Portal:Baloncesto

Na Galipedia, a Wikipedia en galego.
Saltar ata a navegación Saltar á procura
Portal baloncesto.jpg
Basketball game.jpg

O baloncesto (do inglés basketball; de basket, 'canastra', e ball, 'pelota'), é un deporte de equipo, xogado entre dous equipos de cinco xogadores cada un durante catro períodos de 10 minutos (FIBA ou 12 minutos NBA. O obxectivo do equipo é anotar puntos introducindo o balón pola canastra, un ano a 3,05 metros sobre a superficie da pista de xogo e do que pendura unha rede. A puntuación por cada canastra é de dous ou tres puntos dependendo da posición dende a que se efectúa o tiro, ou dun punto, se se trata dun tiro libre por unha falta dun xogador contrario. O equipo gañador é o que obtén o maior número de puntos. O contacto co balón realízase coas mans. Os xogadores non poden desprazarse suxeitando o balón, senón que o deben botar no chan.

Foi inventado por James Naismith, un profesor canadense de educación física, en decembro de 1891 na YMCA de Springfield, Massachusetts (Estados Unidos). Tamén existe unha modalidade, fundamentalmente para discapacitados, na que se xoga en cadeira de rodas (baloncesto en cadeira de rodas), practicamente coas mesmas normas que o baloncesto habitual.

Artigo destacado

editar

Kareem Magic Lipofsky.jpg
En baloncesto, o Showtime (tempo de espectáculo) foi unha época na historia do equipo de Los Angeles Lakers xogando na National Basketball Association (NBA) entre 1979 e 1990, cando puxo en práctica un espectacular sistema baseado no estilo de xogo run and gun (correr e tirar). Liderado polos carismáticos xogadores Magic Johnson como pasador e Kareem Abdul-Jabbar como anotador, o seu xogo baseouse no contraataque e gañou cinco campionatos da NBA.

Cinco dos integrantes do equipo: Johnson, Abdul-Jabbar, Jamaal Wilkes, Bob McAdoo e James Worthy, foron incluídos no Basketball Hall of Fame como recoñecemento á súa contribución ao mundo do baloncesto, e o club retirou ademais como homenaxe os números das camisolas de Johnson (#32), Abdul-Jabbar (#33), Worthy (#42) e Wilkes (#52). A súa formación da tempada 1986-87 foi incluída pola liga en 1996 entre os dez mellores equipos da historia da NBA.

O propietario dos Lakers na época, Jerry Buss, mercou o equipo en 1979, e dende un principio procurou o entretemento nos seus partidos. Insistiu en que os Lakers adoptasen un estilo de ritmo rápido, creou un grupo de cheerleaders para o equipo (as Laker Girls) e unha banda en vivo para os seus partidos como locais en The Forum de Inglewood.

O Showtime converteuse nun fenómeno deportivo e provocou que diversas celebridades de Hollywood se afeccionasen o equipo e fosen espectadoras asiduas dos seus encontros.

Así van
Categorías
Artigos de calidade e bos

editar

Nuvola filesystems services.svg Artigos de calidade (1)

Crystal Clear action bookmark Silver.png Artigos bos (0)

Biografía destacada

editar

Jordan by Lipofsky 16577.jpg
Michael Jeffrey Jordan, nado o 17 de febreiro de 1963 en Brooklyn, Nova York, é un ex xogador de baloncesto estadounidense, home de negocios, e propietario maioritario dos Charlotte Bobcats. A súa biografía na páxina web oficial da National Basketball Association (NBA) di: "Por aclamación, Michael Jordan é o mellor xogador de baloncesto de tódolos tempos."

Despois dunha sobresaliente carreira na Universidade de Carolina do Norte en Chapel Hill, onde dirixiu aos Tar Heels a un Campionato Nacional en 1982, Jordan uniuse aos Chicago Bulls da NBA en 1984. Rapidamente destacou como unha das estrelas da liga, debido ás súas grandes actuacións e espectacular xogo, destacando sobre todo a súa capacidade de salto. Por mor disto recibiu os alcumes de "Air Jordan" e de "His Airness". Ademais tamén adquiriu a reputación de ser un dos mellores xogadores defensivos no baloncesto. En 1991, gañou o seu primeiro campionato cos Bulls, seguido doutros dous títulos consecutivos en 1992 e 1993. Aínda que Jordan se retirou abruptamente do baloncesto ao inicio da tempada 1993-94 para seguir a súa carreira no béisbol, regresou aos Bulls en 1995, gañando outros tres campionatos consecutivos, 1996, 1997 e 1998. Jordan retirouse por segunda vez en 1999, mais regresou para dúas tempadas máis en 2001 como membro dos Washington Wizards.

Foi elixido para o Basketball Hall of Fame o 6 de abril de 2009 e admitido o 11 de setembro de 2009 e o seu dorsal está retirado polos Chicago Bulls e Miami Heat. Fóra do mundo puramente deportivo, Jordan é tamén coñecido polos seus patrocinios publicitarios, destacando ás súas zapatillas de deporte "Air Jordan" de Nike, introducidas en 1985 e aínda moi populares hoxe en día.

Imaxe destacada
Sabías que...?
Proxectos relacionados
Portais relacionados
Proxectos irmáns