08.
- ↑ Europa Press (2006-05-18). "La nueva estación terminal de mercancías de Lugo costarán más de 13 millones y estará concluida en un año". europapress.es (en castelán). Consultado o 2018-10-08.
- ↑ Enrique G. Souto (2008-01-12). "Lugo estrena terminal de mercancías". La Voz de Galicia (en castelán). Consultado o 2018-10-08.
- ↑ "Renfe transportará en diez años 3.750.000 toneladas de desechos urbanos en Galicia". www.vialibre-ffe.com (en castelán). Consultado o 2018-10-08.
Véxase tamén[editar | editar a fonte]
Artigos relacionados[editar | editar a fonte]
Ligazóns externas[editar | editar a fonte]
- Información na web de Adif Arquivado 09 de outubro de 2018 en Wayback Machine.
- Vídeo da terminal desde un tren de viaxeiros