Portal:Feminismo

Na Galipedia, a Wikipedia en galego.
Saltar ata a navegación Saltar á procura
Portal feminismo.jpg
Womanpower logo.svg

O feminismo é un conxunto de teorías sociais, movementos políticos e filosofías morais, principalmente motivadas por ou concernentes ás experiencias das mulleres, especialmente referidas á súa situación social, política e económica. Como movemento social, o feminismo principalmente está enfocado a erradicar a desigualdade de xénero e promover os dereitos das mulleres e os seus intereses na sociedade. Isto tamén concirne ao efecto que producen os roles de xénero nos homes, e o estímulo aos homes para trocar os roles tradicionais masculinos.

O feminismo alterou principalmente as perspectivas predominantes en diversas áreas da sociedade occidental, desde a cultura ao dereito. As activistas feministas fixeron campañas polos dereitos legais das mulleres (dereitos de contrato, dereitos de propiedade, dereitos ao voto), polo dereito da muller á súa autonomía e á integridade do seu corpo (dereitos ao aborto e dereitos reprodutivos —incluíndo o acceso á contracepción—), pola protección contra a violencia de xénero e a sexual ou polo remate da discriminación no traballo en todas as súas formas.

Artigo destacado

editar

Femen Logo.svg
Femen (en ucraíno: Фемен), estilizado como FEMEN, é un grupo activista franco-ucraíno de feminismo radical que loita para protexer os dereitos da muller. A organización fíxose internacionalmente coñecida por realizar protestas controvertidas espidas contra o turismo sexual, as institucións relixiosas, o sexismo, a homofobia e outros temas sociais. Fundado en Ucraína, o grupo ten a súa sede en París.

A organización descríbese a si mesma como "loitadora contra o patriarcado e as súas tres manifestacións - a escravitude sexual das mulleres, as ditaduras e a relixión" e declarou que o seu obxectivo é o "sextremismo a prol de protexer os dereitos das mulleres". As activistas de Femen teñen sido detidas pola policía por mor das súas protestas.

Imaxe destacada

editar

We Can Do It!.jpg
We Can Do It!, cartel propagandístico creado en 1943 empregado en ocasións polo movemento feminista.
Vexa o artigo segunda guerra mundial.


Sabías que...?

editar

Ellen Johnson Sirleaf, 24ª presidenta de Liberia.


Categorías

editar

Queres atopar artigos relacionados co feminismo? Proba buscando nas seguintes categorías:

Biografía destacada

editar

Mary Wollstonecraft by John Opie (c. 1797).jpg
Mary Wollstonecraft, nada en Spitalfields, Londres o 27 de abril de 1759 e finada o 10 de setembro de 1797, foi unha filósofa, escritora inglesa e defensora dos dereitos das mulleres. Durante a súa breve carreira, escribiu novelas, tratados, unha narración de viaxe, unha historia da Revolución Francesa, un manual de conduta e un libro para a mocidade. Wollstonecraft é coñecida por Vindicación dos dereitos da muller (1792), onde argumenta que as mulleres non son naturalmente inferiores aos varóns, mais semellan selo porque non reciben a mesma educación. Ela suxire que tanto varóns coma mulleres deben ser tratados como seres racionais e imaxina unha orde social fundada pola razón. Con esta obra estableceu as bases do feminismo moderno e converteuna nunha das mulleres máis populares de Europa da época.

Ata finais do século XX, a vida de Wollstonecraft, que abranguía varías relacións persoais non convencionais, recibía máis atención ca a súa obra. Despois de dous maos asuntos con Henry Fuseli e Gilbert Imlay (con quen tivo unha filla, Fanny Imlay), casou co filósofo William Godwin, un dos devanceiros do movemento anarquista. Wollstonecraft finou á idade de 38 anos, once días despois de dar a luz a súa segunda filla, ficando atrás varios manuscritos inacabados. Esta filla, Mary Wollstoncraft Godwin, converteuse nunha consumada escritora, como Mary Shelley, a autora de Frankenstein ou o moderno Prometeo.

Despois da morte de Wollstonecraft, o seu viúvo publicou Memoirs of the Author of A Vindication of the Rights of Woman (Memorias da autora de Vindicación dos dereitos da muller, 1798), revelando o seu estilo de vida pouco ortodoxo, que inadvertidamente destruíu a súa reputación durante case un século. Porén, co movemento feminista de comezos do século XX, a defensa de Wollstonecraft da igualdade das mulleres e as críticas á feminidade convencional fixéronse cada vez máis importantes. Na actualidade, Wollstonecraft é considerada unha das filósofas feministas fundadoras, e as feministas adoito citan tanto a súa vida coma o seu traballo como grandes influencias.

Cita destacada

editar

Maureen Reagan con súa nai.
Sentirei que chegou a igualdade cando podamos elixir representantes mulleres que sexan tan incompetentes como algúns dos homes que xa o son.
Artigos de calidade e bos

editar

Nuvola filesystems services.svg Artigos de calidade (3)

Crystal Clear action bookmark Silver.png Artigos bos (0)


Proxectos relacionados
Portais relacionados
Proxectos irmáns