Portal:Segunda Guerra Mundial

Na Galipedia, a Wikipedia en galego.
Segunda Guerra Mundial

editar A segunda guerra mundial foi un conflito armado a escala mundial que durou do 1 de setembro de 1939 ó 2 de setembro de 1945. Involucrou á maioría de países do mundo, incluídas todas as grandes potencias, estes estiveron organizados en dúas alianzas militares enfrontadas entre si, os Aliados e as Potencias do Eixe. Mobilizáronse a 100 millóns de militares e os principais países involucrados destinaron á guerra todos os recursos dos que dispoñían. Foi o conflito máis mortífero da historia, provocando a morte duns 60 millóns de persoas, a maioría civís, o que supoñía case o 3% da poboación mundial da época.

Artigo destacado

editar

Patrulla de esquiadores fineses o 12 de xaneiro de 1940.
A Guerra de Inverno foi un conflito militar entre a Unión Soviética e Finlandia. Comezou cunha ofensiva soviética o día 30 de novembro de 1939 (dous meses despois do inicio da segunda guerra mundial e da invasión soviética de Polonia), e rematou o 13 de marzo de 1940, coa sinatura do Tratado de paz de Moscova. Finlandia cedeu o 11% dos seus territorios previos á guerra e o 30% dos seus activos económicos á Unión Soviética. As perdas no Exército Vermello foron moi altas, o que repercutiu na reputación internacional do país. As forzas soviéticas non cumpriron o seu obxectivo de conquistar completamente Finlandia, pero gañaron terreo substancial ao longo do lago Ladoga e territorio no norte do país. Os fineses, pola súa parte, conservaron a súa soberanía e melloraron a súa reputación internacional.
Imaxe destacada

editar

Bomba atómica de Nagasaki.
Bomba atómica de Nagasaki.

Nube en forma de fungo provocada pola bomba atómica que lanzaron os Estados Unidos sobre Nagasaki, o 9 de agosto de 1945.

Artigos de calidade e bos
Personalidade destacada

editar

Winston Churchill en 1942
Sir Winston Leonard Spencer-Churchill, nado no pazo de Blenheim, na comarca de Oxford, o 30 de novembro de 1874 e finado en Londres o 24 de xaneiro de 1965, foi un político e escritor británico, coñecido polo seu liderado no Reino Unido durante a Segunda Guerra Mundial. Así mesmo desempeñou labores de periodista, soldado e pintor, isto último no seu lecer. Foi gañador do Premio Nobel de Literatura no ano 1953.
Sabías que...
Categorías
Contido relacionado

editar

Wikiproxecto Historia
Wikiproxecto Historia

Wikiproxecto Historia

Portal Historia
Portal Historia

Portal Historia

Wikimedia Commons
Wikimedia Commons

Commons

Wikiquote
Wikiquote

Galicitas