Portal:Rusia

Rusia, (en ruso: Россия, transliteración: Rossiya, ou Federación Rusa (en Ruso: Российская Федерация, transliteración: Rossiiskaia Federatsiia), é o maior país do mundo, estendéndose por case a metade de Europa e por preto dun terzo da Asia. Comprende, alén da porción continental, o enclave de Kaliningrado, no Mar Báltico, e unha serie de illas e arquipélagos árticos, entre os cales os máis importantes son a Terra de Francisco Xosé, as illas Nova Zembla, a illa de Kolguev, o arquipélago da Terra do Norte, as illas de Nova Siberia e a illa de Wrangell. Inclúe tamén varias illas e arquipélagos no Extremo Oriente, en particular a illa Sahalín, as illas Kuriles e as illas Komandorskie. A porción continental limita ao norte co Mar Branco, o mar de Kara, o mar de Laptev, o mar da Siberia Oriental e o Mar de Chukchi, ao leste co Estreito de Bering e Mar de Bering, que establecen comunicación con Alasca, o Océano Pacífico, o mar de Okhotsk e co mar do Xapón, a través do cal contacta con Xapón, ao sur con Corea do Norte, China, Mongolia, Casaquistán, o Mar Caspio, Acerbaixán, Xeorxia e co mar Negro, do outro lado do cal está a Turquía, e a oeste limita co Mar de Azov, Ucraína, Belarús, Letonia, Estonia, co Golfo de Finlandia, Finlandia e Noruega. A capital de Rusia é a cidade de Moscova. Artigo destacado - Избранная Статья O termo Revolución rusa (ruso: Русская революция, Russkaya revolyutsiya) agrupa todos os sucesos que conduciron ao derrocamento do réxime tsarista e á instauración preparada doutro, leninista, a continuación, entre febreiro e outubro de 1917, que levou á creación da República Socialista Federativa Soviética de Rusia. O tsar viuse obrigado a abdicar e o antigo réxime foi substituído por un goberno provisional durante a primeira revolución de febreiro 1917 (marzo no calendario gregoriano, pois o calendario xuliano estaba en uso en Rusia nese momento). Na segunda revolución, en outubro, o Goberno Provisional foi eliminado e substituído cun goberno bolxevique (comunista). A Revolución de febreiro focalizouse, orixinalmente, en torno a Petrogrado (hoxe San Petersburgo). No caos, os membros do parlamento imperial ou Duma asumiron o control do país, formando o Goberno provisional ruso. A dirección do exército sentía que non tiñan os medios para reprimir a revolución e Nicolao II, o último emperador de Rusia, abdicou... Imaxe destacada - Избранные фото Estatua do cosaco Jermark, conquistador da Siberia Sabías que...? - Знаете ли вы, что...? ...a Gran Duquesa María Nikolaevna mantivo en segredo ante o seu pai, Nicolao I de Rusia, o seu matrimonio morganático, ata a súa morte en 1855? ... o Castelo de San Miguel (na imaxe) foi construído como unha fortaleza medieval para a protección persoal do Emperador Paulo I de Rusia, quen ironicamente foi asasinado na súa habitación pouco despois de trasladarse ao castelo? ...a maior ouleada de colonos rusos en Bulgaria, os Gardas Brancos, chegaron tralos sucesos que rodearon a Revolución de Outubro e a guerra civil rusa? Biografía destacada - Избранная Персоналии Georgii Vasilievich Chicherin (ruso: Георгий Васильевич Чичерин, nado en Karaul o 12 de novembroxul./ 24 de novembro de 1872greg. e finado en Moscova o 7 de xullo de 1936 , foi un político e revolucionario ruso e ministro soviético de Asuntos Exteriores de 1918 a 1930. De ascendencia nobre, espléndido representante da intelectualidade rusa do século XIX, traballou na súa mocidade nos arquivos do Ministerio de Asuntos Exteriores ruso. Contrario ao réxime tsarista, cooperou primeiro cos socialrevolucionarios antes de facerse socialdemócrata xa no exilio. Bolxevique ao comezo das disputas internas do partido (POSDR), en 1905, tralo fracaso da revolución pasou a militar cos menxeviques. Entre 1907 e 1914, como secretario da Oficina Central no Estranxeiro do POSDR, demostrou ser un crítico acerbo de Lenin e os seus seguidores. Activo nos movementos socialistas de Europa occidental, acabou desilusionado polo conservadorismo e moderación destes e dos menxeviques... Símbolos históricos - Исторические символы Himno da RSFS de Rusia interpretado polo Red Army Choir. Artigos de calidade e bos Artigos de calidade (16) Historia: Goberno Provisional Ruso, Golpe de Estado de Kornilov, Negociacións Vikzhel, Xornadas de Xullo, Revolución de Febreiro, Revolución de Outubro, Estrea da Sinfonía n.º 7 de Shostakovich en Leningrado Personalidades: Georgii Chicherin, Aleksandr Kolchak, Nadezhda Krupskaia, Lenin, Sergei Prokofev, Nikolai Rimskii-Korsakov, Edgar de Wahl, Vera Zasulich Outros: Laika Artigos bos (6) Historia: Crise de abril de 1917 en Rusia, Motín junker, Revolución rusa de 1917, Execución da familia Romanov Personalidades: Grigorii Rasputin Buques: Potemkin (acoirazado) Categorías - Категории Queres atopar artigos relacionados con Rusia? Proba buscando nas seguintes categorías: Rusia Cultura de Rusia Demografía de Rusia Deporte en Rusia Dereito en Rusia Descendentes de rusos Economía de Rusia Historia de Rusia Política de Rusia Personalidades de Rusia Símbolos de Rusia Sociedade de Rusia Transporte en Rusia Xeografía de Rusia Portal:Rusia Proxectos relacionados Wikipedia:Wikiproxecto Rusia Wikiproxecto Rusia Proxectos irmáns Wikimedia Commons en Commons Wiktionary no Galizionario