Estación da Frieira

Frieira é unha estación de tren de Adif situada no lugar da Frieira, no concello de Crecente, na provincia de Pontevedra, ao lado do río Miño. Ten servizos de media distancia operados por Renfe.

Situación ferroviaria

Está situada no punto quilométrico 95,5 da liña de ancho ibérico que une Monforte de Lemos con Redondela, a 74 metros de altitude, entre as estacións de Filgueira e A Pousa-Crecente.^[1] O tramo é de vía única e está electrificado.

A estación foi inaugurada o 18 de xuño de 1881 coa apertura do tramo Ourense-Arbo da liña entre Vigo e Monforte de Lemos.^[2] A explotación quedou a cargo da Compañía do Ferrocarril de Medina a Zamora e de Ourense a Vigo, e en 1928 foi absorbida pola Compañía Nacional dos Ferrocarrís do Oeste de España.^[2] En 1941 esta foi unha das empresas que se integrou en Renfe. Desde o 31 de decembro de 2004 Renfe Operadora explota a liña, mentres que Adif é a titular das instalacións ferroviarias.

Actualizado a 23 de xuño de 2016.


Liña	Trens	Orixe/Destino	<>	Destino/Orixe
	Intercity	Madrid-Chamartín	<>	Vigo-Guixar
6	Rexional Exprés	León Ponferrada Ourense-Empalme	<>	Vigo-Guixar

↑ Red ferroviaria española Arquivado 18 de outubro de 2013 en Wayback Machine. Ministerio de Fomento
↑ ^2,0 ^2,1 "Medina del Campo á Zamora y Orense á Vigo". spanishrailways.net. Arquivado dende o orixinal o 04 de decembro de 2012.