Edgar de Wahl

Na Galipedia, a Wikipedia en galego.
Saltar ata a navegación Saltar á busca
Edgar de Wahl
Edgar von Wahl (cropped).jpg
Nacemento 11 de agosto de 1867
  sen etiquetar
Falecemento 9 de marzo de 1948
  Talín
Nacionalidade Estonia
Ocupación lingüista, esperantista, Idist e mestre
Pai Oskar von Wahl
editar datos en Wikidata ]

Edgar de Wahl, nado en Olviopol (hoxe chamado Pervomaysk, en Ucraína, daquela pertencente ao Imperio Ruso) o 11 de agosto de 1867 e finado en Talín o 9 de marzo de 1948, foi un lingüista ruso, creador da lingua auxiliar internacional chamada Occidental ou Interlingue.

Traxectoria[editar | editar a fonte]

Estudou en San Petersburgo, e traballou durante a maior parte da súa vida profesional na cidade de Talín en Estonia (cidade tamén coñecida como Reval).

Primeiro foi un adepto do Volapük, de Wahl máis tarde foi un dos primeiros falantes de esperanto, e aínda que aconsellou a Zamenhof sobre algúns puntos de gramática e vocabulario da nova lingua, renunciou o uso de esperanto logo de varios anos e durante as décadas seguintes traballou na cuestión da forma ideal dunha lingua auxiliar internacional.

En 1922 publicou unha "chave" a unha nova lingua, occidental, e publicou o primeiro número dun xornal titulado Kosmoglott (e máis tarde cambiado a Cosmoglotta), escrito enteiramente nesta lingua. Formulou a regra de Wahl. Nos anos seguintes, de Wahl participou na discusión sobre o desenvolvemento de Occidental, mais deixou que o idioma evolucionase seguindo as recomendacións de persoas que o usaban. Despois do comezo da Segunda Guerra Mundial, en 1939, só tivo un contacto intermitente co movemento occidentalista, que naquel tempo centrábase en Suíza. Viviu os seus últimos anos nun sanatorio en Estonia e morreu en 1948.

En 1949 o nome do idioma Occidental foi cambiado a Interlingue.