Estación de Canaval

Estación de Canaval
	Sober
	Instancia de estación de ferrocarril
	Instancia de estación de ferrocarril
Características
	Estado de uso en funcionamento
Implicados
	Propietario/a Adif
	Operador/a Renfe Operadora
Transporte
	Servizo de conexión Intercity
	Código de estación 22001
	Liñas ferroviarias liña Monforte de Lemos - Vigo
	Número de beiras 2
Localización
	Situado en Sober, provincia de Lugo, Galicia, España
	Coordenadas 42°28′58″N 7°35′16″O / 42.482666666667, -7.5876666666667
	Wikidata C:Commons

Canaval é unha estación de tren de Adif, situada en Canaval, no concello de Sober, provincia de Lugo. Ten servizos de media distancia.

Situación ferroviaria

A estación atópase no punto quilométrico 9,1 da liña férrea de ancho ibérico que une Monforte de Lemos con Redondela a 271 metros de altitude, entre as estacións dos Monforte de Lemos e Areas.^[1] O tramo é de vía única e está electrificado.

Historia

A estación inaugurouse o 1 de decembro de 1884 coa apertura do tramo Monforte de Lemos-Ourense da liña que unía Vigo con Monforte de Lemos.^[2] A súa explotación inicial quedou a cargo da Compañía do Ferrocarril de Medina a Zamora e de Ourense a Vigo. Dita xestión mantívose ata 1928 cando foi absorbida pola Compañía Nacional dos Ferrocarrís do Oeste de España, compañía pública creada para xestionar varios trazados, en xeral deficitarios, do oeste do país.^[2] En 1941, Oeste foi unha das empresas que se integrou na recentemente creada Renfe.

Desde o 31 de decembro de 2004 Renfe Operadora explota a liña mentres que Adif é a titular das instalacións ferroviarias.

A estación

Está situada ao norte do municipio, preto da estrada N-120. O edificio para viaxeiros é unha estrutura de planta rectangular e dúas alturas que cobre un tellado de catro vertentes. Como outras estacións da liña loce un frontón rectangular nas súas fachadas. Conta con dúas plataformas, unha lateral e outra central e catro vías. As instalacións complétanse con peiraos de carga en desuso.

Servizos ferroviarios

Media distancia

Actualizado a 14 de xuño de 2016.


Liña	Trens	Orixe/Destino	<>	Destino/Orixe
6	Intercity	Madrid-Chamartín	<>	Vigo-Guixar
6	Rexional Exprés	León Ponferrada	<>	Vigo-Guixar

Notas

↑ Rede ferroviaria española Arquivado 18 de outubro de 2013 en Wayback Machine. Ministerio de Fomento
1 2 "Medina del Campo á Zamora y Orense á Vigo". spanishrailways.net (en castelán). 5 de marzo de 2012. Arquivado dende o orixinal o 04 de decembro de 2012. Consultado o 14 de xuño de 2016.

Véxase tamén

Ligazóns externas

Información sobre saídas e chegadas na web de Adif Arquivado 04 de marzo de 2016 en Wayback Machine.

[1] Rede ferroviaria española Arquivado 18 de outubro de 2013 en Wayback Machine. Ministerio de Fomento

[A-2] 1 2 "Medina del Campo á Zamora y Orense á Vigo". spanishrailways.net (en castelán). 5 de marzo de 2012. Arquivado dende o orixinal o 04 de decembro de 2012. Consultado o 14 de xuño de 2016.

[1]

[2]